ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ຍີ່ປຸ່ນຈະຊ່ວຍຫວຽດນາມ ສ້າງໂຮງໄຟຟ້ານີວເຄລຍ


ນາຍົກລັດຖະມົນຕີຍີ່ປຸ່ນ ທ່ານ Naoto Kan ຈັບມືກັບທ່ານຫງຽນຕັນດຸງ ນາຍົກລັດຖະມົນຕີຫວຽດນາມ ທີ່ນະຄອນຫລວງຮາໂນຍ, ວັນທີ 31 ຕຸລາ 2010
ນາຍົກລັດຖະມົນຕີຍີ່ປຸ່ນ ທ່ານ Naoto Kan ຈັບມືກັບທ່ານຫງຽນຕັນດຸງ ນາຍົກລັດຖະມົນຕີຫວຽດນາມ ທີ່ນະຄອນຫລວງຮາໂນຍ, ວັນທີ 31 ຕຸລາ 2010

ນາຍົກ​ລັດຖະມົນຕີຂອງ​ຍີ່ປຸ່ນ​ແລະ​ຂອງ​ຫວຽດນາມ ​ປະກາດ​ໃຫ້​ຮູ້​ໃນ​ວັນອາທິດ​ມື້​ນີ້​ວ່າ ພວກ​ທ່ານ​ຈະ​ທໍາ​ການ​ຮ່ວມ​ໄມ້​ຮ່ວມ​ມື​ກັນ ​ໃນ​ການ​ກໍ່ສ້າງໂຮງ​ໄຟຟ້າ​ນີວ​ເຄລຍ​ແຫ່ງ​ນຶ່ງ​ ແລະ​ການ​ຂຸດ​ຄົ້ນ​ບໍ່​ແຮ່​ທີ່​ຫາ​ຍາກ​ໃນ​ຫວຽດນາມ​ນັ້ນ.

ຫລັງ​ຈາກ​ທໍາ​ການ​ພົບ​ປະ​ຫາລື​ກັນ​ຢູ່​ຂ້າງ​ນອກ​ກອງ​ປະຊຸມ​ອາ​
ຊ່ຽນ​ທີ່​ນະຄອນຫລວງຮາ​ໂນ​ຍ ທ່ານ​ Naoto Kan ນາຍົກ
ລັດຖະມຸນຕີຍີ່ປຸ່ນ​ແລະ​ທ່ານ Nguyen Tan Dung ຄູ່​ຕໍາ
ແໜ່​ງຈາກ​ຫວຽດນາມ ກ່າວ​ວ່າ​ ຍີ່ປຸ່ນ​ໄດ້ຖືກ​ເລືອກ​ໃຫ້​ເປັນ
ປະ​ເທດ​ຊ່ອຍ​ກໍ່ສ້າງ​ໂຮງ​ໄຟຟ້າ​ນີວ​ເຄລຍ​ແຫ່ງ​ທີ​ສອງຂຶ້ນ ​ໃນ​ຫວຽດນາມ.

ຫວຽດນາມ​ວາງ​ແຜນ​ຈະ​ເລີ້ມ​ກໍ່ສ້າງ​ໂຮງ​ໄຟຟ້າ​ນີວ​ເຄລຍ​ແຫ່ງ​ທໍາ​ອິດຂອງ​ຕົນ​ຂຶ້ນ​ໃນ​ປີ 2014 ດ້ວຍ​ການ​ຊ່ອຍ​ເຫລືອ​ຈາກຣັດ​ເຊຍ.

ນອກ​ນັ້ນ​ ສອງ​ປະ​ເທດ​ຍັງ​ໄດ້​ກ່າວ​ຢູ່​ໃນ​ຖະ​ແຫລ​ງການ​ຮ່ວມ​ສະບັບ​ນຶ່ງວ່າ​ ພວກ​ຕົນ​ຈະ​ຮ່ວມ​ແຮງ​ກັນ​ເພື່ອ​ທໍາ​ການ​ບຸກ​ເບີກ ຂຸດຄົ້ນ ພັດທະນາ ​ແລະ​ຜະລິດ​ແຮ່​ທາດ​ທີ່​ຫາ​ຍາກ ຢູ່​ໃນ​ຫວຽດນາມນັ້ນ.

ຍີ່ປຸ່ນ​ກໍາລັງ​ປະ​ເຊີນ​ກັບ​ການ​ຂາດ​ແຄນ​ແຮ່​ທາດ​ທີ່​ຫາ​ຍາກ​ນີ້ ຫລັງ​ຈາກ​ຈີນ​ຕັດ​ການ​ສົ່ງ​ແຮ່​ທາດ​ດັ່ງກ່າວໃຫ້​ຕົນ​ລົງ.

XS
SM
MD
LG