ລັດຖະມົນຕີການຕ່າງປະເທດສະຫະລັດ ທ່ານ John Kerry ກ່າວວ່າ ທ່ານວາງແຜນທີ່ຈະພົບປະກັບບັນດາເຈົ້າໜ້າທີ່ພະນັກງານໃນກະຊວງທັງຫຼາຍ ຊຶ່ງໄດ້ສົ່ງຄຳຮ້ອງຮຽນທາງໂທລະເລກ ເພື່ອໃຫ້ມີການເອົາມາດຕະການຢ່າງແຂງຂັນ ກ່ຽວກັບນະໂຍບາຍສະຫະລັດ ໃນຊິເຣຍ ເຖິງແມ່ນວ່າທາງກະຊວງການຕ່າງປະເທດ ບໍ່ໄດ້ກ່າວວ່າ ທ່ານ Kerry ໄດ້ເຫັນພ້ອມກັບທ່າທີຂອງພວກເຂົາເຈົ້າ.
ຄຳຖາມທີ່ຖືກຖາມຈາກພວກນັກຂ່າວໃນວັນຈັນວານນີ້ ກໍແມ່ນວ່າ ຖ້າຫາກວ່າທ່ານໄດ້ອ່ານ ໃນອັນທີ່ເອີ້ນວ່າ “ຊ່ອງທາງທີ່ຄັດຄ້ານຢ່າງແຮງ” ທາງໂທລະເລກ ຊຶ່ງທ່ານ Kerry ໄດ້ຮັບຮູ້ ແລະທັງໄດ້ກ່າວວ່າ “ນັ້ນແມ່ນດີຫຼາຍແລ້ວ.”
ທ່ານໄດ້ກ່າວວ່າ ທ່ານໄດ້ວາງແຜນທີ່ຈະພົບປະ ຢ່າງນ້ອຍກັບ 51 ຄົນ ຊຶ່ງສ່ວນໃຫຍ່ແມ່ນ ພວກນັກການທູດລະດັບກາງ ພວກຊຶ່ງໄດ້ເປັນເປົ້າໝາຍຕໍ່ຕ້ານອຳນາດການປົກຄອງຊີເຣຍ.
ຄຳຮ້ອງຮຽນຂອງພວກນັກການທູດ ທີ່ໄດ້ສົ່ງຜ່ານຊ່ອງທາງພາຍໃນຂອງກະຊວງ ໄດ້ ອອກສູ່ສາທາລະນະ ໃນສັບປະດາແລ້ວນີ້ ຫຼັງຈາກທີ່ໄດ້ຮົ່ວໄຫຼໄປຍັງແຫຼ່ງຂ່າວອື່ນໆນັ້ນ.
ການຮຽກຮ້ອງໃຫ້ມີການໂຈມຕີທາງອາກາດ ຊຶ່ງເປັນການເອົາມາດຕະການທີ່ກົດດັນ ໃຫ້ ອຳ ນາດການປົກຄອງຂອງປະທານາທິບໍດີຊີເຣຍ ທ່ານ Bashar al-Assad ທີ່ຈະ ຮັບເອົາ ການແກ້ໄຂທາງການເມືອງນັ້ນ ແມ່ນກົງກັນຂ້າມກັບ ກັບນະໂຍບາຍຂອງລັດຖະບານທີ່ມີຢູ່ໃນຂະນະນີ້ ຊຶ່ງໄດ້ເພັ່ງເລັງໃສ່ການຂັບໄລ່ກຸ່ມກໍ່ການຮ້າຍ ແລະສະໜັບສະໜຸນການດຳ ເນີນຄວາມພະຍາຍມພາຍໃຕ້ການນຳພາໂດຍອົງການສະຫະ ປະຊາຊາດ ເພື່ອໃຫ້ມີການເຈລະຈາລະຫວ່າງລັດຖະບານແລະກຸ່ມຝ່າຍຄ້ານ. ໂຄສົກ ກະຊວງການຕ່າງປະເທດ ທ່ານ John Kirby ໄດ້ກ່າວວ່າ ທ່ານ Kerry ເຊື່ອວ່າ ບັນດາ ນັກການທູດທັງຫຼາຍໄດ້ນຳສະເໜີການໂຕ້ແຍ້ງທີ່ດີ. ແນວໃດກໍຕາມ ທ່ານບໍ່ໄດ້ກ່າວວ່າ ທ່ານ Kerry ສະໜັບສະໜຸນໃນ ຂໍ້ສະເໜີທັງຫຼາຍນີ້.
ທ່ານ Kirby ໄດ້ກ່າວວ່າ “ຂ້າພະເຈົ້າຈະບໍ່ສະແດງອອກຊຶ່ງຄວາມເຫັນໃດໆຂອງທ່ານ Kerry ທີ່ໄດ້ໃຫ້ຄວາມເຫັນໃນມື້ນີ້ ທີ່ວ່າ ມັນເປັນການສະໜັບສະໜູນທັງໝົດ ໂດຍຜ່ານການຮັບເອົາໃນມູມມອງ ໃນຊ່ອຍທາງທີ່ກ່າວມານີ້.”
ກະລຸນາອ່ານຂ່າວນີ້ເພີ້ມຕື່ມເປັນພາສາອັງກິດ
