ຈຳນວນຜູ້ທີ່ເສຍຊີວິດ ໃນເຫດພູໄພລະເບີດຂຶ້ນຢ່າງໃຫຍ່ເມື່ອ
ວັນເສົາຜ່ານມາຢູ່ພາກກາງຂອງຍີ່ປຸ່ນນັ້ນໄດ້ເພີ້ມຂຶ້ນເປັນຮອດ
48 ຄົນແລ້ວ ຫຼັງຈາກພວກເຈົ້າໜ້າທີ່ກູ້ໄພໄດ້ຊອກເຫັນອີກ 12
ສົບ ໃນວັນພຸດມື້ນີ້.
ບັນດາເຈົ້າໜ້າທີ່ແຂວງ Nagano ກ່າວວ່າ ສົບເຫລົ່ານັ້ນ ແມ່ນ
ພົບເຫັນຢູ່ໃກ້ໆ ກັບຈອມພູ Ontake ທີ່ປົກຄຸມໄປດ້ວຍຂີ້ເຖົ່າ
ຊຶ່ງເປັນ ບ່ອນທີ່ເຕັມໄປດ້ວຍພວກນັກປີນພູ ໃນເວລາທີ່ພູໄຟ
ລະເບີດຂຶ້ນ.
ຕຳຫລວດ ແລະທະຫານຫຼາຍຮ້ອຍຄົນ ທີ່ນຳໃຊ້ເຮລິຄອບເຕີ
ຊ່ວຍເຫຼືອ ຍັງສືບຕໍ່ຊອກຫາຢູ່ຕາມພູໄຟນັ້ນ. ພວກເຈົ້າໜ້າທີ່ເຊື່ອວ່າ ຍັງມີຜູ້ຫາຍສາບ
ສູນຢູ່ ແຕ່ບໍ່ຮູ້ຈຳນວນຕົວເລກ ວ່າມີຈັກຄົນ.
ຫຼາຍຮ້ອຍຄົນ ໄດ້ຕົກຄ້າງຢູ່ເທິງຈອມພູໄຟ ຫຼັງຈາກມັນໄດ້ລະເບີດຂຶ້ນໃນວັນເສົາຜ່ານມາໂດຍບໍ່ມີສັນຍານເຕືອນໃດໆເລີຍ ໃນເວລາປະມານ ຕອນທ່ຽງ ຕາມເວລາທ້ອງຖິ່ນ.
ພວກນັກປີນພູສ່ວນໃຫຍ່ ໄດ້ຫາທາງ ກັບລົງມາ ໃນຕອນແລງວັນເສົານັ້ນ.
