ລິ້ງ ສຳຫລັບເຂົ້າຫາ

logo-print

ສຫລ ແລະ ສປປ ລາວ ປະກາດ ການເປັນ ຄູ່ຮ່ວມມື ແບບກວມລວມ


ປະທານາທິບໍດີສະຫະລັດ ທ່ານບາຣັກ ໂອບາມາ (ຊ້າຍ) ແລະທ່ານບຸນຍັງ ວໍລະຈິດ ປະທານປະເທດ ສປປ ລາວ.

ປະທານາທິບໍດີ ສະຫະລັດ ທ່ານບາຣັກ ໂອບາມາ​ ຢ້ຽມຢາມ ສປປ ລາວ ຢ່າງເປັນທາງ ການຄັ້ງປະຫວັດສາດ ພ້ອມທັງເຂົ້າຮ່ວມກອງປະຊຸມສຸດຍອດອາຊ່ຽນແລະກອງປະຊຸມ ສຸດຍອດເອເຊຍຕາເວັນອອກແຕ່ວັນທີ 5 ຫາວັນທີ 8 ກັນຍາ. ໃນລະຫວ່າງການພົບປະ ສຸດຍອດກັບຜູ້ນຳຂອງລາວນັ້ນ ທັງສອງຝ່າຍໄດ້ອອກຖະແຫຼງການຮ່ວມສະບັບນຶ່ງ ຊຶ່ງ ໄພສານ ມີລາຍລະອຽດເພີ້ມຕື່ມ ກ່ຽວກັບເລື້ອງນີ້ ມາສະເໜີທ່ານ ໃນອັນດັບຕໍ່ໄປ.

ປະທານາທິບໍດີສະຫະລັດ ທ່ານບາຣັກ ໂອບາມາ ເດີນທາງມາຢ້ຽມຢາມ ສປປ ລາວ ຕາມ ຄຳເຊີນ ຂອງທ່ານບຸນຍັງ ວໍລະຈິດ ປະທານປະເທດ ສປປ ລາວ.

ໃນໂອກາດການມາຢ້ຽມຢາມຄັ້ງນີ້ ປະທານາທິບໍດີໂອບາມາໄດ້ເດີນທາງມາເຖິງນະຄອນ ຫລວງວຽງຈັນ ໃນຕອນແລງວັນທີ 5 ກັນຍາ ແລະກໍໄດ້ຮັບການຕ້ອນຮັບຢ່າງອົບອຸ່ນແລະ ສົມກຽດຈາກຝ່າຍລາວ​. ໃນມື້ຕໍ່ມາ ທ່ານໂອບາມາ ກໍໄດ້ພົບປະສອງຝ່າຍກັບທ່ານບຸນຍັງ ທີ່ທຳນຽບປະທານປະເທດ.

ໃນການພົບປະດັ່ງກ່າວນີ້ ທັງສອງຝ່າຍ ແມ່ນໄດ້ຕີລາຄາສູງ ກ່ຽວກັບ ການມາຢ້ຽມຢາມ ສປປ ລາວຄັ້ງທຳອິດ ແລະຄັ້ງປະຫວັດສາດ ຂອງປະທານາທິບໍດີສະຫະລັດ ຊຶ່ງເປັນນິ ມິດໝາຍອັນດີ ໃນການເສີມຂະຫຍາຍ ການພົວພັນຮ່ວມມື ລະຫວ່າງປະເທດທັງສອງ ຫຼັງຈາກໄດ້ມີການສະເຫຼີມສະຫຼອງສາຍພົວພັນການທູດ ຄົບຮອບ 60 ປີ ໃນປີແລ້ວນີ້.

Obama Laos
please wait
Embed

No media source currently available

0:00 0:01:02 0:00

ນອກນັ້ນ ຜູ້ນຳທັງສອງ ຍັງໄດ້ທົບທວນຕີລາຄາ ການຮ່ວມມືສອງຝ່າຍລະຫວ່າງສະຫະ ລັດ ແລະ ສປປ ລາວທີ່ໄດ້ຮັບການປັບປຸງເທື່ອລະກ້າວ​ພ້ອມທັງໄດ້ສະເໜີທິດທາງການ ພົວພັນໃນອະນາຄົດຕໍ່ໜ້າລະຫວ່າງປະເທດທັງສອງ ເປັນຕົ້ນການເກັບກູ້ລະເບີດບໍ່ທັນ ແຕກ ການຊອກຄົ້ນຫາສິ່ງເສດເຫລືອ ຂອງທະຫານທີ່ຫາຍສາບສູນ ໃນປາງສົງຄາມ ຢູ່ ສປປ ລາວ ການປາບປາມຢາເສບຕິດ ການພົວພັນຮ່ວມມືດ້ານການທະຫານ ການຄ້າ ແລະການລົງທຶນ ການສຶກສາ ສາທາລະນະສຸກ ວັດທະນະທຳ ສັງຄົມ ແລະອື່ນໆ​ ຮວມ ທັງການຮ່ວມມືໃນຂອບຫຼາຍຝ່າຍເຊັ່ນການຮ່ວມມືລະຫວ່າງບັນດາປະເທດໃນເຂດລຸ່ມ ແມ່ນ້ຳຂອງ. ໃນການພົບປະຫາລືສອງຝ່າຍຄັ້ງນີ້ ຜູ້ນຳທັງສອງ ໄດ້ແລກປ່ຽນຄວາມຄິດ ຄວາມເຫັນກ່ຽວກັບສະພາບການໃນພາກພື້ນແລະສາກົນທີ່ທັງສອງຝ່າຍຕ່າງກໍມີຄວາມ ສົນໃຈນຳກັນ.

ໃນໂອກາດການຢ້ຽມຢາມ ຄັ້ງປະຫວັດສາດ ຂອງປະທານາທິບໍດີ ບາຣັກ ໂອບາມາ ຢູ່ ສປປ ລາວນີ້ທັງສອງຝ່າຍໄດ້ອອກຖະແຫຼງການຮ່ວມ 20 ຂໍ້ກ່ຽວກັບການເປັນຄູ່ຮ່ວມມື ແບບກວມລວມລະຫວ່າງ ສປປ ລາວແລະສະຫະລັດເພື່ອແນໃສ່ການເປີດສັງກາດໃໝ່ ໃນການພົວພັນສອງຝ່າຍບົນພື້ນຖານຂອງພື້ນຖານຂອງການເຄົາລົບນັບຖືຊຶ່ງກັນແລະ ກັນ. ປະທານາທິໂອບາມາ ກ່າວເຖິງຄູ່ຮ່ວມມືນີ້ ໃນຄຳປາໄສຂອງທ່ານຢູ່ທີ່ຫໍວັດທະນະ ທຳແຫ່ງຊາດວ່າ:

Obama Laos
please wait
Embed

No media source currently available

0:00 0:02:13 0:00

“ການເປັນຄູ່ຮ່ວມມືຂອງພວກເຮົາ ຮັບຮູ້ວ່າ ສປປ ລາວເປັນປະເທດເອກກະລາດ ມີ ອະທິປະໄຕ. ສະຫະລັດຈະບໍ່ຊອກຫາຊ່ອງທາງເພື່ອບັງຄັບໃຫ້ລາວກະທຳໃນສິ່ງທີ່ ຕົນບໍ່ຕ້ອງການ. ແຕ່ພວກເຮົາ ຈະຊອກສະແຫວງຫາ ການມີຄວາມສຳພັນ ບົນພື້ນ ຖານ ການເຄົາລົບຊຶ່ງກັນແລະກັນ ຮວມທັງ ເຄົາລົບນັບຖື ຄວາມເປັນເອກກະລາດ ແລະອະທິປະໄຕຂອງພວກທ່ານ.”

