ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ຜູ້ຕັ້ງຖິ່ນຖານຊາວຢິວ ໄດ້ສ້າງໂຮງຮຽນສາສະໜາຂຶ້ນ ຢູ່ໃນຂົງເຂດອົບພະຍົບ ເວສ ແບັງ ທີ່ຢູ່ຫ່າງໄກ ລຸນຫຼັງອິສຣາແອລຍົກເລີກຂໍ້ຫ້າມ


ແຜນທີ່ກ່ຽວກັບຂົງເຂດຂອງ ອິສຣາແອລ, ບໍລິເວນຂົງເຂດປົກຄອງ Gaza ແລະ West Bank.
ແຜນທີ່ກ່ຽວກັບຂົງເຂດຂອງ ອິສຣາແອລ, ບໍລິເວນຂົງເຂດປົກຄອງ Gaza ແລະ West Bank.

ຊາວຢິວຜູ້ມາຕັ້ງຖິ່ນຖານຢູ່ໃນຂົງເຂດ ເວສ ແບັງ (West Bank) ທີ່ຖືກຢຶດ ຄອງໄດ້ພາກັນສ້າງໂຮງຮຽນສອນສາສະໜາໃນຂົງເຂດຖິ່ນ​ຖານ​ຫ່າງ​ໄກ​ທີ່ຖືກມ້າງຖອນ, ອີງຕາມລາຍງານຂອງອົງການຂ່າວ AP.

ການປະກາດໃນວັນຈັນມື້ນີ້ມີຂຶ້ນລຸນຫຼັງລັດຖະບານຝ່າຍຂວາຈັດໃນເດືອນມີນາທີ່ຜ່ານມາໄດ້ຍົກເລີກລັດຖະທໍາມະນູນປີ 2005 ທີ່ໄດ້ມ້າງຖອນຖິ່ນຖານ 4 ແຫ່ງ ໃນຂົງ ເຂດ ເວສ ແບັງ ແລະໄດ້ຫ້າມບໍ່ໃຫ້ຊາວອິສຣາແອລ ກັບຄືນເຂົ້າມາໃນ ບໍລິເວນດັ່ງກ່າວອີກ. ໂຮເມສ (Homesh), ເປັນຖິ່ນ​ຖານ​ທີ່​ຢູ່​ຫ່າງ​ໄກ, ເຊິ່ງ ເປັນບ່ອນທີ່ໂຮງຮຽນສອນສາສະໜາໄດ້ກໍ່ຕັ້ງຂຶ້ນໃນຕອນແລງວັນອາທິດວານນີ້, ກໍເປັນນຶ່ງໃນນັ້ນ.

ປະຊາຄົມສາກົນສ່ວນຫຼາຍພິຈາລະນາວ່າ ການຕັ້ງຖິ່ນຖານ ຂອງຊາວ ອິສຣາແອລແມ່ນຜິດກົດໝາຍ ແລະເປັນການຂັດຂວາງຕໍ່ການສ້າງ ສັນຕິພາບ ໃນຊ່ວງເວລາທີ່ຄວາມເຄັ່ງຕຶງກໍາລັງເພີ້ມສູງຂຶ້ນ. ໃນວັນຈັນມື້ນີ້, ຜູ້ຊາຍຊາວ ປາແລັສໄຕນ໌ຄົນນຶ່ງກໍໄດ້ເສຍຊີວິດເຊັ່ນກັນ ລຸນຫຼັງທີ່ລາວຖືກຍິງ ໂດຍກອງກໍາ ລັງຂອງຊາວອິສຣາແອລ ຢູ່ບໍລິເວນເມືອງເຈນິນ ໃນຂົງເຂດ ເວສ ແບັງ, ອີງ ຕາມການກ່າວຂອງເຈົ້າໜ້າທີ່ການແພດຊາວປາແລັສໄຕນ໌.

ກອງທັບ ຂອງຊາວອິສຣາແອລກ່າວວ່າ ກອງ​ກຳ​ລັງ​ໃນ​ການ​ບຸກ​ຈັບ​ກຸມໄດ້​ຖືກ​ຍິງ​ໂຈມ​ຕີ​ຢ່າງ​ໜັກ ແລະ ໄດ້ຍິງຕອບໂຕ້ຄືນ.

ອ່ານຂ່າວນີ້ເປັນພາສາອັງກິດ

XS
SM
MD
LG