ຕຳຫລວດ ອິສຣາແອລ ກ່າວວ່າ ຊາວປາແລສໄຕນ໌ສອງຄົນ
ໄດ້ໂຈມຕີວັດຊາວຢີວ ໃນນະຄອນ Jerusalem ເຮັດໃຫ້ຜູ້
ໄປສະແຫວງບຸນ ສີ່ຄົນເສຍຊີວິດ ແລະໄດ້ຮັບບາດເຈັບອີກ
ຫົກຄົນ.
ໂຄສົກຕຳຫລວດຍິງ ທ່ານນາງ Luba Samri ກ່າວວ່າ ພວກ
ຜູ້ຮ້າຍທີ່ມີຂວານ ແລະປືນສັ້ນເປັນອາວຸດ ໄດ້ທຳການໂຈມຕີ
ໃນລະຫວ່າງພິທີສູດມົນໃນຕອນເຊົ້າ ວັນອັງຄານມື້ນີ້ ຢູ່ທີ່ຄຸ້ມ
Har Nof ໃນນະຄອນ Jerusalem .
ທ່ານນາງ Samri ຮ້ອງບັນດາຜູ້ຕ້ອງສົງໄສວ່າ ເປັນ “ພວກກໍ່
ການຮ້າຍ” ແລະກ່າວວ່າເຂົາເຈົ້າໄດ້ຖືກຕຳຫລວດຍິງຕາຍ.
ການໂຈມຕີ ວັດຊາວຢິວ ທີ່ ເຈຣູຊາແລັມ
ນາຍົກລັດຖະມົນຕີ ອິສຣາແອລ ທ່ານ Benjamin Netanyahu ໄດຖິ້ມໂທດໃສ່ອັນທີ່
ທ່ານຮ້ອງວ່າ “ການຍຸຍົງ” ໂດຍກຸ່ມຫົວຮຸນແຮງ Hamas ແລະປະທາ ນາທິບໍດີປາແລສ
ໄຕນ໌ ທ່ານ Mahmoud Abbas ທີ່ກ່າວວ່າ ປະຊາຄົມນາໆ ຊາດບໍ່ໄດ້ພາກັນເອົາຫົວຊາ.
ທ່ານ Natanyahu ສັນຍາວ່າ ອິສຣາແອລ ຈະ ຕອບໂຕ້ຕໍ່ການໂຈມຕີນີ້.
ທ່ານ Abbas ໄດ້ອອກຖະແຫລງການສະບັບນຶ່ງໃນເວລາບໍ່
ດົນຕໍ່ມາ ປະນາມການໂຈມຕີດັ່ງກ່າວແລະການໂຈມຕີອື່ນໆ
ທີ່ມີຕໍ່ພົນລະເຮືອນບໍ່ສຳຄັນວ່າໃຜເປັນຜູ້ຮັບຜິດຊອບກໍຕາມ.
ລັດຖະມົນຕີຕ່າງປະເທດ ສະຫະລັດ ທ່ານ John Kerry ໄດ້
ໂອ້ລົມກັບ ທ່ານ Natanyahu ໂດຍທາງໂທລະສັບ ເພື່ອສະ
ແດງຄວາມເສົ້າສະລົດໃຈຂອງທ່ານ. ທ່ານຍັງໄດ້ບອກບັນດາ
ນັກຂ່າວ ໃນນະຄອນລອນດອນວ່າ ການໂຈມຕີນີ້ ເປັນການ
“ກໍ່ການຮ້າຍທີ່ແທ້ຈິງ.”
ການໂຈມຕີດັ່ງກ່າວນີ້ ແມ່ນເຫດຮ້າຍເທື່ອຫລ້າສຸດ ຂອງຄວາມຮຸນແຮງທີ່ເພີ້ມທະວີຂຶ້ນໃນ
ນະຄອນ Jerusalem ແລະເຂດຝັ່ງຕາເວັນຕົກຂອງແມ່ນ້ຳຈໍແດນ ຫລື West Bank ໃນ
ລະຍະນຶ່ງເດືອນທີ່ຜ່ານມານີ້.
