ຄະນະຕຸລາການໄດ້ພົບເຫັນວ່າ ອະດີດຜູ້ຊ່ວຍຫົວໜ້າຝຶກກິລາຟຸດບອນ ທ່ານ Jerry
Sandusky ຂອງມະຫາວິທະຍາໄລລັດ Pennsylvania ມີຄວາມຜິດ ໃນ 45 ຂອງຈໍາ
ນວນທັງໝົດ 48 ກະທົງ ກ່ຽວກັບການລວນລາມທາງເພດ ຕໍ່ພວກເດັກນ້ອຍ 10 ຄົນ
ໃນລະຍະນຶ່ງທົດສະຫວັດກວ່າໆ ທີ່ຜ່ານມາ.
ທ່ານ Sandusky ໄດ້ຖືກນໍາພາຕົວອອກຈາກສານ ທີ່ເມືອງ Bellefonte ລັດ
Pennsylvania ໃນຕອນແລງຂອງວັນສຸກວານນີ້ພ້ອມດ້ວຍການໃສ່ກັບມືແລະນໍາຕົວ
ໄປເຂົ້າຄຸກ. ຄະນະຕຸລາການໄດ້ບັນລຸຄຳຕັດສິນ ຫລັງຈາກໄດ້ມີການພິ ຈາລະນາເປັນ
ເວລາ 21 ຊົ່ວໂມງ.
ຄະນະຕຸລາການ ໄດ້ຟັງຄຳໃຫ້ການເປັນເວລາ 7 ວັນ ຮວມທັງຄໍາຖະແຫລງ ຂອງ
ພວກຜູ້ຊາຍ 8 ໃນຈຳນວນ 10 ຄົນທີ່ອ້າງວ່າໄດ້ເປັນຕົກເປັນເຫຍື່ອຂອງ ທ່ານ
Sandusky ໃນລະຍະ 15 ປີກວ່າໆຜ່ານມານີ້. ທ່ານ Sandusky ທີ່ ມີອາຍຸ 68 ປີ
ບໍ່ໄດ້ໃຫ້ການເພື່ອປ້ອງກັນຕົນເອງ. ຫຼັງຈາກໄດ້ມີການອອກຄຳຕັດສິນແລ້ວ ທະນາຍ
ຄວາມຂອງທ່ານ Sandysky ຄືທ່ານ Joe Amendola ກ່າວຕໍ່ພວກນັກຂ່າວວ່າ
ປະກົດວ່າລູກຄວາມຂອງລາວຮູ້ສຶກຜິດຫວັງແລະໂສກເສົ້າຈິດໃຈວຸ້ນວາຍ.
ທ່ານ Amendola ກ່າວວ່າ ທ່ານ Sandusky ບໍ່ເຄີຍພິຈາລະນາວ່າ ຈະຮັບເອົາ
ການຕົກລົງວ່າໄດ້ກະທຳຄວາມຜິດ ແລະຍັງສືບຕໍ່ຢືນຢັດວ່າ ທ່ານບໍ່ໄດ້ມີ ຄວາມຜິດ
ມາໂດຍຕະຫລອດ. ທ່ານ Amendola ກ່າວວ່າ ເວລາການປ້ອງຕໍ່ ສູ້ຄະດີຈະດຳເນີນ
ໃນອັນທີ່ຮອ້ງວ່າ “ການຂໍອຸທອນ.”
ທະນາຍຄວາມຂອງລັດ Pennsylvania ທ່ານນາງ Linda Kelly ກ່າວຂອບໃຈຕໍ່ບັນ
ດາພວກເຄາະຮ້າຍ ທີ່ໄດ້ໃຫ້ການ ໂດຍເວົ້າວ່າ ເຂົາເຈົ້າໄດ້ “ສະແດງຄວາມເຂັ້ມແຂງ
ແລະຄວາມອາດຫານ” ໃນລະຍະການສືບສວນ.
ຝູງຊົນທີ່ໜາແໜ້ນພາກັນເຕົ້າໂຮມຢູ່ຕີນຂັ້ນໃດຂອງສານ ຮ້ອງໂຮ ໃນຂະນະທີ່ພັນລະ
ຍາຂອງ ທ່ານ Sandusky ຢ່າງຜ່ານອອກໄປ ແລະໂອບກອດ ຜູ້ສະ ໜັບສະໜູນສອງ
ສາມຄົນ. ອິງຕາມນະໂຍບາຍຂອງການຕັດສິນແລ້ວ ທ່ານ Sandusky ປະເຊີນກັບ
ການຈຳຄຸກຕະຫລອດຊີວິດ.