ທຳນຽບຂາວ ໄດ້ກ່າວປະນາມ ການກ່າວຫາຄັ້ງໃໝ່ ກ່ຽວກັບ ຄວາມປະພຶດທີ່ບໍ່ເໝາະ
ສົມທາງເພດ ຕໍ່ຜູ້ພິພາພາກ ແບຣັດ ຄາແວນໍ, ເຊິ່ງແມ່ນຜູ້ຖືກສະເໜີຊື່ສຳລັບສານສູງ
ສຸດ ສະຫະລັດ ຂອງປະທານາທິບໍດີ ດໍໂນລ ທຣຳ.
ວາລະສານ The New Yorker ໄດ້ລາຍງານໃນແລງວັນອາທິດວານນີ້ວ່າ ສະມາຊິກ
ສະພາສູງ ສະຫະລັດ ສອງທ່ານ ກຳລັງສືບສວນສອບສວນການກ່າວຫາຂອງແມ່ຍິງ
ຄົນທີ່ວ່າ ທ່ານ ຄາແວນໍ ໄດ້ແກ້ເຄື່ອງໃຫ້ຄົນເບິ່ງຢູ່ງານປາຕີ້ໃນຫໍພັກແຫ່ງນຶ່ງຂອງມະ
ຫາວິທະຍາໄລ ເຢລ ໃນລະຫວ່າງສົກຮຽນປີ 1983-1984. ນາງ ເດໂບຣາ ຣາມີເຣັສ
ອາຍຸ 53 ປີໄດ້ອະທິບາຍເຫດການດັ່ງກ່າວໃນການສຳພາດ ຫຼັງຈາກຖືກຕິດຕໍ່ໂດຍວາ
ລະສານ ແລະ ໄດ້ກ່າວວ່າ ທ່ານ ຄາແວນໍ ໄດ້ຍູ້ອະໄວຍະວະເພດຂອງເພິ່ນໃສ່ໜ້າຂອງ
ນາງ ແລະ ໄດ້ເຮັດໃຫ້ນາງຈັບໂດຍບໍ່ໄດ້ຮັບການຍິນຍອມຈາກນາງ ໃນຂະນະທີ່ນາງ
ໄດ້ຍູ້ທ່ານອອກໄປ.
ໂຄສົກທຳນຽບຂາວ ທ່ານ ເຄຣີ ຄູເພັກ ໄດ້ເປີດເຜີຍຖະແຫຼງການສະບັບນຶ່ງ ກ່າວປະ
ນາມການລາຍງານດັ່ງກ່າວນັ້ນ. ທ່ານ ຄູເພັກ ໄດ້ກ່າວວ່າ “ການກ່າວອ້າງທີ່ມີມາດົນ
ເຖິງ 35 ປີທີ່ບໍ່ມີຫຼັກຖານຢືນຢັນນີ້ ແມ່ນການໂຄສະນາໃສ່ຮ້າຍທີ່ປະສານງານການຄັ້ງ
ຫຼ້າສຸດ ໂດຍພວກເດໂມແຄຣັດ ເຊິ່ງມີເຈຕະນາຈະທຳລາຍຜູ້ຊາຍທີ່ດີຄົນນຶ່ງ.” ທ່ານໄດ້
ກ່າວຕື່ມວ່າ “ການກ່າວອ້າງນີ້ແມ່ນໄດ້ຖືກປະຕິເສດໂດຍທຸກຄົນຜູ້ທີ່ໄດ້ເວົ້າວ່າໄດ້ຢູ່ໃນ
ເຫດການນັ້ນ ແລະ ບໍ່ສອດຄ່ອງກັນຢ່າງສິ້ນເຊີງກັບສິ່ງທີ່ແມ່ຍິງ ແລະ ຜູ້ຊາຍທັງຫຼາຍຜູ້
ທີ່ຮູ້ຈັກຜູ້ພິພາກສາ ຄາແວນໍ ໃນເວລາຮຽນຢູ່ມະຫາວິທະຍາໄລ ໄດ້ເວົ້ານັ້ນ. ທຳນຽບ
ຂາວ ຈະໃຫ້ການສະໜັບສະໜູນຜູ້ພິພາກສາ ຄາແວນໍ ຢ່າງເດັດດ່ຽວ.”
ນາງ ຣາມີເຣັສ ໄດ້ຍອມຮັບຕໍ່ຜູ້ລາຍງານຂອງວາລະສານ New Yorker ທ້າວ ໂຣນັນ
ຟາໂຣ ກັບ ນາງ ເຈນ ມາຍເຢີ ວ່າ ລາວໄດ້ກິນເຫຼົ້ານຳກັນ ແລະ ວ່າລາວບໍ່ຈື່ມັນປານໃດ.
ແຕ່ຫຼັງຈາກການປຶກສາຫາລືກັບທະນາຍຄວາມຄົນນຶ່ງແລ້ວ, ນາງ ຣາມີເຣັສ ກໍໄດ້ກ່າວ
ຕໍ່ວາລະສານດັ່ງກ່າວວ່າ ລາວຮູ້ສຶກໝັ້ນໃຈພໍໃນຄວາມຈຳຂອງລາວວ່າມັນໄດ້ເກີດຂຶ້ນ.
ທ່ານ ຄາແວນໍ ໄດ້ປະຕິເສດການກ່າວຫາຂອງນາງ ຣາມີເຣັສ ໃນຖະແຫຼງການສະບັບ
ນຶ່ງ ທີ່ຖືກເປີດເຜີຍຜ່ານທຳນຽບຂາວ, ແລະ ເອີ້ນມັນວ່າ “ເປື້ອນ, ສົກກະປົກ ແລະ ອະ
ທິບາຍຕໍ່ໄປບໍ່ໄດ້ອີກ.”
ວາລະສານ New Yorkers ເວົ້າວ່າເຂົາເຈົ້າບໍ່ສາມາດຊອກຜູ້ເຫັນເຫດການຄົນອື່ນໆ.
