ບໍລິສັດເອກກະຊົນຍີ່ປຸ່ນຈະໃຫ້ການຊ່ວຍເຫຼືອທາງການລາວ
ໃນການສຶກສາ ເພື່ອການພັດທະນາ ແລະການວາງແຜນຜັງ
ເມືອງໃໝ່ໃນເຂດເທດສະບານແລະເຂດເຊໂນເມືອງໃໝ່ ໃນ
ແຂວງສະຫວັນນະເຂດ.
ກຸ່ມບໍລິສັດ Nikken Sekkei ຈາກປະເທດຍີ່ປຸ່ນ ຊຶ່ງເປັນບໍລິສັດເອກກະຊົນທີ່ມີຄວາມຊໍານານໃນການວາງແຜນ ແລະອອກແບບການພັດທະນາເຂດເມືອງໃໝ່ໃນລະດັບສາ ກົນ ໄດ້ສົ່ງຄະນະຜູ້ຕາງໜ້າຂອງບໍລິສັດໄປນໍາສະເໜີແຜນການພັດທະນາເຂດເມືອງຕໍ່ທ່ານ ສຸພັນ ແກ້ວມີໄຊ ເຈົ້າແຂວງ ແລະເລຂາພັກແຂວງສະຫວັນນະເຂດ ຢ່າງເປັນທາງການເມື່ອບໍ່ດົນມານີ້.
ໂດຍການນໍາສະເໜີດັ່ງກ່າວ ທາງກຸ່ມບໍລິສັດ Nikken Sekkei ໄດ້ໃຫ້ຄວາມສໍາຄັນ
ເປັນພິເສດ ທີ່ຈະໃຫ້ການຊ່ວຍເຫຼືອທາງການແຂວງສະຫວັນນະເຂດໃນການສຶກສາ
ເພື່ອການວາງແຜນຜັງ ແລະການພັດທະນາເຂດເມືອງໃໝ່ໃນ 2 ພື້ນທີ່ດ້ວຍກັນ ກໍຄື
ເຂດເທດສະບານແຂວງສະຫວັນນະເຂດ ແລະເຂດເຊໂນເມືອງໃໝ່ ທີ່ຕັ້ງຢູ່ໃນເຂດ
ເມືອງອຸທຸມພອນ ເນື່ອງຈາກເຫັນວ່າ ທັງ 2 ພື້ນທີ່ດັ່ງກ່າວຈະມີຄວາມສໍາຄັນ ຢ່າງຍິ່ງຕໍ່
ການພັດທະນາ ທາງເສດຖະກິດ ລະຫວ່າງລາວກັບປະເທດເພື່ອນບ້ານ ໃນເຂດລຸ່ມແມ່
ນໍ້າຂອງ ໃນອະນາຄົດ.
ເພາະສະນັ້ນ ຈຶ່ງມີຄວາມຈໍາເປັນຢ່າງຍິ່ງ ທີ່ຈະຕ້ອງທໍາການສຶກສາເພື່ອວາງແຜນການພັດທະນາທັງສອງເຂດດັ່ງກ່າວນີ້ ຢ່າງລະອຽດແລະຮອບດ້ານ ໂດຍທີ່ສໍາຄັນ ກໍຄືການ ວາງແຜນ ການຈັດສັນແລະການນໍາໃຊ້ທີ່ດິນ ເຊັ່ນການຈັດສັນເຂດສະຖານທີ່ບໍລິການສາທາລະນະ ເຂດການຄ້າໃນຕົວເມືອງ ເຂດການຄ້າຢູ່ແຄມນໍ້າຂອງ ເຂດອາຄານສູງ ເຂດທີ່ພັກອາໄສ ເຂດບ້ານຈັດສັນຄົບວົງຈອນ ເຂດການສຶກສາ ເຂດໂຮງງານ ແລະເຂດສູນວິໄຈຄົ້ນຄວ້າເປັນຕົ້ນ.
ທັງນີ້ໂດຍສໍາລັບແຜນການພັດທະນາ ໃນເຂດເທດສະບານແຂວງສະຫວັນນະເຂດນັ້ນ ຈະມີເນື້ອທີ່ກວ້າງກວ່າ 7,000 ເຮັກຕ້າ ສ່ວນຢູ່ເຂດເຊໂນເມືອງໃໝ່ນັ້ນ ຈະມີເນື້ອທີ່ປະ
ມານ 300 ເຮັກຕ້າ ໂດຍຄາດວ່າ ທາງການແຂວງສະຫວັນນະເຂດ ຈະລົງນາມໃນຂໍ້ຕົກ
ລົງຕາມການສະເໜີຂອງກຸ່ມບໍລິສັດ Nikken Sekkei ດັ່ງກ່າວໃນໝໍ່ໆນີ້ ເນື່ອງຈາກການພັດທະນາທັງສອງເຂດດັ່ງກ່າວນີ້ ຖືເປັນສ່ວນສໍາຄັນຂອງການພັດທະນາເຂດເສດ ຖະກິດພິເສດສະຫວັນ-ເຊໂນ ທີ່ບໍລິສັດເອກກະຊົນຍີ່ປຸ່ນໄດ້ເຂົ້າມາລົງທຶນ ຫຼາຍຂຶ້ນນັບມື້ນັ້ນເອງ.
ກ່ອນໜ້ານີ້ ອົງການ ການຄ້າຕ່າງປະເທດແຫ່ງຍີ່ປຸ່ນ (JETRO) ກໍລາຍງານວ່າບໍລິສັດ
ເອກກະຊົນຂອງຍີ່ປຸ່ນ ຈະພາກັນຍ້າຍຖານການລົງທຶນຈາກຈີນ ແລະໄທ ເຂົ້າມາໃນລາວຫຼາຍຂຶ້ນ ໃນລະຍະຕໍ່ໄປນີ້ ໂດຍມີສາເຫດຈາກຄ່າແຮງງານທີ່ປັບຕົວສູງຂຶ້ນຢ່າງຕໍ່ເນື່ອງຢູ່ໃນປະເທດຈີນ. ສ່ວນຢູ່ໃນໄທ ກໍມີທັງບັນຫາໄພນໍ້າຖ້ວມ ແລະບັນຫາຂັດແຍ້ງ
ທາງການເມືອງ.
ທ່ານ Abe ນາຍົກລັດຖະມົນຕີຍີ່ປຸ່ນ ຕອນ ຢ້ຽມຢາມລາວ
ເພື່ອເປັນການຕຽມພ້ອມ ຮອງຮັບການເຂົ້າມາລົງທຶນໃນ
ລາວຂອງບັນດາບໍລິສັດເອກກະຊົນຍີ່ປຸ່ນດັ່ງກ່າວ ອົງການ
JETRO ກໍມີກໍານົດການທີ່ຈະເປີດສໍານັກງານປະຈໍາລາວ
ຢູ່ນະຄອນວຽງຈັນ ໃນຕົ້ນປີ 2014 ຊຶ່ງຖືວ່າເປັນສ່ວນນຶ່ງ
ຂອງການຕົກລົງຮ່ວມມືໃນຫຼາຍໆດ້ານ ທີ່ໄດ້ມີຂຶ້ນໃນໂອ
ກາດທີ່ທ່ານ Shinzo Abe ນາຍົກລັດຖະມົນຕີຍີ່ປຸ່ນ ເດີນ
ທາງຢ້ຽມຢາມລາວ ຢ່າງເປັນທາງການໃນເດືອນພະຈິກ
2013 ທີ່ຜ່ານມາ ດັ່ງທີ່ທ່ານທອງສິງ ທໍາມະວົງ ນາຍົກລັດ
ຖະມົນຕີລາວ ໄດ້ຖະແຫຼງຢືນຢັນວ່າ:
“ສອງຝ່າຍໄດ້ເຫັນດີທີ່ຈະເປີດຫ້ອງການຜູ້ຕາງໜ້າ ອົງການການຄ້າສາກົນ JETRO ທີ່ນະຄອນຫຼວງວຽງຈັນ ໃນໄວໆນີ້ ຍີ່ປຸ່ນໄດ້ຢັ້ງຢືນທີ່ຈະສືບຕໍ່ໃຫ້
ການຊ່ວຍເຫຼືອທາງດ້ານທຶນຮອນ ເພື່ອຂະຫຍາຍອາຄານໂດຍສານຂອງ
ສະໜາມບິນວັດໄຕ ລະຍະ 3 ແລະໂຄງການເງິນກູ້ຢືມດອກເບ້ຍຕໍ່າ ເພື່ອ
ຫຼຸດຜ່ອນຄວາມທຸກຍາກ.”
ຂະແໜງການທີ່ ບັນດາບໍລິສັດເອກກະຊົນຍີ່ປຸ່ນໄດ້ໃຫ້ຄວາມສົນໃຈ ທີ່ຈະເຂົ້າມາລົງທຶນ
ໃນລາວຫຼາຍທີ່ສຸດນັ້ນ ກໍຄືພາກການກະເສດ ແລະອຸດສາຫະກໍາແປຮູບສິນຄ້າກະເສດ
ຕິດຕາມດ້ວຍພາກພະລັງງານ ການສຶກສາ ສາທາລະນະສຸກ ການຂຸດຄົ້ນແຮ່ທາດ ແລະ
ພາກບໍລິການຕາມລໍາດັບ.
ໂດຍລ່າສຸດ ກໍໄດ້ມີການຮ່ວມລົງທຶນພັດທະນາເຂດເສດຖະກິດພິເສດ ສະຫວັນ-ເຊໂນ
ລະຫວ່າງບໍລິສັດເຂດເສດຖະກິດພິເສດພະນົມເປັນຈໍາກັດ ຂອງເອກກະຊົນຍີ່ປຸ່ນ ກັບບໍ
ລິສັດນໍ້າທາກໍ່ສ້າງຂົວທາງຈໍາກັດ ແລະອົງການຄຸ້ມຄອງເຂດເສດຖະກິດພິເສດ ສະຫວັນ
-ເຊໂນ ທີ່ສ້າງຕັ້ງເປັນບໍລິສັດຮ່ວມລົງທຶນທີ່ໃສ່ຊື່ວ່າ ບໍລິສັດສະຫວັນ-ຍີ່ປຸ່ນຮ່ວມພັດທະນາ
ຈໍາກັດ ເພື່ອຮອງຮັບການລົງທຶນຂອງບັນດາບໍລິສັດເອກກະຊົນຈາກຍີ່ປຸ່ນເປັນສໍາຄັນ ຊຶ່ງ
ໃນນີ້ ກໍລວມເຖິງບໍລິສັດ Nikon, ບໍລິສັດ Log-Item ແລະບໍລິສັດ TOYOTA ດ້ວຍ.
ໃນການສຶກສາ ເພື່ອການພັດທະນາ ແລະການວາງແຜນຜັງ
ເມືອງໃໝ່ໃນເຂດເທດສະບານແລະເຂດເຊໂນເມືອງໃໝ່ ໃນ
ແຂວງສະຫວັນນະເຂດ.
ກຸ່ມບໍລິສັດ Nikken Sekkei ຈາກປະເທດຍີ່ປຸ່ນ ຊຶ່ງເປັນບໍລິສັດເອກກະຊົນທີ່ມີຄວາມຊໍານານໃນການວາງແຜນ ແລະອອກແບບການພັດທະນາເຂດເມືອງໃໝ່ໃນລະດັບສາ ກົນ ໄດ້ສົ່ງຄະນະຜູ້ຕາງໜ້າຂອງບໍລິສັດໄປນໍາສະເໜີແຜນການພັດທະນາເຂດເມືອງຕໍ່ທ່ານ ສຸພັນ ແກ້ວມີໄຊ ເຈົ້າແຂວງ ແລະເລຂາພັກແຂວງສະຫວັນນະເຂດ ຢ່າງເປັນທາງການເມື່ອບໍ່ດົນມານີ້.
ໂດຍການນໍາສະເໜີດັ່ງກ່າວ ທາງກຸ່ມບໍລິສັດ Nikken Sekkei ໄດ້ໃຫ້ຄວາມສໍາຄັນ
ເປັນພິເສດ ທີ່ຈະໃຫ້ການຊ່ວຍເຫຼືອທາງການແຂວງສະຫວັນນະເຂດໃນການສຶກສາ
ເພື່ອການວາງແຜນຜັງ ແລະການພັດທະນາເຂດເມືອງໃໝ່ໃນ 2 ພື້ນທີ່ດ້ວຍກັນ ກໍຄື
ເຂດເທດສະບານແຂວງສະຫວັນນະເຂດ ແລະເຂດເຊໂນເມືອງໃໝ່ ທີ່ຕັ້ງຢູ່ໃນເຂດ
ເມືອງອຸທຸມພອນ ເນື່ອງຈາກເຫັນວ່າ ທັງ 2 ພື້ນທີ່ດັ່ງກ່າວຈະມີຄວາມສໍາຄັນ ຢ່າງຍິ່ງຕໍ່
ການພັດທະນາ ທາງເສດຖະກິດ ລະຫວ່າງລາວກັບປະເທດເພື່ອນບ້ານ ໃນເຂດລຸ່ມແມ່
ນໍ້າຂອງ ໃນອະນາຄົດ.
ເພາະສະນັ້ນ ຈຶ່ງມີຄວາມຈໍາເປັນຢ່າງຍິ່ງ ທີ່ຈະຕ້ອງທໍາການສຶກສາເພື່ອວາງແຜນການພັດທະນາທັງສອງເຂດດັ່ງກ່າວນີ້ ຢ່າງລະອຽດແລະຮອບດ້ານ ໂດຍທີ່ສໍາຄັນ ກໍຄືການ ວາງແຜນ ການຈັດສັນແລະການນໍາໃຊ້ທີ່ດິນ ເຊັ່ນການຈັດສັນເຂດສະຖານທີ່ບໍລິການສາທາລະນະ ເຂດການຄ້າໃນຕົວເມືອງ ເຂດການຄ້າຢູ່ແຄມນໍ້າຂອງ ເຂດອາຄານສູງ ເຂດທີ່ພັກອາໄສ ເຂດບ້ານຈັດສັນຄົບວົງຈອນ ເຂດການສຶກສາ ເຂດໂຮງງານ ແລະເຂດສູນວິໄຈຄົ້ນຄວ້າເປັນຕົ້ນ.
ທັງນີ້ໂດຍສໍາລັບແຜນການພັດທະນາ ໃນເຂດເທດສະບານແຂວງສະຫວັນນະເຂດນັ້ນ ຈະມີເນື້ອທີ່ກວ້າງກວ່າ 7,000 ເຮັກຕ້າ ສ່ວນຢູ່ເຂດເຊໂນເມືອງໃໝ່ນັ້ນ ຈະມີເນື້ອທີ່ປະ
ມານ 300 ເຮັກຕ້າ ໂດຍຄາດວ່າ ທາງການແຂວງສະຫວັນນະເຂດ ຈະລົງນາມໃນຂໍ້ຕົກ
ລົງຕາມການສະເໜີຂອງກຸ່ມບໍລິສັດ Nikken Sekkei ດັ່ງກ່າວໃນໝໍ່ໆນີ້ ເນື່ອງຈາກການພັດທະນາທັງສອງເຂດດັ່ງກ່າວນີ້ ຖືເປັນສ່ວນສໍາຄັນຂອງການພັດທະນາເຂດເສດ ຖະກິດພິເສດສະຫວັນ-ເຊໂນ ທີ່ບໍລິສັດເອກກະຊົນຍີ່ປຸ່ນໄດ້ເຂົ້າມາລົງທຶນ ຫຼາຍຂຶ້ນນັບມື້ນັ້ນເອງ.
ກ່ອນໜ້ານີ້ ອົງການ ການຄ້າຕ່າງປະເທດແຫ່ງຍີ່ປຸ່ນ (JETRO) ກໍລາຍງານວ່າບໍລິສັດ
ເອກກະຊົນຂອງຍີ່ປຸ່ນ ຈະພາກັນຍ້າຍຖານການລົງທຶນຈາກຈີນ ແລະໄທ ເຂົ້າມາໃນລາວຫຼາຍຂຶ້ນ ໃນລະຍະຕໍ່ໄປນີ້ ໂດຍມີສາເຫດຈາກຄ່າແຮງງານທີ່ປັບຕົວສູງຂຶ້ນຢ່າງຕໍ່ເນື່ອງຢູ່ໃນປະເທດຈີນ. ສ່ວນຢູ່ໃນໄທ ກໍມີທັງບັນຫາໄພນໍ້າຖ້ວມ ແລະບັນຫາຂັດແຍ້ງ
ທາງການເມືອງ.
ເພື່ອເປັນການຕຽມພ້ອມ ຮອງຮັບການເຂົ້າມາລົງທຶນໃນ
ລາວຂອງບັນດາບໍລິສັດເອກກະຊົນຍີ່ປຸ່ນດັ່ງກ່າວ ອົງການ
JETRO ກໍມີກໍານົດການທີ່ຈະເປີດສໍານັກງານປະຈໍາລາວ
ຢູ່ນະຄອນວຽງຈັນ ໃນຕົ້ນປີ 2014 ຊຶ່ງຖືວ່າເປັນສ່ວນນຶ່ງ
ຂອງການຕົກລົງຮ່ວມມືໃນຫຼາຍໆດ້ານ ທີ່ໄດ້ມີຂຶ້ນໃນໂອ
ກາດທີ່ທ່ານ Shinzo Abe ນາຍົກລັດຖະມົນຕີຍີ່ປຸ່ນ ເດີນ
ທາງຢ້ຽມຢາມລາວ ຢ່າງເປັນທາງການໃນເດືອນພະຈິກ
2013 ທີ່ຜ່ານມາ ດັ່ງທີ່ທ່ານທອງສິງ ທໍາມະວົງ ນາຍົກລັດ
ຖະມົນຕີລາວ ໄດ້ຖະແຫຼງຢືນຢັນວ່າ:
“ສອງຝ່າຍໄດ້ເຫັນດີທີ່ຈະເປີດຫ້ອງການຜູ້ຕາງໜ້າ ອົງການການຄ້າສາກົນ JETRO ທີ່ນະຄອນຫຼວງວຽງຈັນ ໃນໄວໆນີ້ ຍີ່ປຸ່ນໄດ້ຢັ້ງຢືນທີ່ຈະສືບຕໍ່ໃຫ້
ການຊ່ວຍເຫຼືອທາງດ້ານທຶນຮອນ ເພື່ອຂະຫຍາຍອາຄານໂດຍສານຂອງ
ສະໜາມບິນວັດໄຕ ລະຍະ 3 ແລະໂຄງການເງິນກູ້ຢືມດອກເບ້ຍຕໍ່າ ເພື່ອ
ຫຼຸດຜ່ອນຄວາມທຸກຍາກ.”
ຂະແໜງການທີ່ ບັນດາບໍລິສັດເອກກະຊົນຍີ່ປຸ່ນໄດ້ໃຫ້ຄວາມສົນໃຈ ທີ່ຈະເຂົ້າມາລົງທຶນ
ໃນລາວຫຼາຍທີ່ສຸດນັ້ນ ກໍຄືພາກການກະເສດ ແລະອຸດສາຫະກໍາແປຮູບສິນຄ້າກະເສດ
ຕິດຕາມດ້ວຍພາກພະລັງງານ ການສຶກສາ ສາທາລະນະສຸກ ການຂຸດຄົ້ນແຮ່ທາດ ແລະ
ພາກບໍລິການຕາມລໍາດັບ.
ໂດຍລ່າສຸດ ກໍໄດ້ມີການຮ່ວມລົງທຶນພັດທະນາເຂດເສດຖະກິດພິເສດ ສະຫວັນ-ເຊໂນ
ລະຫວ່າງບໍລິສັດເຂດເສດຖະກິດພິເສດພະນົມເປັນຈໍາກັດ ຂອງເອກກະຊົນຍີ່ປຸ່ນ ກັບບໍ
ລິສັດນໍ້າທາກໍ່ສ້າງຂົວທາງຈໍາກັດ ແລະອົງການຄຸ້ມຄອງເຂດເສດຖະກິດພິເສດ ສະຫວັນ
-ເຊໂນ ທີ່ສ້າງຕັ້ງເປັນບໍລິສັດຮ່ວມລົງທຶນທີ່ໃສ່ຊື່ວ່າ ບໍລິສັດສະຫວັນ-ຍີ່ປຸ່ນຮ່ວມພັດທະນາ
ຈໍາກັດ ເພື່ອຮອງຮັບການລົງທຶນຂອງບັນດາບໍລິສັດເອກກະຊົນຈາກຍີ່ປຸ່ນເປັນສໍາຄັນ ຊຶ່ງ
ໃນນີ້ ກໍລວມເຖິງບໍລິສັດ Nikon, ບໍລິສັດ Log-Item ແລະບໍລິສັດ TOYOTA ດ້ວຍ.
