ທ່ານຮາມິດ ກາຊາຍ ປະທານາທິບໍດີອັຟການີສຖານມີກໍານົດຈະພົບປະກັບ ທ່ານ ລີອອນ ພາແນັດຕ້າ ລັດຖະມົນຕີປ້ອງກັນປະເທດສະຫະລັດ ແລະທ່ານນາງ Hillary Clinton ລັດຖະມົນຕີຕ່າງປະເທດສະຫະລັດ ໃນຂະນະທີ່ລັດຖະບານທ່ານໂອບາມາພວມສຶກສາພິຈາລະນາຢ່າງຮອບຄອບ ກ່ຽວກັບອະນາຄົດຂອງກອງທັບສະຫະລັດ ຢູ່ໃນອັຟການີສຖານນັ້ນ.
ທ່ານກາຊາຍ ມີກໍານົດພົບປະກັບທ່ານ ພາແນັດຕ້າ ໃນຕອນເຊົ້າຂອງວັນພະຫັດມື້ນີ້ ລຸນ ຫຼັງຈາກພິທີກວດກອງກຽດຕິຍົດຕ້ອນຮັບທ່ານທີ່ທໍານຽບຫ້າແຈ ຫຼືຕຶກ Pentagon ນັ້ນ.
ທ່ານກາຊາຍມີກໍານົດພົບປະກັບທ່ານນາງຄຼິນຕັນ ໃນຕອນແລງວັນພະຫັດ ມື້ນີ້ເຊັ່ນກັນ ແລະຫຼັງຈາກນັ້ນ ກໍຈະຮ່ວມຮັບປະທານອາຫານຄໍ່າກັບທ່ານນາງ.
ການເຈລະຈາຂອງທ່ານກາຊາຍທີ່ກະຊວງປ້ອງກັນປະເທດ ແລະຕ່າງປະ ເທດຂອງສະລະລັດ ມີຂຶ້ນມື້ນຶ່ງ ລ່ວງໜ້າການພົບປະກັນແບບນຶ່ງຕໍ່ນຶ່ງກັບປະທານາທິບໍດີໂອບາມາ. ຄາດວ່າຜູ້ນໍາທັງສອງຈະປຶກສາຫາລືກັນເລຶ່ອງ ບັນຫາຄວາມໝັ້ນຄົງຕ່າງໆ ເຊັ່ນວ່າ ຈະມີທະຫານສະຫະລັດຫຼາຍປານໃດ ປະຈໍາການຢູ່ໃນອັຟການີສຖານ ຫຼັງຈາກທະຫານສ່ວນໃຫຍ່ຖອນອອກຈາກອັຟການີສຖານໄປໃນປີ 2014 ແລະຈະຢູ່ພາຍໃຕ້ເງື່ອນໄຂແບບໃດ.
ຕາມແຜນການປັດຈຸບັນນີ້ ຮຽກຮ້ອງໃຫ້ສະຫະລັດຖອນທະຫານເກືອບວ່າທັງໝົດ 68,000 ຄົນຈາກອັຟການີສຖານພາຍໃນທ້າຍປີ 2014.
ແຕ່ແຜນການດັ່ງກ່າວຍັງຕົກລົງກັນບໍ່ໄດ້ຍ້ອນເງື່ອນໄຂຕ່າງໆ ໂຮມທັງການທີ່ວ່າກອງທັບອັຟການີສຖານ ຈະສາມາດສືບຕໍ່ຮັບເອົາຄວາມຜິດຊອບດ້ານຄວາມໝັ້ນຄົງດ້ວຍຕົນເອງໄດ້ຫຼືບໍ່ໃນເວລານັ້ນ. ສະນັ້ນເວລານີ້ ຍັງບໍ່ເປັນທີ່ແຈ້ງຂາວເທື່ອວ່າ ບົດບາດຂອງອະເມຣິ ກັນທີ່ຍັງປະຈຳການຕໍ່ຢູ່ອັຟການິສຖານນັ້ນແມ່ນຫຍັງ ຖ້າຫາກສະຫະລັດຍັງມີກຳລັງເຫຼືອ ຢູ່ແທ້.
ທ່ານກາຊາຍ ມີກໍານົດພົບປະກັບທ່ານ ພາແນັດຕ້າ ໃນຕອນເຊົ້າຂອງວັນພະຫັດມື້ນີ້ ລຸນ ຫຼັງຈາກພິທີກວດກອງກຽດຕິຍົດຕ້ອນຮັບທ່ານທີ່ທໍານຽບຫ້າແຈ ຫຼືຕຶກ Pentagon ນັ້ນ.
ທ່ານກາຊາຍມີກໍານົດພົບປະກັບທ່ານນາງຄຼິນຕັນ ໃນຕອນແລງວັນພະຫັດ ມື້ນີ້ເຊັ່ນກັນ ແລະຫຼັງຈາກນັ້ນ ກໍຈະຮ່ວມຮັບປະທານອາຫານຄໍ່າກັບທ່ານນາງ.
ການເຈລະຈາຂອງທ່ານກາຊາຍທີ່ກະຊວງປ້ອງກັນປະເທດ ແລະຕ່າງປະ ເທດຂອງສະລະລັດ ມີຂຶ້ນມື້ນຶ່ງ ລ່ວງໜ້າການພົບປະກັນແບບນຶ່ງຕໍ່ນຶ່ງກັບປະທານາທິບໍດີໂອບາມາ. ຄາດວ່າຜູ້ນໍາທັງສອງຈະປຶກສາຫາລືກັນເລຶ່ອງ ບັນຫາຄວາມໝັ້ນຄົງຕ່າງໆ ເຊັ່ນວ່າ ຈະມີທະຫານສະຫະລັດຫຼາຍປານໃດ ປະຈໍາການຢູ່ໃນອັຟການີສຖານ ຫຼັງຈາກທະຫານສ່ວນໃຫຍ່ຖອນອອກຈາກອັຟການີສຖານໄປໃນປີ 2014 ແລະຈະຢູ່ພາຍໃຕ້ເງື່ອນໄຂແບບໃດ.
ຕາມແຜນການປັດຈຸບັນນີ້ ຮຽກຮ້ອງໃຫ້ສະຫະລັດຖອນທະຫານເກືອບວ່າທັງໝົດ 68,000 ຄົນຈາກອັຟການີສຖານພາຍໃນທ້າຍປີ 2014.
ແຕ່ແຜນການດັ່ງກ່າວຍັງຕົກລົງກັນບໍ່ໄດ້ຍ້ອນເງື່ອນໄຂຕ່າງໆ ໂຮມທັງການທີ່ວ່າກອງທັບອັຟການີສຖານ ຈະສາມາດສືບຕໍ່ຮັບເອົາຄວາມຜິດຊອບດ້ານຄວາມໝັ້ນຄົງດ້ວຍຕົນເອງໄດ້ຫຼືບໍ່ໃນເວລານັ້ນ. ສະນັ້ນເວລານີ້ ຍັງບໍ່ເປັນທີ່ແຈ້ງຂາວເທື່ອວ່າ ບົດບາດຂອງອະເມຣິ ກັນທີ່ຍັງປະຈຳການຕໍ່ຢູ່ອັຟການິສຖານນັ້ນແມ່ນຫຍັງ ຖ້າຫາກສະຫະລັດຍັງມີກຳລັງເຫຼືອ ຢູ່ແທ້.
