ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ຜູ້ພິພາກສາ ສຫລ ຂະຫຍາຍຊື່ ສະມາຊິກ ໃນ ຄອບຄົວ ທີ່ໄດ້ຮັບ ການອະນຸມັດ


ຫົວໜ້າພະແນກຍຸຕິທຳ ລັດຮາວາຍ ທ່ານ Douglas Chin ກ່າວກ່ຽວກັບ ການຫ້າມເດີນທາງ ຂອງປະທານາທິບໍດີທຣຳ ທີ່ນະຄອນໂຮໂນລູລູ ລັດຮາວາຍ.
ຫົວໜ້າພະແນກຍຸຕິທຳ ລັດຮາວາຍ ທ່ານ Douglas Chin ກ່າວກ່ຽວກັບ ການຫ້າມເດີນທາງ ຂອງປະທານາທິບໍດີທຣຳ ທີ່ນະຄອນໂຮໂນລູລູ ລັດຮາວາຍ.

ຜູ້​ພິພາກສາ​ຂອງ​ສະຫະລັດ​ທ່ານ​ນຶ່ງຂໍ​ຮ້ອງ​ໃຫ້​ໃຊ້ “ຫຼັກການ​ແບບ​ພື້ນໆ” ​ໃນຂະນະ​
ທີ່​ທ່ານ​ຂະ​ຫຍາ​ຍ ບັນຊີ​ລາຍ​ຊື່ຂອງ​ສະມາຊິກ​ໃນ​ຄອບຄົວທີ່​ໄດ້​ຮັບ​ອະນຸຍາດ ​ຈາກ
6 ປະ​ເທດຊຶ່ງ​ສ່ວນ​ໃຫຍ່​ເປັນ​ຊາວ​ມຸສລິ​ມທີ່​ຈະ​ໄດ້​ຮັບ​ວີ​ຊາ ​ເພື່ອ​ຫຼີກລ່ຽງຄຳສັ່ງ​ຫ້າມ
ເດີນທາງ​ຂອງ​ປະ​ທາ​ນາ​ທິບໍດີ​ທຣຳ.

ການ​ຫ້າມ​ຂອງ​ທ່ານ​ທຣຳ ບໍ່​ອະນຸຍາດ​ໃຫ້​ພໍ່​ເຖົ້າ​ແມ່​ເຖົ້າ ​ແລະ​ຍາດ​ພີ່​ນອງ​ອື່ນໆ​ໃນ
ຄອບຄົວ​ທີ່​ຫ່າງ​ອອກ​ໄປເດີນທາງ​ເຂົ້າມາ​ຫາ​ສະມາຊິກ​ໃນ​ຄອບຄົວ​ຢູ່​ໃນ​ສະຫະລັດ.

ສະຫະລັດ​ກ່າວ​ວ່າ ການ​ຈຳກັດ​ທີ່​ໄດ້​ກຳນົດ​ໄວ້​ໃນ​ການ​ເດີນທາງ​ມາ​ຈາກ​ອີຣ່ານ, ລີ​
ເບຍ, ​ໂຊ​ມາ​ເລຍ, ຊູ​ດານ, ຊີ​ເຣຍ ​ແລະ ​ເຢ​ເມນ​ນັ້ນ ​ແມ່ນ​ສົມ​ເຫດ​ສົມ​ຜົນ ອີງຕາມ
​ຫລັກການ​ທີ່​ໄດ້​ຕັ້ງ​ໄວ້​ມາ​ແຕ່​ດົນ​ນານຂອງ​ກົດໝາຍ​ຄົນ​ເຂົ້າ​ເມືອງ​ສະຫະລັດ

ຜູ້​ພິພາກສາ​ປະຈຳ​ເຂດ​ຂອງ​ສະຫະລັດ ທ່ານ Derrick Watson ທີ່​ນະຄອນ​ໂຮ​ໂນ
​ລູລູ ​ໃນ​ວັນ​ພະຫັດ​ວານ​ນີ້ ​ໄດ້​ສັ່ງ​ໃຫ້​ລັດຖະບານ​ ບໍ່​ໃຫ້​ບັງຄັບ​ໃຊ້​ຄຳ​ສັ່ງ​ຫ້າມ​ທີ່​ມີ​ຕໍ່ພໍ່​
ເຖົ້າ​ແມ່​ເຖົ້າ​ ພວກ​ຫຼານໆ ​ອ້າຍ​ເຂີຍ ​ເອື້ອຍສະ​ໄພ້ ປ້າ ລຸງ ຫລານສາວ ຫລານຊາຍ
​ແລະ​ພີ່ນ້ອງ​ຂອງ​ຜູ້​ຄົນ​ທີ່ຢູ່​ໃນ​ສະຫະລັດ.

ທ່ານ Watson ກ່າວ​ໃນ​ການ​ຕັດສິນ​ຂອງ​ທ່ານ​ວ່າ “​ໃຊ້​ຫຼັກການ​ແບບ​ພື້ນໆ​ເພື່ອສັ່ງ
​ການ​ວ່າ ສະມາຊິກ​ໃນ​ຄອບຄົວ ​ທີ່​ໃກ້ຊິດ ​ໄດ້​ຮັບ​ການ​ອະທິບາຍ​ວ່າ​ແມ່ນ​ຮວມທັງ​ພໍ່​
ເຖົ້າ​ແມ່​ເຖົ້າ.” ທ່ານ Watson ກ່າວ​ຕື່ມ​ວ່າ “ພໍ່​ເຖົ້າ​ແມ່​ເຖົ້າ ​ແມ່ນ​ບຸກຄົນ ​ທີ່ເປັນ​ຕົວ
ຢ່າງ​ທີ່​ດີ​ທີ່​ສຸດ ຂອງ​ຄຳ​ວ່າ​ສະມາຊິກ ​ທີ່​ໃກ້ຊິດ​ທີ່​ສຸດ ໃນ​ຄອບຄົວ.

ສານ​ສູງ​ສຸດ​ຂອງ​ສະຫະລັດ ​ໄດ້​ຕັດສິນ​ໃຈ​ທ້າຍ​ເດືອນ​ມິຖຸນາ​ຜ່ານ​ມານີ້ວ່າ ລະບຽບ
​ຫ້າມ​ເດີນທາງອາດ​ສາມາດ​ຈັດຕັ້ງປະຕິບັດ​ໄດ້​ເປັນ​ບາງ​ສ່ວນ ກ່ອນ​ການຮັບ​ຟັງ​ຄຳ​
ໃຫ້ການໂດຍ​ເຕັມ​ຂອງ​ສານ​ສູງ​ສຸດ ກ່ຽວ​ກັບ​ດຳລັດ​ດັ່ງກ່າວ​ໃນ​ທ້າຍປີນີ້.

ສານ​ສູງ​ສຸດ ​ຍັງ​ໄດ້​ຕັດສິນ​ໃຈ​ເດືອນ​ແລ້ວນີ້ວ່າ ສະຫະລັດຄວນ​ຈະລະ​ງັບໃນ​ການ
ຂັດຂວາງບໍ່​ໃຫ້​ຜູ້​ຄົນ​ເດີນທາງ​ເຂົ້າມາ​ໃນ​ສະຫະລັດຜູ້​ທີ່​ມີ​ຄວາມ​ສຳພັນ​ຢ່າງ​ແທ້ຈິງ
ກັບ​ບຸກຄົນ​ຫຼືອົງການ​ທີ່ຢູ່​ໃນ​ສະຫະລັດ​ແລ້ວນັ້ນ.

ລັດ​ຮາ​ວາຍ​ໄດ້​ໂຕ້​ແຍ້ງວ່າ ການ​ຕີ​ຄວາມ​ໝາຍ​ຂອງ​ລັດຖະບານ​ກ່ຽວ​ກັບ​ຄຳ​ສັ່ງ​ຂອງ​
ສານ​ສູງ​ສຸດ​ນັ້ນ ​ແມ່ນ​ແຄບ​ເກີນ​ໄປ​ໃນ​ຂະນະ​ທີ່​ລັດຖະບານ​ເວົ້າວ່າ​ແມ່ນມີ​ຄວາມ​ໃກ້
ຊິດ​ທີ່​ສຸດ​ກັບ​ການ​ຈຳກັດ ​ໃນ​ກົດໝາຍ​ຄົນ​ເຂົ້າ​ເມືອງ​ ທີ່​ໄດ້​ກຳນົດ​ໄວ້ໂດຍ​ລັດຖະສະ
ພາ.

ພະ​ແນ​ກຍຸຕິ​ທຳ​ ຂອງ​ລັດ​ຮາ​ວາຍ ຍັງ​ບໍ່​ທັນ​ໃຫ້​ຄວາມ​ເຫັນ​ໃດໆ ​ກ່ຽວ​ກັບ​ຄຳ​ຕັດສິນ
​ຂອງ​ຜູ້​ພິພາກສາ Watson ​ເທື່ອ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG