ອຳນາດການປົກຄອງໃນເມືອງນ້ອຍໆແຫ່ງນຶ່ງຂອງ ຍີ່ປຸ່ນ ໄດ້ກີດກັນທີວທັດຂອງພູໄຟ ຟູຈິ ໃນວັນອັງຄານວານນີ້ດ້ວຍການຕິດຕັ້ງຮົ້ວຜ້າຢູ່ຈຸດຊົມວິວທີ່ຖືກໃຊ້ໂດຍບັນດານັກທ່ອງທ່ຽວເພື່ອເບິ່ງພູທີ່ເປັນສັນຍາລັກນັ້ນ.
ເມືອງດັ່ງກ່າວແມ່ນເຕັມໄປດ້ວຍນັກທ່ອງທ່ຽວນັບຕັ້ງແຕ່ ຍີ່ປຸ່ນ ໄດ້ເປີດເຂດຊາຍແດນຂອງເຂົາເຈົ້າຄືນໃຫ້ນັກທ່ອງທ່ຽວ ຫລັງຈາກຈຸດສູງສຸດຂອງໂຣກລະບາດໄວຣັສ ໂຄວິດ-19. ປະເທດດັ່ງກ່າວໄດ້ຕ້ອນຮັບປະຊາຊົນສາມລ້ານຄົນຫຼາຍເປັນສະຖິຕິໃນເດືອນມີນາ ແລະ ເມສາທີ່ຜ່ານມາ ດ້ວຍສະກຸນເງິນ ເຢັນ ຂອງຍີ່ປຸ່ນ ໄດ້ຕົກລົງສູ່ລະດັບທີ່ຕ່ຳທີ່ສຸດ, ເຊິ່ງໄດ້ຫຼຸດຜ່ອນຄ່າໃຊ້ຈ່າຍຂອງການເດີນທາງ.
ປະຊາຊົນທີ່ອາໄສຢູ່ໃນເມືອງ ຟູຈິຄາວະກູຈິໂກະ ໄດ້ຕຳໜິວ່າຈຳນວນນັກທ່ອງທ່ຽວທີ່ເພີ່ມຂຶ້ນເລື້ອຍໆ ຢູ່ໃກ້ກັບຮ້ານຄ້າສະດວກຊື້ ໄດ້ກາຍເປັນສິ່ງທີ່ໜ້າ ລຳຄານ, ເພາະວ່າເຂົາເຈົ້າປະຕິເສດທີ່ຈະຖືຂີ່ເຫຍື້ອໄປຖິ້ມ ແລະ ບໍ່ປະຕິບັດຕາມກົດລະບຽບການສັນຈອນ, ເຊິ່ງມັກຈະຍ່າງຢູ່ກາງຖະໜົນເພື່ອຢືນຖ່າຍຮູບ.
ສະພາຂອງເມືອງດັ່ງກ່າວໄດ້ລົງຄະແນນສຽງໃນເດືອນແລ້ວນີ້ ເພື່ອຕິດຕັ້ງສິ່ງກີດຂວາງນັ້ນ, ເຊິ່ງເປັນການຕັດສິນໃຈທີ່ເຈົ້າໜ້າທີ່ໃນທ້ອງຖິ່ນອະທິບາຍວ່າ “ໜ້າເສຍໃຈ.”
ຟໍຣັມສະແດງຄວາມຄິດເຫັນ