ຖະແຫຼງການຮ່ວມຍັງໄດ້ກ່າວຢ້ຳເຖິງການມີຜົນປະໂຫຍດຮ່ວມກັນ ແລະການສ້າງພື້ນ ຖານ ສຳລັບການຮ່ວມມືສອງຝ່າຍໃນອະນາຄົດ ໃນດ້ານຕ່າງໆ ເຊັ່ນການພົວພັນທາງ ດ້ານການເມືອງ ແລະການທູດ ດ້ານເສດຖະກິດການຄ້າ ດ້ານວິທະຍາສາດ ແລະເທັກ ໂນໂລຈີ ດ້ານການສຶກສາແລະຝຶກອົບຮົມ ດ້ານສະພາບແວດລ້ອມ ແລະສາທາລະນະ ສຸກ ການປະສານງານ ດ້ານມະນຸດສະທຳ ການແກ້ບັນຫາທີ່ຕົກຄ້າງ ມາຈາກສົງຄາມ ຄວາມໝັ້ນຄົງ ການປົກປ້ອງແລະສົ່ງເສີມສິດທິມະນຸດ ແລະຄວາມສຳພັນລະຫວ່າງປະ ຊາຊົນກັບປະຊາຊົນ.

ຖະແຫຼງການຮ່ວມດັ່ງກ່າວ ນອກຈາກການເປັນການວາງຂອບໃຫ້ແກ່ການເສີມຂະຫຍາຍ ສາຍພົວພັນລະຫວ່າງສອງປະເທດແລ້ວ ຍັງໄດ້ກຳນົດດ້ານຫຼັກການ ທີ່ກວມເອົາການເຄົາ ລົບນັບຖື ລະບອບການເມືອງ ເອກກະລາດ ອະທິປະໄຕ ແລະ ຜືນແຜ່ນດິນ ອັນຄົບຖ້ວນ ຂອງກັນແລະກັນ ຕະຫລອດທັງການເຄົາລົບຕໍ່ກົດບັດສະຫະປະຊາຊາດ ກໍຄືກົດໝາຍສາ ກົນ ຮວມທັງ ການປະກອບສ່ວນ ເພື່ອເສີມສ້າງສັນຕິພາບ ສະຖຽນລະພາບ ການຮ່ວມມື ແລະຄວາມວັດທະນາຖາວອນ ຢູ່ໃນປະເທດທັງສອງ ກໍຄືຢຸູ່ໃນພາກພື້ນ ແລະໃນໂລກ.

ໃນໂອກາດການຢ້ຽມຢາມ ສປປ ລາວຂອງປະທານາທິບໍດີໂອບາມາໃນຄັ້ງນີ້ ສະຫະລັດ ໄດ້ປະກາດເພີ້ມການຊ່ອຍເຫຼືອສຳລັບວຽກງານເກັບກູ້ລະເບີດທີ່ບໍ່ທັນແຕກຢູ່ ສປປ ລາວ ຊຶ່ງປະທານາທິບໍດີໂອບາມາ ກ່າວວ່າ:

“ສະຫະລັດຈະເພີ້ມ ການໃຫ້ເງິນສະໜັບສະໜຸນປະຈຳປີ ຂອງພວກເຮົາຂຶ້ນເປັນສອງ ເທົ່າ ຄື 90 ລ້ານໂດລາ ສຳລັບໄລຍະ 3 ປີຕໍ່ໜ້າເພື່ອຊ່ອຍລາວຂະຫຍາຍວຽກງານໃນ ດ້ານນີ້.”

ສະຫະລັດຍັງໃຫ້ການຊ່ອຍເຫຼືອໂຄງການອາຫານຢູ່ໂຮງຮຽນ ໃນມູນຄ່າ 27 ລ້ານໂດລາ ສຳລັບໄລຍະ 5 ປີ ແລະໂຄງການອະນາໄມຊຸມຊົນແລະອາຫານສຳລັບແມ່ແລະເດັກ ໃນ ມູນຄ່າ 6 ລ້ານໂດລາ ສຳລັບໄລຍະ 3 ປີ.

