ຂໍ້ຕົກລົງສາກົນ ກ່ຽວກັບໂຄງການນິວເຄລຍຂອງອີຣ່ານພວມຄືບ
ໜ້າໄປ ໃນວັນຈັນມື້ນີ້ ດ້ວຍການພົບປະກັນ ຂອງຄະນະກຳມາ
ທິການຮ່ວມ ທີ່ຮັບຜິດຊອບ ສຳຫລັບການຕິດຕາມກວດກາເບິ່ງ
ວິທີທີ່ທັງສອງຝ່າຍ ປະຕິບັດພາກສ່ວນຂໍ້ຕົກລົງ ຂອງພວກຕົນ
ເປັນຄັ້ງທຳອິດ.
ກອງປະຊຸມໃນວັນຈັນມື້ນີ້ ມີບັນດາເຈົ້າໜ້າທີ່ລະດັບສູງ ຈາກ
ອີຣ່ານ ແລະ ກຸ່ມປະເທດມະຫາອຳນາດ ປະກອບມີ ສະຫະລັດ
ອັງກິດ ຈີນ ຝຣັ່ງ ຣັດເຊຍ ເຢຍຣະມັນ ແລະ ສະຫະພາບຢູໂຣບ
ທີ່ກັບຄືນໄປຍັງ ນະຄອນວຽນນາ ບ່ອນທີ່ພວກເພິ່ນ ໄດ້ຕົກລົງກັນ
ໃນເດືອນກໍລະກົດ ຜ່ານມາ ເພື່ອຈຳກັດໂຄງການນິວເຄລຍຂອງ
ອີຣ່ານ ເພື່ອແລກປ່ຽນກັບການຜ່ອນຜັນມາດຕາການລົງໂທດທາງດ້ານເສດຖະກິດ ທີ່
ອີຣ່ານຕ້ອງການນັ້ນ.
ໃນວັນອາທິດວານນີ້ ໄດ້ມີຂຶ້ນ ຫຼັງຈາກທີ່ທຸກຝ່າຍໄດ້ພົບປະກັນ ອັນທີ່ເອີ້ນວ່າ Adoption
Day ໃນເວລາ ທຸກໆຝ່າຍ ຮັບເອົາບາດກ້າວເປັນເທື່ອທຳອິດ ຢ່າງເປັນທາງການ ເພື່ອປະຕິບັດ
ຂໍ້ຕົກລົງດັ່ງກ່າວ.
ຄະນະກຳມະທິການນີ້ ມີກຳນົດຈະພົບປະກັນ ສີ່ຄັ້ງ ພາຍໃນ 1 ປີ ແລະ ຈະປຶກສາຫາລື
ບັນຫາຕ່າງໆ ເຊັ່ນວ່າ ການອອກແບບສຳຫລັບ ການປ່ຽນແປງ ໂຄງການວິໄຈເຕົາແຍກ
ປະລະມະນູດ້ວຍນ້ຳ hydrogen ຢູ່ທີ່ສະຖານທີ່ Fordow ໃນເມືອງ Arak ຂອງອີຣ່ານ
ແລະ ບັນຫາໃດໆ ທີ່ອາດເກີດຂຶ້ນ ຈາກການປະຕິບັດ ການຍົກເລີກມາດຕະການລົງໂທດ.
ມັນເປັນບ່ອນພັກເຊົາແຫ່ງທຳອິດ ສຳຫລັບແຕ່ລະຝ່າຍ ເພື່ອລາຍງານການລະເມີດຕ່າງໆ
ຂອງຂໍ້ຕົກລົງ ແລະ ພະຍາຍາມແກ້ໄຂບັນຫາເຫຼົ່ານັ້ນ.
ປະທານາທິບໍດີ ສະຫະລັດ ທ່ານບາຣັກ ໂອບາມາ ກ່າວໃນວັນອາທິດວານນີ້ ວ່າ ທ່ານໄດ້
ສັ່ງໃຫ້ລັດຖະບານຂອງທ່ານ ເລີ້ມກະກຽມການຍົກເລີກມາດຕະການລົງໂທດຕ່າງໆ ຕໍ່
ອີຣ່ານ ແລະ ວ່າ ຊາວອີຣ່ານ ໄດ້ເລີ້ມຕົ້ນ ທຳງານໄປຂ້າງໜ້າ ໃນຄວາມຮັບຜິດຊອບຂອງ
ພວກເຂົາເຈົ້າ ເພື່ອເອົາເຄື່ອງຈັກທີ່ໃຊ້ແຮງໝຸນ ຫຼາຍພັນໜ່ວຍ ອອກໄປ ທີ່ຈະຫລຸດຜ່ອນ
ທາດ uranium ຂອງອີຣ່ານ ຢ່າງຫຼວງຫຼາຍ ທີ່ໄດ້ສະສົມໄວ້ນັ້ນ ແລະ ເອົາແກນກາງຂອງ
ເຕົາແຍກປະລະມະນູ ຂອງໂຄງການໃນເມືອງ Arak ອອກໄປນຳດ້ວຍ.
ທ່ານໂອບາມາ ເວົ້າວ່າ “ຂ້າພະເຈົ້າ ຍິນດີນຳ ບາດກ້າວໄປໜ້າທີ່ສຳຄັນທີ່ສຸດນີ້ ແລະ
ພວກເຮົາ ພ້ອມກັນກັບຄູ່ພາຄີຂອງພວກເຮົາ ຊຶ່ງບັດນີ້ຕ້ອງເພັ່ງເລັງໃສ່ ວຽກງານທີ່
ສຳຄັນທີ່ສຸດ ຂອງການປະຕິບັດຢ່າງຄົບຖ້ວນ ຂໍ້ຕົກລົງທີ່ສົມບູນແບບອັນນີ້ ທີ່ໄດ້
ແກ້ໄຂຄວາມກັງວົນຕ່າງໆຂອງພວກເຮົາ ກ່ຽວກັບໂຄງການນິວເຄລຍຂອງອີຣ່ານ.”
