ລິ້ງ ສຳຫລັບເຂົ້າຫາ

ປະຊາຊົນ 4 ຄົນ​ເສຍ​ຊີວິດ ​ຫຼັງ​
ຈາກ​ລົມພາຍຸ​ທີ່​ມີ​ຄວາມ​ແຮງ​ລູກ
​ນຶ່ງ​ປະ​ທະ​ຍີ່ປຸ່ນ​ໃນ​ວັນ​ອັງຄານ
​ວານ​ນີ້ ​ເຮັດ​ໃຫ້​ພວກ​ວົງ​ການ
​ທຸລະ​ກິດ​ຈໍາ​ເປັນ​ຕ້ອງ​ອັດ​ລົງ ​
ແລະ​ສ້າງ​ຄວາມ​ຫຍຸ້ງ​ຍາກໃຫ້
​ແກ່​ການ​ບໍລິການ​ດ້ານ​ການເດີນ
ທາງ​ທາງ​ອາກາດ​ແລະ​ທາງ​ລົດ​ໄຟ.

ລົມພາຍຸ​ທີ່​ມີ​ຄວາມ​ແຮງ​ເທົ່າກັບ
​ພາຍຸ​ໄຕ້​ຝຸ່ນ ​ໄດ້​ພັດປະ​ທະ​ເກາະ
​ໃຫຍ່ Honshu ດ້ວຍ​ລົມ​ແຮງ​
ເຖິງ 144 ຫຼັກ​ກິ​ໂລ​ແມັດ​ຕໍ່​ຊົ່ວ
​ໂມງ. ບັນດາ​ບໍລິສັດ​ຂົນສົ່ງ​ທາງ
​ອາກາດ​ຊັ້ນ​ນໍາ​ຂອງ​ປະ​ເທດ ຄືສາຍ​ການບິນ​ຍີ່ປຸ່ນ ​ແລະ​ສາຍການບິນ All Nippon
Airways ​ໄດ້​ລົບ​ລ້າງ​ຖ້ຽວ​ບິນ​ຫຼາຍ​ຮ້ອຍ​ຖ້ຽວພາຍ​ໃນ​ປະ​ເທດ​ແລະ​ລະຫວ່າງ​ປະ​ເທດ
ຂະນະ​ດຽວ​ກັນ​ການ​ຂົນ​ສົ່ງທາງ​ລົດ​ໄຟ​ກໍ​ໄດ້​ງົດ​ລົງ​ໃນ​ທົ່ວ​ເກາະ.

ນອກ​ນັ້ນ ​ລົມພາຍຸ​ລູກ​ນີ້​ຍັງ​ໄດ້​ຕັດກະ​ແສໄຟຟ້າ​ສໍາລັບ​ລະບົບ​ທໍາ​ຄວາມເຢັນ​ຢູ່​ສາງ​ເກັບ​
ເຊື້ອ​ໄຟ​ ທີ່​ໂຮງ​ໄຟຟ້າ​ນີວ​ເຄລຍ​ໃນ​ພາກ​ເໜືອ​ຂອງຍີ່ປຸ່ນ​ ເຊ່ນ​ກັນ ​ແຕ່​ບໍລິສັດ Tohoku
Electric Power ທີ່​ເປັນ​ເຈົ້າຂອງ​ໂຮງໄຟຟ້າ​ແຫ່ງ​ນີ້​ກ່າວ​ວ່າ ກະ​ແສໄຟຟ້າໄດ້​ກັບຄືນ
ມາ ​ປະມານ 30 ນາທີ ຕໍ່​ມາ. ວິ​ກິດ​ການ​ນີວເຄລຍ​ໃນ​ປີ​ແລ້ວ​ນີ້ ​ໄດ້​ເກີດ​ຂຶ້ນ​ເວລາ​ຄື້ນ
ຟອງ​ສຸ​ນາ​ມິ ຕັດ​ກະ​ແສ​ໄຟຟ້າສໍາລັບ​ແລ່ນ​ລະບົບ​ທໍາ​ຄວາມ​ເຢັນ​ທີ່​ໂຮງ​ໄຟຟ້າ​ນີວ​ເຄລຍ
Fukushima ຊຶ່ງ​ຍັງ​ຜົນ​ເຮັດ​ໃຫ້​ເຄື່ອງ​ປະຕິ​ກອນ​ນີວ​ເຄລຍ 3 ​ໜ່ວຍ​ໃນ​ໂຮງ​ໄຟຟ້າດັ່ງ
ກ່າວ ​ລະລາຍ​ລົງ.

ປະຊາຊົນ 2 ຄົນ​ເສຍ​ຊີວິດ​ໃນ​ຕຶກ​ອາຄານ​ທີ່​ພັງ​ທະລາ​ຍລົງ​ມາທັບ​ໃນ​ພາກເໜືອ​ແລະ​
ພາກ​ໃຕ້​ຂອງ​ຍີ່ປຸ່ນ. ພວກ​ຄົນ​ອື່ນໆທີ່​ໄດ້​ເສຍ​ຊີວິດ​ໄປກໍ​ມີຊາຍ​ສູງ​ອາຍຸ​ຄົນ​ນຶ່ງ​ທີ່​ຕົກລົງ
ມາ​ຈາກ​ຫຼັງຄາ​ເຮືອນ ​ແລະຍິງ​ສາວຄົນນຶ່ງ​ຖືກ​ຕົ້ນ​ໄມ້​ຫັກ​ລົງ​ທັບຕາຍ.

ພວກ​ພະຍາກອນ​ອາກາດ​ກ່າວ​ວ່າ ລົ​ມພາຍຸ​ລູກ​ນີ້ໄດ້​ເຄື່ອນ​ໄຫວ​ເຂົ້າ​ໄປ​ຍັງ​ຫຼາຍເຂດ​
ໃນ​ພາກ​ເໜືອ​ຂອງ​ຍີ່ປຸ່ນ​ໃນ​ວັນ​ພຸດ​ມື້​ນີ້.

XS
SM
MD
LG