ປະຊາຊົນຫຼາຍພັນຄົນໄດ້ພາກັນເດີນຂະບວນປະທ້ວງໃນໃຈກາງນະຄອນຫຼວງໂຕກຽວ
ໃນວັນຈັນມື້ນີ້ ຮຽກຮ້ອງໃຫ້ລັດຖະບານຢຸດເຊົາການໃຊ້ ພະລັງງານນີວເຄລຍໂດຍໄວ.
ຕໍາຫຼວດກ່າວວ່າ ມີປະມານ 20 ພັນຄົນ ປະກອບສ່ວນໃນການເດີນຂະບວນຄັ້ງນີ້
ຊຶ່ງເຮັດໃຫ້ເປັນການປະທ້ວງຄັ້ງໃຫຍ່ທີ່ສຸດບັ້ນນຶ່ງ ຫຼັງຈາກເກີດແຜ່ນດິນໄຫວແລະ
ຄື້ນຟອງສຸນາມິ ທີ່ສ້າງຄວາມຫາຍຍະນະ ພາໃຫ້ໂຮງງານນີວເຄລຍພັງທະລາຍລົງ
ເມື່ອ 6 ເດືອນກ່ອນໜ້ານີ້. ແຕ່ພວກຈັດການເດີນຂະບວນປະທ້ວງກ່າວວ່າ ຈໍານວນ
ຜູ້ທີ່ເຂົ້າປະກອບສ່ວນ ມີໂຕເລກສູງກ່ວານັ້ນຫຼາຍ.
ຜູ້ນໍາພາການປະທ້ວງ Yasurani Fujimoto ກ່າວວ່າ ພວກປະທ້ວງຢາກໄດ້ຄວາມ
ໝາຍໝັ້ນຕັ້ງໃຈຢ່າງຈະແຈ້ງ ຈາກທາງລັດຖະບານວ່າ ຈະຢຸດເຊົາການນໍາໃຊ້ພະລັງງານ
ນີວເຄລຍ ຢ່າງສິ້ນເຊີງ.
ລາວກ່າວວ່າ ຄວາມໝາຍໝັ້ນດັ່ງກ່າວຂອງລັດຖະບານ ຈະຊ່ວຍຊຸກຍູ້ໃຫ້ປະຊາຊົນຫັນ
ໄປເລ່ງລັດພັດທະນາ ການນໍາໃຊ້ແຫລ່ງພະລັງງານອື່ນທົດແທນ.
