ລິ້ງ ສຳຫລັບເຂົ້າຫາ

8 ຄົນ ເສຍຊີວິດ ໃນການໂຈມຕີ ຢູ່ແຄວ້ນ ແຄັສເມຍ ຂອງ ອິນເດຍ (ວີດີໂອ)


ກຳລັງຮັກສາຄວາມສະຫງົບຂອງອິນເດຍ ໄປເຖິງຄ້າຍ Samba ບ່ອນທີ່ພວກກະບົດໂຈມຕີ ປະມານ 40 ຫຼັກກິໂລແມັດ ຫ່າງຈາກເມືອງຈາມມູ (26 ກັນຍາ 2013)
ເຈົ້າໜ້າທີ່ອິນເດຍກ່າວວ່າ ພວກທີ່ສົງໄສວ່າເປັນກະບົດແບ່ງແຍກ
ດິນແດນໄດ້ຍິງສັງຫານຢ່າງໜ້ອຍ 8 ຄົນ ໃນການບຸກໂຈມຕີປ້ອມ
ຕຳຫລວດແຫ່ງນຶ່ງ ທີ່ແຄວ້ນແຄັສເມຍ ໃນສ່ວນທີ່ຢູ່ ພາຍໃຕ້ການ
ຄວບຄຸມຂອງອິນເດຍຊຶ່ງລັດຖະບານທ້ອງຖິ່ນກ່າວວ່າແນໃສ່ເພື່ອ
ທັບມ້າງ ການເຈລະຈາສັນຕິພາບ ລະຫວ່າງອິນເດຍ ແລະປາກິສ
ຖານ.

ເຈົ້າໜ້າທີ່ເວົ້າວ່າພວກໂຈມຕີໄດ້ຍິງປືນສາດເຂົ້າໃສ່ປ້ອມຕຳຫຼວດ
ທີ່ເມືອງ Hiranagar ແລະຫລັງຈາກນັ້ນກໍຈີ້ເອົາລົດບັນທຸກຄັນນຶ່ງ
ເພື່ອຫລົບໜີໄປ. ໃນຈຳນວນພວກທີ່ເສຍຊີວິດນັ້ນແມ່ນຕຳຫຼວດບໍ່
ຕໍ່າກວ່າ 4 ຄົນ.

ເມືອງ Hiranagar ຕັ້ງຢູ່ປະມານ 200 ຫຼັກກິໂລແມັດຫ່າງຈາກເມືອງ Srinagar ຊຶ່ງເປັນຫົວ ເມືອງໃຫຍ່ທີ່ສຸດ ໃນແຄວ້ນແຄັສເມຍສ່ວນທີ່ອິນເດຍຄວບຄຸມຢູ່ ໄປທາງທິດໃຕ້.

ນອກນັ້ນແລ້ວ ພວກໂຈມຕີຍັງໄດ້ແນເປົ້າໝາຍໃສ່ຄ້າຍທະຫານທີ່ຕັ້ງຢູ່ໃກ້ຄຽງ.

ທ່ານ Omar Abdullah ຜູ້ປົກຄອງ ເຂດຈາມມູ ແລະແຄັສເມຍ ກ່າວວ່າ ການໂຈມຕີທີ່ວ່ານີ້ ແມ່ນແນໃສ່ເພື່ອທັບມ້າງຂັ້ນຕອນການສ້າງສັນຕິພາບກ່ອນໜ້າການເຈລະຈາລະຫວ່າງນາ ຍົກລັດຖະມົນຕີອິນເດຍ ແລະປາກິສຖານ ຢູ່ຂ້າງນອກຂອງກອງປະຊຸມ ສະມັດຊາໃຫຍ່ອົງ
ການສະຫະປະຊາຊາດ ທີ່ນະຄອນນິວຢອກ ໃນສັບປະດານີ້.

ນາຍົກລັດຖະມົນຕີອິນເດຍ ທ່ານ Manmohan Singh ໄດ້ອອກຖະແຫລງການສະບັບນຶ່ງ
ເອີ້ນການໂຈມຕີນີ້ວ່າ ຊົ່ວຮ້າຍທີ່ສຸດ ແລະປະກາດວ່າ ພວກເຂົາຈະບໍ່ສາມາດທັບມ້າງການ ດຳເນີນຄວາມພະຍາຍາມເພື່ອຊອກຫາຊ່ອງທາງແກ້ໄຂບັນຫາຄວາມເຄັ່ງຕຶງລະຫວ່າງອິນ
ເດຍແລະປາກິສຖານໄດ້.

ທັງອິນເດຍ ແລະປາກິສຖານ ຕ່າງກໍອ້າງວ່າ ແຄວ້ນແຄັສເມຍທັງໝົດເປັນຂອງຕົນ. ກຸ່ມກະ ບົດຕ່າງໆໄດ້ທຳການຕໍ່ສູ້ການປົກຄອງຂອງອິນເດຍຢູ່ໃນເຂດດັ່ງກ່າວນັບແຕ່ປີ 1989 ເປັນ ຕົ້ນມາ.

XS
SM
MD
LG