ປະທານາທິບໍດີສະຫະລັດ ທ່ານດໍໂນລ ທຣຳ ໄດ້ສັ່ງໃຫ້ “ເລັ່ງລັດການປະຕິບັດງານ”
ຕໍ່ຕ້ານພວກນັກລົບກຸ່ມລັດອິສລາມຢູ່ໃນຊີເຣຍ ອີງຕາມຄຳເວົ້າຂອງລັດຖະມົນຕີກະ
ຊວງປ້ອງກັນປະເທດສະຫະລັດ ທ່ານ Jim Mattis ໃນວັນສຸກວານນີ້.
ທ່ານ Mattis ເອີ້ນການເລັ່ງລັດນີ້ວ່າ “ເປັນການປ່ຽນແປງໃນຍຸດທະວິທີ” ໂດຍກ່າວ
ວ່າ ທາງກອງທັບຈະປ່ຽນຈາກການປະຕິບັດງານ ທີ່ແນໃສ່ ເພື່ອຂັບໄລ່ພວກນັກລົບ
ກຸ່ມລັດອິສລາມອອກໄປຈາກທີ່ໝັ້ນແຫ່ງຕ່າງໆ ແລະຈະຫັນໄປໃຊ້ການປິດລ້ອມສັດ
ຕູຢູ່ໃນທີ່ໝັ້ນຂອງພວກເຂົາແທນ.”
ທ່ານ Mattis ກ່າວວ່າ “ຄວາມຕັ້ງໃຈກໍແມ່ນເພື່ອປ້ອງກັນບໍ່ໃຫ້ພວກນັກລົບຕ່າງດ້າວ
ທີ່ຫລົບໜີໄປນັ້ນກັບຄືນປະເທດ” ແລະທ່ານໃຫ້ຂໍ້ສັງເກດຕື່ມວ່າ ເປົ້າໝາຍ ໃນເວລາ
ນີ້ກໍແມ່ນເພື່ອ “ທຳລາຍ” ພວກນັກລົບ ຂອງກຸ່ມລັດອິສລາມ ບໍ່ພຽງແຕ່ຄວບຄຸມພວກ
ເຂົາໄວ້ເທົ່ານັ້ນ.
ທ່ານກ່າວວ່າ “ບໍ່ມີທາງຫຼົບໜີ” ສຳລັບສະມາຊິກຂອງກຸ່ມລັດອິສລາມຢູ່ທີ່ເມືອງໂມຊູລ
ບ່ອນທີ່ກອງທັບອີຣັກກ່າວໃນຕົ້ນອາທິດນີ້ວ່າ ຕົນໄດ້ປິດລ້ອມເມືອງດັ່ງກ່າວແລ້ວ ແຕ່
ກໍໃຫ້ຂໍ້ສັງເກດວ່າ ຍັງບໍ່ມີການປ່ຽນແປງຫຍັງກ່ຽວກັບລະບຽບໃນການບຸກໂຈມຕີຂອງ
ກຳລັງແນວໂຮມ.
ທ່ານ Mattis ກ່າວວ່າ “ພວກເຮົາແມ່ນສືບຕໍ່ທຸກການດຳເນີນຄວາມພະຍາຍາມ ທີ່ຈະ
ໃຫ້ການປົກປ້ອງແກ່ປະຊາຊົນທີ່ບໍ່ມີຄວາມຜິດ.”
ທ່ານ Mattis ເວົ້າວ່າ ມີປະຊາຊົນຫຼາຍກວ່າ 4 ລ້ານຄົນໄດ້ຖືກປົດປ່ອຍໃນລະຫວ່າງ
ການບຸກໂຈມຕີ ແລະ “ດິນແດນແມ່ນແຕ່ຄືບດຽວກໍບໍ່ໄດ້ຖືກຍຶດຄືນໄປ.”
ທ່ານກ່າວວ່າ “ພວກເຮົາພວມນຳພາການບຸກໂຈມຕີໃນຂອບເຂດທີ່ກວ້າງຂວາງຂອງ
ນາໆຊາດ ເພື່ອທັບມ້າງໃນການກ່າວອ້າງ ຂອງກຸ່ມລັດອິສລາມທີ່ວ່າບໍ່ມີໃຜສາມາດຕີ
ພວກເຂົາແຕກໄດ້ນັ້ນ ເພື່ອປະຕິເສດບໍ່ໃຫ້ບ່ອນຫລົບລີ້ ທາງດ້ານພູມສາດແກ່ກຸ່ມລັດ
ອິສລາມ ທີ່ພວກເຂົາໃຊ້ເປັນທຳການຄາດຕະກຳ ພ້ອມທັງກຳຈັດຄວາມສາມາດຂອງ
ກຸ່ມລັດອິສລາມ ໃນການປະຕິບັດງານຢູ່ຕ່າງປະເທດ ແລະ ຖອນຮາກຖອນເຫງົ້າ ໃນ
ຄວາມສາມາດຂອງພວກເຂົາເພື່ອເກັບເກນແລະຊອກຫາເງິນມາສະໜັບສະໜຸນການ
ປະຕິບັດງານຂອງພວກກໍ່ການຮ້າຍ.”
ກຳລັງຂອງອີຣັກ ຊຶ່ງໄດ້ຮັບການໜຸນຫລັງ ໂດຍແນວໂຮມ ທີ່ຢູ່ພາຍໃຕ້ການນຳພາ
ຂອງສະຫະລັດໄດ້ຂັບໄລ່ກຸ່ມລັດອິສລາມອອກຈາກເມືອງໂມຊູລເກືອບທັງໝົດຍົກ
ເວັ້ນແຕ່ ຢູ່ໃນບໍລິເວນ 12 ກິໂລແມັດມົນທົນ ຂອງເມືອງດັ່ງກ່າວ ໂດຍໄດ້ປິດລ້ອມ
ພວກນັກລົບ ທີ່ຍັງເຫລືອຢູ່ນັ້ນ ໄວ້ໃນເຂດເມືອງເກົ່າ ບ່ອນທີ່ຄາດກັນວ່າພວກເຂົາ
ຈະທຳການຕ້ານຢັນເປັນຄັ້ງສຸດທ້າຍ ໃນສອງສາມອາທິດຂ້າງໜ້ານີ້.
