ຫົວໜ້າບໍຣິຫານງານຂອງ JPMorgan Chase ຊຶ່ງເປັນທະນາຄານໃຫ່ຍທີ່ສຸດ
ຂອງອາເມຣິກາ ໄດ້ເປີດເຜີຍ ໃນວັນພະຫັດນີ້ວ່າ ຫວ່າງມໍ່ໆມານີ້ ທະນາຄານໄດ້
ເສຍເງິນ 2 ພັນລ້ານໂດລາ ໃນການຊື້ ຂາຍສະລັບຊັບຊ້ອນ ແລະມີຄວາມສ່ຽງ
ທີ່ຊ່ວຍໃຫ້ເກີດວິກິດການເງິິນໃນປີ 2008 ນັ້ນ.
ທ່ານ Jamie Dimon ຮ້ອງການກະທຳຂອງທະນາຄານດັ່ງກ່າວນັ້ນ ວ່າ
“ເປັນຄວາມຜິດພາດທີພັ້ງໃຫຍ່ຫຼວງ” ແລະໜ້າອັບອາຍຂາຍໜ້າ.
ຮຸ້ນຂອງ JPMorgan ໄດ້ຕົກລາຄາເກືອບ 7 ເປີເຊັນໃນການຊື້ຂາຍ ໃນຕອນ
ແລງໆຂອງວັນພະຫັດວານນີ້. ຮຸ້ນຂອງທະນາຄານອຶ່ນໆກໍໄດ້ຕົກລາຄາຢ່າງ
ຫຼວງຫຼາຍເຊັ່ນດຽວກັນ.
ການຊື້ຂາຍທີ່ສະລັບສັບຊ້ອນໂດຍ JPMorgan ທີ່ຊາບກັນວ່າ ເງິນລົງທຶນເພື່ອ
ເກງກຳໄລ ຊຶ່ງມີໜ້າທີ່ຄ້າຍຄືກັນກັບການປະກັນໄພ ເພື່ອ ປົກປ້ອງພວກນັກລົງ
ທືນ ຖ້າຫາກຮຸ້ນຕົກລາຄາ. ແຕ່ວ່າການຂຶ້ນແລະ ການຕົກລາຄາຫວ່າງມໍ່ໆມາ
ນີ້ຂອງຕະຫລາດຮຸ້ນ ພາໃຫ້ທະນາຄານດັ່ງ ກ່າວຂາດທຶນ.
JPMorgan ໄດ້ພະຍາຍາມຫລີກລ້ຽງ ການລົງທຶນທີ່ມີຄວາມສ່ຽງໃນ ທຳນອງ
ນີ້ມາກ່ອນ ທີ່ອຳນວຍໃຫ້ທະນາຄານດັ່ງກ່າວໂຜ່ໂຕຂຶ້ນຈາກວິ ກິດການດ້ານການ
ເງິນປີ 2008 ໂດຍບໍ່ໄດ້ຮັບຄວາມເສຍຫາຍຫຍັງຫຼາຍ.
ກ່ຽວກັບຂ່າວເສດຖະກິດທີ່ດີຂື້ນນັ້ນ ສະຫະລັດ ໄດ້ປະກາດເປັນເທື່ອ ທຳອິດ
ກ່ຽວກັບການໄດ້ປຽບດ້ານງົບປະມານໃນຮອບເກືອບສີ່ປີທີ່ຜ່ານມາ.
ກະຊວງການເງິນສະຫະລັດ ກ່າວໃນວັນພະຫັດນີ້ວ່າ ຕົນໄດ້ເງິນເຂົ້າມາໃນເດືອນ
ແລ້ວນີ້ ຫລາຍກວ່າການໃຊ້ຈ່າຍ ຊຶ່ງເປັນເທື່ອທຳອິດນັບແຕ່ເກືອນກັນຍາ ປີ 2008
ກ່ອນເສດຖະກິດຈະຕົກຕໍ່າ.
ຊາວອາເມຣິກັນ ພາກັນເສຍພາສີໃນເດືອນເມສາ ດັ່ງນັ້ນການມີລາຍໄດ້ສູງຈຶ່ງບໍ່ເປັນ
ເລື່ອງທີ່ຜິດປົກກະຕິຫຍັງເລີຍ. ເປັນຄາດກັນວ່າ ສະຫະລັດ ຈະປະກາດກ່ຽວກັບ
ການຂາດດຸນງົບປະມານອີກສາມພັນຕື້ໂດລາໃນປີນີ້. ບັນດານັກເສດຖະສາດບາງ
ຄົນເຊື່ອວ່າ ການໄດ້ປຽບດ້ານ ງົບປະມານເທື່ອທຳອິດ ໃນຮອບເກືອບສີ່ປີທີ່ຜ່ານມາ
ນັ້ນ ອາດເປັນຮ່ອງຮອຍສະແດງໃຫ້ເຫັນວ່າ ເສດຖະກິດຂອງອາເມຣິກາຈະຟື້ນໂຕ
ຄືນມາແລ້ວ.
ນອກນັ້ນລັດຖະບານສະຫະລັດ ຍັງກ່າວໃນວັນພະຫັດວານນີ້ວ່າ ຊ່ອງ ຫວ່າງດ້ານ
ການຄ້າຂອງສະຫະລັດ ໄດ້ຂະຫຍາຍກວ້າງໃນເດືອນມີນາ ຜ່ານມາ ໂດຍທີ່ສະຫະ
ລັດໄດ້ນຳເຂົ້າສີນຄ້າຫລາຍກວ່າສົ່ງອອກ.
ລັດຖະບານສະຫະລັດຍັງກ່າວອີກວ່າ ການຂາດດຸນການຄ້າທີ່ເພີ້ມຂື້ນ 52 ພັນລ້ານ
ໂດລາ ແມ່ນເປັນການໂດດຂຶ້ນ 14 ເປີເຊັນຈາກລະດັບ ຂອງເດືອນກຸມພາ.