ເຈົ້າໜ້າທີ່ີກອງທັບຈໍແດນຄົນນຶ່ງ ກ່າວໃນວັນອັງຄາມມື້ນີ້ວ່າ ລະເບີດລົດຄັນນຶ່ງທີ່ໄດ້ແຕກຂຶ້ນ ຢູ່ໃນບໍລິເວນຊາຍແດນຈໍແດນຕິດກັບຊີເຣຍ ສັງຫານທະຫານຫົກຄົນ ແລະໄດ້ຮັບບາດເຈັບອີກ 14 ຄົນ.
ເຫດລະເບີດໄດ້ເກີດຂຶ້ນຢູ່ໃນເຂດ Rukban ບ່ອນທີ່ຫລາຍສິບພັນຄົນໄດ້ຫລົບໜີຄວາມຮຸນແຮງໃນຊີເຣຍ ເພື່ອຊອກຫາບ່ອນລີ້ໄພ ໃນຂະນະທີ່ເຂົາເຈົ້າພະຍາຍາມຂ້າມເຂົ້າໄປສູ່ຈໍແດນ.
ຍັງບໍ່ມີການອ້າງເອົາຄວາມຮັບຜິດຊອບໃນທັນໃດກ່ຽວກັບການໂຈມຕີດັ່ງກ່າວ. ກອງທັບຈໍແດນກ່າວວ່າ ຕົນໄດ້ຖືກທຳລາຍລົດອື່ນໆອີກຫລາຍຄັນທີ່ມີສ່ວນພົວ ພັນ ແຕ່ບໍ່ໄດ້ໃຫ້ລາຍລະອຽດເພີ້ມເຕີມ.
ສະຫະປະຊາຊາດໄດ້ລົງທະບຽນອົບພະຍົບຫລາຍກວ່າ 650,000 ຄົນ ໃນຈໍແດນ. ປະເທດນີ້ທີ່ມີພົນລະເມືອງຢູ່ 8 ລ້ານຄົນ ກຳລັງຮັບເອົາອົບພະຍົບຈຳ ນວນຫຼວງຫລາຍ ແລະເໝືອນດັ່ງປະເທດອຶ່ນໆທີ່ມີຊາຍແດນຕິດກັບຊີເຣຍ ໄດ້ດິ້ນລົນປະເຊີນໜ້າກັບການໃຫ້ຄວາມຊ່ວຍເຫລືອແກ່ຜູ້ຄົນທີ່ເພີ້ມເຕີມຫລາຍເປັນພິເສດນັ້ນ. ສະຫະປະຊາຊາດໄດ້ຮ້ອງຂໍການຊ່ວຍເຫລືອທາງດ້ານການເງິນ ທີ່ບໍ່ພຽງພໍຕາມເປົ້າໝາຍຂອງເຂົາເຈົ້າທີ່ໄດ້ຕັ້ງໄວ້ນັ້ນ.
