ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານແມັດຕິສ ສັນຍາຈະເອົາທ່າທີ ທີ່ໜັກແໜ້ນ ກັບເກົາຫຼີເໜືອ


ລັດຖະມົນຕີປ້ອງກັນປະເທດ ສະຫະລັດ ທ່ານຈິມ ແມັດຕິສ ແລະຄູ່ຕຳແໜ່ງຝ່າຍຫວຽດນາມ ທ່ານໂຫງ ຊວນ ລິກຈ໌ ກຳລັງກວດແຖວທະຫານ ທີ່ຮ່າໂນ້ຍ ປະເທດຫວຽດນາມ ວັນທີ 26 ມັງກອນ 2018.
ລັດຖະມົນຕີປ້ອງກັນປະເທດ ສະຫະລັດ ທ່ານຈິມ ແມັດຕິສ ແລະຄູ່ຕຳແໜ່ງຝ່າຍຫວຽດນາມ ທ່ານໂຫງ ຊວນ ລິກຈ໌ ກຳລັງກວດແຖວທະຫານ ທີ່ຮ່າໂນ້ຍ ປະເທດຫວຽດນາມ ວັນທີ 26 ມັງກອນ 2018.

ລັດຖະມົນຕີ​ປ້ອງ​ກັນ​ປະ​ເທດ​ສະຫະລັດ ທ່ານ​ຈິ​ມ ແມັດ​ຕິ​ສ ກ່າວ​ວ່າ ​ສະຫະລັດ​ຈະ​ສືບ
ຕໍ່ “ເອົາທ່າທີທີ່ໜັກແໜ້ນ ​ແລະສະໜອງທາງ​ເລືອກທີ່ໜ້າ​ເຊື່ອ​ຖືທາງທະຫານ” ​ແກ່​ບັນ
ດາ​ນັກ​ການ​ທູດ ທີ່ເຮັດ​ວຽກ​ເພື່ອ​ຫລຸດຜ່ອນ​ຄວາມ​ເຄັ່ງ​ຕຶງຢູ່​ແຫລມ​ເກົາຫລີ​ແລະ​ແກ້ໄຂ
ໄພຂົ່ມຂູ່ຈາກອາວຸດ​ນິວ​ເຄລຍ ​ແລະລູກ​ສອນ​ໄຟ ຂອງ​ພຽງ​ຢາງ.

ທ່ານກ່າວກ່ຽວກັບເລື່ອງນີ້ ​ຢູ່​ເທິງ​ເຮືອບິນ ກ່ອນ​ທີ່ຈະລົງຈອດ ​ຢູ່ອ່າວເພີລຮາ​ເບີ ທ່ານ​
ແມັດ​ຕິ​ສ ຍັງ​ໄດ້້​ໃຫ້​ຂໍ້​ສັງ​ເກດ​ວ່າ ສະຫະລັດພ້ອມແລ້ວ ​ທີ່​ຈະ “ສູ້​ລົບ​ໃນ​ມື້​ແລງ​ນີ້” ຄຽງ
​ຂ້າງ​ກັບ​ເກົາຫລີ​ໃຕ້ ຖ້າ​ຫາກ​ການໂຈມ​ຕີ​ໂດຍເກົາຫລີ​ເໜືອມີຂຶ້ນ.

ລັດຖະມົນຕີ​ປ້ອງ​ກັນ​ປະ​ເທດສະຫະລັດກ່າວ​ຕໍ່​ບັນ​ດາ​ນັກ​ຂ່າວ ​ໃນລະຫວ່າງ​ເດີນທາງ
​ຈາກ​ຫວຽດນາມ ​ໄປລັດ​ຮາ​ວາຍ​ວ່າ “ທາງ​ເລືອກ​ທາງທະຫານເຫລົ່າ​ນັ້ນ​ຍັງ​ຄົງມີ​ຢູ່
ເໝືອນ​ເດີມນັບ​ແຕ່​ປີ 1953 ເປັນຕົ້ນມາ. ມາ​ຈົນ​ຮອດ​ມື້​ນີ້. ພວກ​ເຮົາ​ສາ ມາດ​ສູ້​ລົບ​ມື້​
ແລງ​ນີ້ ​ຄຽງ​ບ່າ​ຄຽງໄຫລ່​ກັບ​ເກົາຫລີ​ໃຕ້ ​ຖ້າ​ຫາກ​ເຂົາ​ເຈົ້າ​ຖືກ​ໂຈມ​ຕີ.”

ທ່ານ​ແມັດ​ຕິ​ສ ກ່າວ​ເພີ້​ມອີກ​ວ່າ “ການ​ໂຈມ​ຕີໃດໆ​ກໍຕາມຈາກ​ເກົາຫລີ​ເໜືອຈະ​ຖືກ
“ຕອບ​ໂຕ້​ຄືນຢ່າງ​ຮ້າຍ​ແຮງ.”