ໃນໂອກາດການຢ້ຽມຂອງປະທານາທິບໍດີໂອບາມາດັ່ງກ່າວ ທັງສອງຝ່າຍຍັງໄດ້ລົງນາມ ໃນບົດບັນທຶກວ່າດ້ວຍການຮ່ວມມືລະຫວ່າງກະຊວງສາທາລະນະສຸກ ແລະມະຫາວິທະ ຍາໄລອໍເຣກອນກ່ຽວກັບການປຸກສ້າງສະຖາບັນໂພຊະນາການ ບົດບັນທຶກວ່າດ້ວຍການ ຮ່ວມມືລະຫວ່າງບໍລິສັດໄຟຟ້າລາວແລະບໍລິສັດ General Electric ກ່ຽວກັບການປັບປຸງ ຕາຂ່າຍໄຟຟ້າແຮງສູງ ແລະ ບົດບັນທຶກການຮ່ວມມື ລະຫວ່າງບໍລິສັດ Microsoft ແລະ ກະຊວງສຶກສາທິການແລະກິລາ ພ້ອມທັງກະຊວງໄປສະນີໂທລະຄົມມະນາຄົມແລະການ ສື່ສານ ກ່ຽວກັບການສະໜອງທຶນການສຶກສາ ຜ່ານຫຼັກສູດອອນລາຍ.

ກ່ຽວກັບເລື້ອງສິດທິມະນຸດນັ້ນ ຖະແຫຼງການຮ່ວມກ່າວວ່າ ຜູ້ນຳທັງສອງໄດ້ກ່າວຢ້ຳເຖິງ ຄວາມສຳຄັນ ໃນການປົກປ້ອງແລະສົ່ງເສີມສິດທິມະນຸດ ການປົກຄອງດ້ວຍຕົວບົດກົດ ໝາຍ ແລະສິດທິໃນການນັບຖືສາສະໜາ. ທັງສອງຝ່າຍຍັງໃຫ້ການຢືຶນຢັນຕໍ່ຄວາມໝັ້ນ ໝາຍ ທີ່ຈະສະໜັບສະໜຸນກົດບັດຂອງອົງການສະຫະປະຊາຊາດ ແລະຄຳປະກາດສາ ກົນວ່າດ້ວຍສິດທິມະນຸດ ແລະທັງສອງປະເທດຍັງມີຄວາມໝັ້ນໝາຍທີ່ຈະນຳເອົາເລື້ອງ ສິດທິມະນຸດຂຶ້ນມາສົນທະນາກັນ ຢູ່ໃນກອງປະຊຸມປະຈຳປີຫາລືຮອບດ້ານສອງຝ່າຍ.

ໃນວັນທີ 7 ກັນຍາ ວານນີ້ ປະທານາທິບໍດີໂອບາມາ​ ໄດ້ໄປຮ່ວມກອງປະຊຸມສຸດຍອດຜູ້ ນຳຊາວໜຸ່ມເຂດເອເຊຍຕາເວັນອອກສຽງໃຕ ຫຼື YSEALI ໄປຢ້ຽມສູນຟື້ນຟູຄົນພິການ ແລະໃນຕອນແລງເຂົ້າຮ່ວມງານລ້ຽງອາຫານຄ່ຳສຳລັບກອງປະຊຸມສຸດຍອດເອເຊຍຕາ ເວັນອອກ.

ແລະໃນວັນທີ 8 ຊຶ່ງເປັນມື້ສຸດທ້າຍຂອງການຢ້ຽມຢາມ ປະທານາທິບໍດີໂອບາມາໄດ້ເຂົ້າ ຮ່ວມກອງປະຊຸມສຸດຍອດສະຫະລັດ-ອາຊ່ຽນ ແລະກອງປະຊຸມສຸດຍອດເອເຊຍຕາເວັນ ອອກ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG