ລິ້ງ ສຳຫລັບເຂົ້າຫາ

ຍີ່ປຸ່ນສະກັດກັ້ນ ເຮືອຫາປາຂອງຈີນ ຢູ່ໃກ້ເກາະ Okinawa


ເຣືອລາດຕະເວນຂອງໜ່ວຍທະຫານຍາມຝັ່ງທະເລຍີ່ປຸ່ນ ເຂົ້າໄປປສະກັດກັ້ນເຮືອຈີນ (ຊ້າຍ) ຊຶ່ງຢູ່ປະມານ 150 ກິໂລແມັດ ຫ່າງຈາກໝູ່ເກາະໃນທະເລຈີນ ຕາເວັນອອກທີ່ມີບັນຫາຂັດແຍ້ງກັນນັ້ນ ໃນວັນທີ 2 ກຸມພາ 2013.
ໜ່ວຍທະຫານຍາມຝັ່ງທະເລຍີ່ປຸ່ນ ໄດ້ເຂົ້າສະກັດກັ້ນເຮືອ
ຫາປາຂອງຈີນລໍານຶ່ງ ຢູ່ໃກ້ເກາະ Okinawa ທາງພາກໃຕ້
ຂອງປະເທດ ແລະໄດ້ກັກຂັງກັບຕັນເຮືອລໍາດັ່ງກ່າວໄວ້ ໃນ
ຖານສົງໄສວ່າ ທໍາການຫາປາໂດຍບໍ່ໄດ້ຮັບອະນຸຍາດ ຢູ່ໃນ ເຂດເສດຖະກິດທີ່ເປັນສິດຜູກຂາດຂອງຍີ່ປຸ່ນ.

ໜ່ວຍທະຫານຍາມຝັ່ງທະເລຍີ່ປຸ່ນເວົ້າວ່າ ຕົນໄດ້ເຂົ້າໄປສະ
ກັດກັ້ນເຮືອຈີນ ຢູ່ປະມານ 40 ກິໂລແມັດ ຫ່າງຈາກຊາຍຝັ່ງ
ທະເລຂອງເກາະ Miyaki ຫລື ປະມານ 150 ກິໂລແມັດ ຫ່າງ ຈາກໝູ່ເກາະໃນທະເລຈີນຕາເວັນອອກ ທີ່ຖືກອ້າງເອົາກໍາມະ
ສິດໂດຍຈີນ, ຍີ່ປຸ່ນ ແລະໄຕ້ຫວັນນັ້ນ. ທະຫານຍາມຝັ່ງທະເລ
ເວົ້າວ່າ ເຮືອຈີນລໍານັ້ນ ແມ່ນມີລູກເຮືອຢູ່ 13 ຄົນ.

ບັນຫາຂັດແຍ້ງທີ່ຝົດເດືອດອ່ອນໆມາເປັນເວລາດົນນານ ກ່ຽວກັບອໍານາດໃນການຄວບ ຄຸມໝູ່ເກາະ ທີ່ຍີ່ປຸ່ນເອີ້ນວ່າ Senkaku ແລະຈີນເອີ້ນວ່າ Daioyu ນັ້ນ ໄດ້ເພີ້ມທະວີ ຮ້າຍແຮງຂຶ້ນໃນຊຸມເດືອນໝໍ່ໆມານີ້ ໃນຂະນທີ່ຈີນພະຍາຍາມຈະຢືນຢັນກໍາມະສິດຂອງ ຕົນໃນຂົງເຂດອັນກວ້າງໃຫຍ່ ຢູ່ໃນເຂດທະເລຈີນໃຕ້ ແລະຕາເວັນອອກ.

ທັງສອງຝ່າຍຕ່າງກໍໄດ້ຮີບຮ້ອນສົ່ງຍົນລົບອາຍພົ່ນ ແລະເຮືອຂອງຕົນ ອອກລາດຕະເວນ ຢູ່ໃນເຂດດັ່ງກ່າວ ໃນຂະນະທີ່ຄວາມເຄັ່ງຕຶງ ໄດ້ເພີ້ມທະວີຂຶ້ນ.

ໃນວັນເສົາວັນນີ້ ນາຍົກລັດຖະມົນຕີຍີ່ປຸ່ນ ທ່ານ Shizo Abe ກ່າວຕໍ່ສະມາຊິກຂອງໜ່ວຍ
ທະຫານຍາມຝັ່ງທະເລຢູ່ເກາະ Okinawa ວ່າ ຍີ່ປຸ່ນຈະປົກປ້ອງໝູ່ເກາະທີ່ເປັນບັນຫາ
ຂັດແຍ້ງກັນດັ່ງກ່າວ ໃຫ້ເຖິງທີ່ສຸດ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG