ທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວປະຈຳແລງວັນພະຫັດມື້ນີ້
ເຮົາຈະນຳເອົາການສຳພາດກັບ ທ່ານໂຈເນິີຕັນ ວໍຣະສານ ອາເມຣິກັນເຊື້ອສາຍລາວ
ເກີດຢູ່ໃນລັດມີນເນໂຊຕາ ສະຫະລັດອາເມຣິກາ ມາສະເໜີທ່ານ. ທ່ານໂຈເນີຕັນ ເປັນ
ຜູ້ອຳນວຍການຝ່າຍຕະຫຼາດ ໃຫ້ບໍລິສັດເສື້ອຜ້າ Sane and Partners ຊຶ່ງເປັນບໍລິ
ສັດອອກແບບເຄື່ອງນຸງ ເກັບກຳຂໍ້ມູນຊອກຫາການປັບປຸງສິນຄ້າ ໃຫ້ແກ່ຜູ້ບໍລິໂພກ.
ນອກຈາກປະກອບວິຊາອາຊີບເຕັມເວລາແລ້ວ ທ່ານໂຈເນີຕັນ ຍັງອາສາສະໝັກຮັບ
ໃຊ້ສັງຄົມລາວອາເມຣິກັນຢູ່ໃນສະຫະລັດ ໂດຍການເປັນປະທານອົງການພັນທະມິດ
ລາວອາເມຣິກັນແຫ່ງຊາດ. ຄວາມເປັນມາຂອງ ທ່ານໂຈເນິຕັນ ເປັນມາຢ່າງໃດນັ້ນ
ກິ່ງສະຫວັນ ຈະນຳມາສະເນີທ່ານ ໃນອັນດັບຕໍ່ໄປ.
ບັນດາຊາວໜຸ່ມອາເມຣິກັນເຊື້ອສາຍລາວຫລາຍໆຄົນ ຜູ້ທີ່ໄດ້ມາເກີດໃຫຍ່ຢູ່ນອກ
ປະເທດ ໂດຍສະເພາະຢູ່ໃນສະຫະລັດ ພາກັນຊົມຊື່ນກັບການສຶກສາສູງ ມີວຽກການ
ໜ້າທີ່ດີ ແລະບໍ່ແຕ່ທໍ່ນັ້ນ ຍັງມີຄວາມຮັບຜິດຊອບໃນດ້ານສັງຄົມນຳ. ເຂົາເຈົ້າບໍ່ໄດ້
ຫລົງລືມໃນຄວາມເປັນມາຂອງເຊື້ອສາຍລາວ ເຊັ່ນວ່າ ພາສາລາວ ຮີດຄອງປະເພນີ
ລາວ ອາຫານ ແລະການທ້ອນໂຮມອາເມຣິກັນເຊື້ອສາຍລາວ ໃຫ້ເປັນກ້ອນເປັນໜ່ວຍ
ເພື່ອເປັນປາກສຽງໃຫ້ແກ່ສັງຄົມຂອງຕົນ. ທ່ານໂຈເນິຕັນ ວໍຣະສານ ເກີດໃນປີ 1983
ຢູໃນລັດມິນເນໂຊຕາ ຕັ້ງຢູ່ພາກກາງຕອນເໜືອສຸດຂອງສະຫະລັດ. ທ່ານໂຈເນິີຕັນ ສຳ
ເລັດປະລິນຍາຕີ ຝ່າຍທຸລະກິດ ແລະໄດເລີ້ມປະກອບວິຊາອາຊີບໃຫ້ແກ່ທະນາຄານ
ອາເມຣິກາ (Bank of America.) ຫລັງຈາກນັ້ນກໍໄດ້ດຳເນີນການສຶກສາຕໍ່ ແລະສຳ
ເລັດປະລິນຍາໂທຝ່າຍທຸລະກິດ ຈາກມະຫາວິທະຍາໄລ American International
College ແລະໄດ້ນຳໃຊ້ຄວາມຮູ້ຄວາມສາມາດ ທີ່ພົວພັນກັບອຸດສາຫະກຳ ດ້ານເທັກ
ໂນໂລຈີ ແລະແຟຊັນ.
