ລິ້ງ ສຳຫລັບເຂົ້າຫາ

ວັນຈັນ, ໒໖ ກຸມພາ ໒໐໒໔

ຄວາມວຸ້ນວາຍໃນແຄວ້ນແຄັສເມຍ


ທະຫານອິນເດຍ ລາດຕະເວນຢູ່ຕາມຖະໜົນຫົນທາງ ຫຼັງຈາກໄດ້ມີການປະກາດ ຫ້າມອອກນອກເບ້ານຮືອນ ທີ່ນະຄອນ Srinagar ລຸນຫຼັງມີຜູ້ເສຍຊີວິດ 17 ຄົນ (14 ກັນຍາ 2010)
ທະຫານອິນເດຍ ລາດຕະເວນຢູ່ຕາມຖະໜົນຫົນທາງ ຫຼັງຈາກໄດ້ມີການປະກາດ ຫ້າມອອກນອກເບ້ານຮືອນ ທີ່ນະຄອນ Srinagar ລຸນຫຼັງມີຜູ້ເສຍຊີວິດ 17 ຄົນ (14 ກັນຍາ 2010)

ຕຳຫຼວດໃນແຄວ້ນແຄັສເມຍໃນສ່ວນທີ່ຢູ່ພາຍໃຕ້ການຄວບ ຄຸມຂອງອິນເດຍ ກ່າວ​ວ່າ ​ເຈົ້າ​ໜ້າ​ທີ່​ໄດ້​ຍິງ​ປືນ​ ໃສ່​ພວກ​ປະ​ທ້ວງ ທີ່​ໄດ້​ຝ່າຝືນ​ຄໍາ​ສັ່ງ​ ຫ້າມອອກນອກ​ບ້ານ​ໃນ​ຍາມ ​ຄໍ່າ​ຄືນ ​ແລະ​ແກວ່ງ​ກ້ອນ​ຫີນໃສ່​ຕໍາຫຼວດ ໃນມື້ນີ້ ນຶ່ງມື້ຫຼັງ າກໄດ້ເກີດ ການປະທະກັນ​ເຖິງ​ຕາຍ ຢູ່​ໃນ​ເຂດ​ນັ້ນ.

ຕໍ​າຫຼວດ​ໄດ້​ຍິງ​ປືນ​ໃສ່​ພວກ​ປະ​ທ້ວງ​ ກຸ່ມ​ນ້ອຍໆ​ກຸ່ມ​ນື່ງ​ໃນ​ ວັນອັງຄານມື້​ນີ້ ທີ່​ເມືອງ Baramulla ​ໃກ້ໆ Srinagar ​ເມືອງ​ເອກຂອງ​ແຄວ້ນ Kashmir ຂອງອິນ​ເດຍ. ລາຍ​ງານ​ຂ່າວ​ເວົ້າ​ວ່າ ມີ​ຜູ້​ໄດ້​ຮັບ​ບາດ​ເຈັບ ຢ່າງ​ຍ້ອນ 3 ຄົນ.

ໃນ​ວັນ​ຈັນ​ວານ​ນີ້ ຄວາມ​ຮຸນ​ແຮງທີ່​ເກີດ​ຂຶ້ນ ​ໄດ້ເຮັດໃຫ້ມີຜູ້ເສຍຊີວິດ ຢ່າງນ້ອຍ 18 ຄົນ ຮວມທັງຕຳຫຼວດຄົນນຶ່ງ​ແລະ​ບາດເຈັບ​ອີກຢ່າງ​ນ້ອຍ 70 ຄົນ ຊື່​ງ​ເປັນ​ມື້​ນຶ່ງ​ທີ່​ນອງ​ເລືອດ​ທີ່​ສຸດ ຢູ່​ໃນແຄວ້ນ​ ໃນເຂດ​ພູ​ເຂົາ​ຫິມມະ​ໄລ​ແຫ່ງ​ນັ້ນ ນັບ​ແຕ່ການເດີ​ນຂະ​ບວນປະ​ທ້ວງ​ຂອງ ​ມະຫາຊົນ ຕໍ່​ຕ້ານການ​ປົກຄອງ​ ຂອງ​ອິນ​ເດຍ ​ໄດ້​ເລີ່​ມຂຶ້ນ​ເມື່ອ 3 ​ເດືອນ​ກ່ອນ.

ເຈົ້າໜ້າທີ່ກ່າວວ່າ ສາ​ເຫດສ່ວນນຶ່ງ ຂອງການປະທ້ວງ ​ໃນ​ມື້ວານ​ນີ້ ​ແມ່ນ​ເປັນ​ຍ້ອນມີຂ່າວ ໂທລະພາບ ຈາກຊ່ອງຂອງທາງການອີຣ່ານ ທີ່ລາຍງານວ່າ ໄດ້ມີການໝິ່ນປະໝາດ ຕໍ່ພະ ຄຳພີໂກຣ່ານ ຢູ່ໃນສະຫະລັດ.

ເຈົ້າ​ໜ້າ​ທີ່​ກ່າວ​ວ່າ ການ​ຫ້າມ​ອອກ​ນອກ​ບ້ານ​ເຮືອ​ນ ​ແມ່ນ​ເພື່ອ​ປ້ອງ​ກັນ ບໍ່​ໃຫ້​ເກີດຄວາມ​ຮຸນ ​ແຮງ​ຂຶ້ນ​ອີກ.

XS
SM
MD
LG