ລິ້ງ ສຳຫລັບເຂົ້າຫາ

logo-print

ພວກໄອຍະການ ຂອງຍີ່ປຸ່ນ ຈັບກຸມ ອະດີດ ຫົວໜ້າ ບໍລິສັດນິສສັນ ທ່ານ Carlos Ghosn ເປັນເທື່ອທີສີ່


ອະດີດປະທານ ບໍລິສັດສັດລົດນິສສັນ Carlos Ghosn ອອກໄປຈາກຫ້ອງການທະນາຍຄວາມຂອງຜູ້ກ່ຽວ ໃນໂຕກຽວ ໃນວັນທີ 3 ເມສາ 2019.

ອະດີດປະທານບໍລິສັດລົດ ນິສສັນ ທ່ານ ຄາລົສ ກົສສິນ ໄດ້ຖືກຈັບຕື່ມຢູ່ຍີ່ປຸ່ນໃນຂໍ້
ກ່າວຫາໃໝ່ ດ້ານການເງິນບໍ່ຖືກຕ້ອງ.

ພວກໄອຍະການກ່າວວ່າ ທ່ານ ກົສສິນ ໄດ້ຖືກກັກໂຕໄວ້ ຢູ່ໃນຫ້ອງແຖວຂອງລາວ ໃນວັນພະຫັດມື້ນີ້ ອິງຕາມຂໍ້ກ່າວຫາວ່າໝູນເງິນ 5 ລ້ານໂດລາ ຂອງບໍລິສັດນິສັນ ໄປ
ໃຊ້ສ່ວນຕົວ.

ອະດີດຜູ້ບໍລິຫານ ໄວ 65 ປີ ທຳອິດ ໄດ້ຖືກຈັບເມື່ອເດືອນພະຈິກປີກາຍນີ້ ໃນຂໍ້ຫາ ປອມແປງຂໍ້ຄວາມໃນເອກະສານການເງິນເປັນເວລາເກືອບນຶ່ງທົດສະວັດໂດຍການ
ລາຍງານບໍ່ພຽງພໍ ຫລຸດຈຳນວນເຖິງ 82 ​ລ້ານ ໂດລາ.

ທ່ານໄດ້ຖືກຈັບສອງເທື່ອ ໃນເດືອນທັນວາ ໃນລະຫວ່າງຖືກກັກຢູ່ ຍ້ອນບ້ຽວຂໍ້ກ່າວ
ຫາ ອັນມີລວມທັງການກ່າວຫາວ່າໂອນເງິນ 16 ລ້ານໂດລາໃນການຂາດທຶນໃນການ
ລົງທຶນສ່ວນຕົວ ໄປໃສ່ໃນປຶ້ມຂອງບໍລິສັດລົດຍີ່ປຸ່ນ.

ທ່ານ ກົສສິນ ທີ່ເກີດຢູ່ປະເທດບຣາຊີລ ໄດ້ອອກຖະແຫລງການໃນວັນພະຫັດມື້ນີ້ ໂດຍຜ່ານພວກຜູ້ແທນ ປະນາມການຈັບກຸມຜູ້ກ່ຽວເທື່ອຫລ້າສຸດ ທີ່ລາວເວົ້າວ່າເປັນ
ຄວາມພະຍາຍາມ ທີ່ຈະປິດປາກລາວໂດຍພວກຄົນໃນບໍລິສັດນິສັນ.ລາວຂຽນລົງ
ວ່າ “ເປັນຫຍັງຈຶ່ງຈັບຂ້ອຍ ຫວັງວ່າຈະທັບມ້າງຂ້ອຍບໍ? ຈະມ້າງເພຂ້ອຍບໍໄດ້ດອກ ຂ້ອຍເຊຶ່ອແນ່ວ່າ ຖ້າມີການພິຈາລະນາຄະດີຢ່າງຍຸຕິທຳ ຂ້ອຍຈະພົ້ນໂທດ.”

ເຊີນອ່ານຂ່າວນີ້ຕື່ມເປັນພາສາອັງກິດ

XS
SM
MD
LG