ປັດຈຸບັນນີ້ ທ່ານໂຈເນິຕັນ ເປັນຫົວໜ້າຫ້ອງການທຸລະກິດ ໃຫ້ແກ່ບໍລິສັດ Sane
and Partners ຊຶ່ງເປັນບໍລິສັດຊາວອອສເຕຣເລຍ ທີ່ຕັ້ງຢູ່ນະຄອນ ລອສແອນເຈີລິສ.
ບໍລິສັດ Sane and Partners ເປັນບໍລິສັດອອກແບບເຄື່ອງແຕ່ງງານ ແລະເຄື່ອງແບບ
ຕ່າງໆ ທີ່ຜະລິດຢູ່ໃນປະເທດຈີນ ຊຶ່ງທ່ານໂຈເນີຕັນ ເປັນຫົວໜ້າຫ້ອງການຝ່າຍຕະ
ຫຼາດ ຄວບຄຸມການໂຄສະນາອອກແບບ ຮັບຟັງຄຳຕິຊົມ ຈາກຜູ້ບໍລິໂພກ ແລະແບ່ງ
ປັນຂໍ້ມູນກັບທີມງານ ເພື່ອປັບປຸງສິນຄ້າທາງອິນເຕີແນັດ ຊຶ່ງທ່ານໂຈເນິີຕັນ ໄດ້ກ່າວຕໍ່
ວີໂອເອ ດັ່ງນີ້.
ສະຫະລັດອາເມຣິກາ ແມ່ນຕະຫລາດທີ່ໃຫຍ່ສຸດ ແລະມີຜູ້ບໍລິໂພກທີ່ໃຫຍ່ສຸດຢູ່ໃນ
ໂລກ. ເພາະສະນັ້ນມີຫລາຍໆປະເທດຈຶ່ງຢາກມາລົງທຶນຄ້າຂາຍຢູ່ທີ່ນີ້ ດັ່ງໂຕຢ່າງບໍ
ລິສັດ Sane and Partners ທີ່ເປັນຜູ້ອອກແບບຊຸດແຕ່ງງານ ແລະເຄື່ອງແບບຕ່າງໆ
ແຕ່ວ່າຜະລິດຢູ່ປະເທດຈີນ ເພາະວ່າຄ່າແຮງງານຖືກ ຊຶ່ງທ່ານໂຈເນີຕັນໄດ້ອະທິບາຍ
ສູ່ຟັງວ່າ:
ທ່ານໂຈເນີຕັນ ມີຄວາມໄຝ່ຝັນຢາກເປັນນັກທຸລະກິດການຄ້າມາແຕ່ນ້ອຍ ແມ່ນແຕ່
ຢາກໄປປຸກສ້າງໂຮງຮຽນຢູ່ປະເທດລາວ ຊຶ່ງທ່ານໂຈເນິີຕັນ ໄດ້ໃຫ້ເຫດຜົນດັ່ງນີ້:
ເຖິງແມ່ນວ່າ ທ່ານໂຈເນີຕັນ ເກີດຢູ່ໃນສະຫະລັດກໍຕາມ ແຕ່ຜູ້ກ່ຽວກໍສາມາດປາກ
ເວົ້າພາສາລາວໄດ້ດີສົມຄວນ ມີຄວາມເປັນຫ່ວງສົນໃຈກັບສັງຄົມລາວ ແລະມັກອາ
ຫານລາວ ຊຶ່ງທ່ານໂຈເນິີຕັນໄດ້ກ່າວມ້ວນທ້າຍດັ່ງນີ້:
ນອກຈາກທ່ານໂຈເນິີຕັນ ຈະມີໜ້າທີ່ວຽກງານເຕັມເວລາແລ້ວ ທ່ານຍັງອາສາສະ
ໝັກເປັນປະທານອົງການພັນທະມິດລາວອາເມຣິກັນແຫ່ງຊາດ ຫລື LANA ຊຶ່ງຫຍໍ້ມາຈາກຄຳວ່າ Lao American National Alliance ມາໄດ້ສອງປີແລ້ວ.
ອົງການນີ້ ເປັນປາກສຽງຊ່ວຍສັງຄົມລາວອາເມຣິກັນຢູ່ໃນສະຫະລັດ.