ຫົວໜ້າ​ທຳນຽບຫ້າ​ແຈ​ໄດ້​ພົບ​ປະ​ໃນ​ວັນ​ສຸກວານນີ້​ທີ່​ລັດຮາ​ວາຍ​ກັບລັດຖະມົນຕີ​ກະ
ຊວງປ້ອງ​ກັນ​ປະ​ເທດ​ເກົາຫລີ​ໃຕ້ ທ່ານ​ຊອງ ຢຸງ-ມູ. ທ່ານ​ແມັດ​ຕິ​ສ ກ່າວ​ວ່າ ການ​ປະ
ຊຸມຈະເວົ້າ​ເຖິງ​ນະ​ໂຍບາຍ ກ່ຽວກັບ “ການ​ເຮັດໃຫ້ ແຫຼມເກົາຫລີ ເປັນເຂດປອດ​ນິວ
​ເຄລຍ.”

ລມຕ ປ້ອງກັນປະເທດ ສຫລ ທ່ານຈິມ ແມັດຕິສ ກຳລັງໂອ້ລົມກັບພວກນັກຂ່າວ ທີ່ບ້ານສະຫງົບເສີກ ປັນມຸນຈອມ ໃນເຂດປອດທະຫານ.
ລມຕ ປ້ອງກັນປະເທດ ສຫລ ທ່ານຈິມ ແມັດຕິສ ກຳລັງໂອ້ລົມກັບພວກນັກຂ່າວ ທີ່ບ້ານສະຫງົບເສີກ ປັນມຸນຈອມ ໃນເຂດປອດທະຫານ.

ການ​ປະ​ຊຸມ​ມີ​ຂື້ນ ​ໃນ​ຂະນະ​ທີ່​ເກົາຫລີ​ເໜືອ ​ແລ​ະ​ເກົາຫລີ​ໃຕ້​ພົວພັນໃນ​ການ​ເຈລະຈາ
​ກ່ຽວ​ກັບ​ກິລາ​ໂອລິ​ມປິກລະດູ​ໜາວໃນເດືອນ​ໜ້າ​ນີ້​ຢູ່​ເກົາຫລີ​ໃຕ້. ​ເກົາຫລີ​ເໜືອ​ໄດ້​ຕົກ
ລົງຈະ​ສົ່ງ​ຜູ້ຕາງໜ້າ​ເຂົ້າ​ຮ່ວມ​ການ​ແຂ່ງຂັນດັ່ງກ່າວ.

ທ່ານ​ແມັດ​ຕິ​ສ​ເນັ້ນ​ໜັກ​ວ່າ ການ​ປະຊຸມ​ຂອງ​ທ່ານ​ກັບລັດຖະມົນຕີ​ປ້ອງ​ກັນ​ປະ​ເທດ ທ່ານ
​ຊອງ “ບໍ່​ໄດ້​ກະກຽມໄວ້​ໂດຍ​ກົງ​ ​ເພາະວ່າ​ມີ​ໂອ​ລິ​ມປິກ” ຫລື​ການເຈລະຈາອື່ນໆທີ່ກຳລັງ
ດຳເນີນຢູ່.

In Hawaii, Mattis Praises Renewed Talks Between South, North Korea
please wait

No media source currently available

0:00 0:01:56 0:00

ບັນດາ​ນັກວິ​ເຄາະ​ຈຳນວນ​ນຶ່ງ​ໄດ້​ກ່າວ​ວ່າ ​ເກົາຫລີ​ເໜືອ​ອາດ​ໃຊ້​ການ​ເຈລະຈາ ພະຍາ
ຍາມ​ສ້າງຄວາມແຕກ​ແຍກ ລະຫວ່າງ​ສະຫະລັດ ​ແລະເກົາຫລີ​ໃຕ້.

​ແຕ່​ທ່ານ​ແມັດຕິ​ສ ​ໄດ້​ຊີ້​ໃຫ້ເຫັນ​ວ່າ ບັນດາ​ເຈົ້າ​ໜ້າ​ທີ່ເກົາຫລີ​ໃຕ້ ​ໄດ້​ໃຫ້​ຄຳ​ໝັ້ນ​ສັນຍາ
​ທີ່​ຈະ​ຈຳກັດ​ການເຈລະຈາ​ໃນ​ຫົວ​ຂໍ້​ທີ່​ພົົວພັນ​ກັບ​ໂອ​ລິ​ມປິກເທົ່ານັ້ນ. ທ່ານ​ໄດ້​ຮ້ອງ​ການ​ສົນທະນາ​ນີ້ວ່າ “​ເປັນ​ຮ່ອງຮອຍ​ໃນ​ທາງ​ບວກ” ​ແຕ່​ໄດ້ຕັ້ງຄຳ​ຖາມ​ວ່າ ການ​ເຈລະຈາ​ດັ່ງ
ກ່າວ​ຈະ​ມີ​ນ້ຳໜັກ​ຫລາຍ​ປານ​ໃດ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG