ຍີ່ປຸ່ນກ່າວວ່າ ກິດຈະການແບບຮຸກຮານທາງທະເລຂອງຈີນ ຢູ່
ໃນເຂດທະເລຈີນຕາເວັນອອກ ແມ່ນຮວມຢູ່ໃນການຂົ່ມຂູ່ທີ່ສຳ
ຄັນຕ່າງໆຕໍ່ຄວາມປອດໄພຂອງປະເທດ ໃນຂະນະທີ່ນາຍົກ
ລັດຖະມົນຕີ Shinzo Abe ຊຸກຍູ້ ໃຫ້ມີການຮັບຜ່ານ ມາດຕະ
ການຕ່າງໆ ທີ່ແນໃສ່ເພື່ອຂະຫຍາຍບົດບາດຂອງກອງທັບຍີ່ປຸ່ນ.
ຢູ່ໃນລາຍງານການທົບທວນດ້ານປ້ອງກັນປະເທດປະຈຳປີ ທີ່
ນຳອອກເຜີຍແຜ່ ໃນວັນອັງຄານມື້ນີ້ ກະຊວງປ້ອງກັນປະເທດຍີ່
ປຸ່ນ ໄດ້ປະນາມການພັດທະນາ ບໍ່ນຳ້ມັນ ແລະແກັສທຳມະຊາດ
ສຳຮອງໃຕ້ທະເລຂອງປັກກິ່ງ ຢູ່ໃນເຂດທະເລ ຈີນຕາເວັນອອກ
ພ້ອມທັງເພີ້ມການມີໜ້າທາງທະຫານ ຢູ່ໃກ້ກັບບັນດາໝູ່ເກາະ
ທີ່ ຍີ່ຢຸ່ນຄອບຄອງ ແຕ່ຍັງອ້າງເອົາກຳມະສິດໂດຍຈີນ.
ລາຍງານສະບັບນີ້ໄດ້ປະນາມກິດຈະການຕ່າງໆຂອງຈີນ ຢູ່ໃນເຂດທະເລຈີນໃຕ້ ທີ່ອຸດົມ
ສົມບູນໄປດ້ວຍຊັບພະຍາກອນທຳມະຊາດບ່ອນທີ່ຈີ້ນເລີ້ມສ້າງເກາະທຽມ ຫລາຍໆເກາະ
ຊຶ່ງການເຄື່ອນໄຫວດັ່ງກ່າວໄດ້ເຮັດໃຫ້ເຮັດໃຫ້ຄວາມເຄັ່ງຕຶງເພີ້ມ ທະວີຂຶ້ນລະຫວ່າງປັກ
+ກິ່ງ ແລະຫລາຍໆປະເທດເພື່ອນບ້ານ ໃນເຂດເອເຊຍຕາເວັນອອກ.
ລາຍງານສະລຸບວ່າ “ຈີນ ໂດຍສະເພາະແລ້ວ ໃນການຂັດແຍ້ງກ່ຽວກັບເລື້ອງ ທະເລນີ້
ຍັງສືບຕໍ່ປະຕິບັດງານໃນແບບທີ່ມີຄວາມໝັ້ນໃຈຫຼາຍຂຶ້ນ ຮວມທັງການພະຍາຍາມບີບ
ບັງຄັບເພື່ອໃຫ້ມີການປ່ຽນແປງສະພາບການທີ່ເປັນຢູ່ໃນປັດຈຸບັນ ແລະພ້ອມແລ້ວທີ່
ຈະປະຕິບັດຕາມຄວາມຮຽກຮ້ອງຕ້ອງການຂອງຕົນ ແຕ່ຝ່າຍດຽວຕາມລຳພັງ ໂດຍ
ປາດສະຈາກການປະນີປະນອມໃດໆ.”
ນອກນັ້ນ ກະຊວງປ້ອງກັນປະເທດຍີ່ປຸ່ນ ຍັງລະບຸວ່າ ໂຄງການລູກສອນໄຟ ນິວເຄລຍ
ຂອງເກົາຫລີເໜືອ ຍັງເປັນການຂົ່ມຂູ່ຕໍ່ຢີ່ປຸ່ນດ້ວຍ.
