ລິ້ງ ສຳຫລັບເຂົ້າຫາ

ສານຍິ່ປຸ່ນ ປະຕິເສດ ຕໍ່ການຟ້ອງ ຂອງບໍລິສັດ Apple


ໂທລະສັບມືຖື Samsung Electronics' Galaxy S III (R) ແລະ Apple's iPhone 4S ທີ່ວາງຂາຍຢູ່ຮ້ານຄ້າແຫ່ງນຶ່ງ ໃນກຸງໂຊລ.
ບໍລິສັດ Apple ​ໄດ້​ເສຍ​ໄຊ​ ​ໃນ​ຮອບ​ຫຼ້າສຸດ​ ຂອງ​ການ​ຕໍ່ສູ້​ດ້ານ​ກົດໝາຍລະດັບໂລກ ກັບ​ບໍ​ລິດ​ສັດ Samsung ຂອງ​ເກົາຫລີ​ໃຕ້ ທີ່​ເປັນ​ຄູ່​ແຂ່ງ.

ສານ​ຍີ່ປຸ່ນແຫ່ງ​ນຶ່ງ ໄດ້​ຕັດສິນ​ໃນ​ວັນ​ສຸກ​ນີ້​ວ່າ ບໍລິສັດ Samsung ບໍ່​ໄດ້​ລັກຂະ ​ໂມ​ຍເອົາເທັກ​ໂນ​ໂລ​ຈີ ທີ່​ໃຊ້​ຢູ່​ໃນ iPhone ​ແລະ iPads ຂອງ​ບໍລິສັດ ​Apple ເພື່ອມາ​ຜະລິດ​ໂທລະສັບ smartphone ຮຸ້ນ Galaxy ​ແລະ​ຄອມ​ພິວ​ເຕີ້ tablet ຂອງ​ຕົນ.

ບໍລິສັດ Samsung ຊົມ​ເຊີຍ​ກັບການ​ປະຕິເສດຂອງສານ​ນະຄອນຫຼວງໂຕກ​ຽວ ​ຕໍ່​ການ​ກ່າວ​ອ້າງຂອງບໍລິສັດ Apple ​ໂດຍ​ກ່າວ​ວ່າ ມັນໃຫ້ການ​ຢືນຢັນ​ຕໍ່ “ທ່າທີ່ມີ​ມາ​ອັນ​ຍາວ​ນານ​ຂອງ​ຕົນ” ທີ່​ວ່າຜະລິດ​ຕະພັນ​ຂອງ​ຕົ​ນບໍ່​ໄດ້​ລະ​ເມີດ​ຊັບ​ສິນ ​ທາງ​ດ້ານເທັ​ກໂນ​ໂລ​ຈີຂອງບໍລິສັດ Apple. ບໍລິສັດ Apple ຍັງບໍ່​ທັນໄດ້​ໃຫ້ ຄວາມເຫັນ​ໃດໆ​ເທື່ອ ກ່ຽວກັບ ການ​ຕັດຄັ້ງ​ນີ້.

ການ​ຕັດສິນ​ໄດ້​ມີ​ຂື້ນນຶ່ງ​ອາທິ​ດຫລັງ​ຈາກ​ບໍລິສັດ Apple ທີ່​ມີ​ຫ້ອງການ​ຢູ່​ລັດ ຄາ​ລີ​ຟໍ
​ເນຍ ​ໄດ້ຊະນະ 1 ພັນ​ລ້ານ​ໂດ​ລາ​ໃນຄວາມ​ເສຍ​ຫາຍທີ່​ທາງ​ບໍລິສັດດັ່ງ ກ່າວ​ໄດ້​ຮັບ ຫລັງ​ຈາກສານ​ສະຫະ​ລັດພົບ​ວ່າ ບໍລິສັດ Samsung ​ໄດ້​ລອກ ​ແບບ​ເອົາຈຸດ​ສໍາຄັນ​ຂອງ​ໂທລະສັບ iPhone.
XS
SM
MD
LG