ລິ້ງ ສຳຫລັບເຂົ້າຫາ

ການເລືອກຕັ້ງທີ່ຍີ່ປຸ່ນ

  • ສິງ ບູຣົມມະວົງ

ການ​ເລືອກ​ຕັ້ງ​ເອົາ​ສະມາຊິກ​ສະພາ​ສູງ​ຍີ່ປຸ່ນ​ທ່ີ​ກຳລັງ​ດຳ​ເນີນ​ໄປ​ເຫັນ​ວ່າເປັນ​ການ​ລົງ​ປະຊາ​ມະຕິ​ກ່ຽວ​ກັບນາຍົກລັດຖະມຸນຕີ
ຄົນ​ໃໝ່ ທ່ານ Naato Kan ​ແລະ​ການ​ດຳຣົງຕຳ​ແໜ່​ງມາ​ເປັນ​ເວລາ 10 ​ເດືອນ​ຂອງພັກ​ການ​ເມືອງ​ຂອງ​ທ່ານ.

ບັນດາ​ຜູ້​ປ່ອນ​ບັດ​ໄດ້​ເລີ້ມ​ອອກ​ໄປ​ປ່ອນ​ບັດ​ເລືອກ​ຕັ້ງ​ໃນ​ວັນ​ອາທິດ​ມື້​ນີ້ເອົາ​ພວກ​ສະມາຊິກ​ສະຫາ​ສູງ​ໃນ​ຈຳນວນ​ເຄ່ິງນຶ່ງ

ຂອງ​ຈຳນວນ​ບ່ອນ​ນັ່ງ​ທັງໝົດ 242 ບ່ອນ​ນັ່ງ​ໃນ​ສະພາ​ສູງ​ນັ້ນ.

ການ​ສະໜັບສະໜຸນ​ພັກ​ປະຊາທິປັດ​ນິຍົມ​ແນວທາງປານ​ກາງ​ອຽງ​ຊ້າຍຂອງ​ລັດຖະບານ​ປົກຄອງ​ປະ​ເທດ​ໃນ​ປັດຈຸບັນ

ໄດ້​ເພີ່ມ​ຂຶ້ນ​ຫລັງ​ຈາກ​ທ່ານ​ກັນ​ຂຶ້ນ​ດຳຣົງຕຳ​ແໜ່​ງນາຍົກລັດຖະມຸນຕີ​ໃນ​ເດືອນ​ແລ້ວ​ນີ້ ​ແຕ່​ໄດ້ຫລຸດ​ລົງ​ຢ່າງ​ໄວ​ຫລັງ​ຈາກ​ຜູ້ນຳ​ຄົນ​ໃໝ່​
ສະ​ເໜີ​ໃຫ້​ຂຶ້ນ​ອັດຕາ​ພາສີ​ການ​ຄ້າເປັນ​ສອງ​ເທົ່າ​ຈາກ 5 ​ເປີ​ເຊັນ​ຂຶ້ນ​ເປັນ10 ​ເປີ​ເຊັນ ​ເພື່ອຊ່ອຍ​ລົດ​ຜ່ອນໜີ້​ສິນ​ຂອງ​ຊາດ​ລົງ​ນັ້ນ.

ໃນ​ການ​ໂຄສະນາ​ຫາ​ສຽງ​ເລືອກ​ຕັ້ງ​ມື້​ສຸດ​ທ້າຍ​ຂອງ​ທ່ານ​ໃນ​ວັນ​ເສົາວານ​ນີ້ ນາຍົກລັດຖະມຸນຕີ ກັນ ກ່າວ​ວ່າ ຈະ​ບໍ່​ມີ​ການ​ຂຶ້ນພາ
ສີການຄ້າ​ໂດຍ​ບໍ່​ຣັບສຽງ​ສະໜັບສະໜຸນ​ຫລື​ມອບ​ໝາຍ​ອຳນາດ​ຈາກ​ປະຊາຊົນ​ໃນ​ການ​ເລືອກ​ຕັ້ງ​ເອົາ​ສະມາຊິກ​ສະພາ​ຕ່ຳ​ຫລື​ສະພາ
ແຫ່ງ​ຊາດເທື່ອ​ໜ້າ​ຊຶ່ງ​ກຳນົດ​ຈະ​ມີ​ຂຶ້ນ​ໃນ​ທ້າຍ​ປີ2013 ນັ້ນ.

ຜູ້ນຳ​ພັກ​ພັກ​ຝ່າຍ​ຄ້ານ ຄື​ພັກ​ເສຣີປະຊາທິປັດ ກ່າວ​ວ່າ ນາຍົກລັດຖະມຸນຕີ​ບໍ່​ມີ​ຈິນຕະນາການ​ຫລື​ມີ​ທັດສະນະ​ວິ​ໄສ​ທ່ີ​ຈະ​ແຈ້ງ

ກ່ຽວ​ກັບ​ວິທີ​ທ່ີຈະ​ຟື້ນ​ຟູ​ລະບົບ​ການ​ເງິນ​ຂອງ​ຍ່ີປຸ່ນ​ຄືນ​ໃນ​ຂະນະ​ດຽວ​ກັນ​ປົກ​ປ້ອງ​ການດຳລົງ​ຊີວິດ​ຂອງ​ປະຊາຊົນ​ຂອງ​ຕົນ.

XS
SM
MD
LG