ລິ້ງ ສຳຫລັບເຂົ້າຫາ

ຕະຫຼາດປາທີ່ໃຫຍ່ທີ່ສຸດຂອງຍີ່ປຸ່ນ ໄດ້ເລີ້ມຕົ້ນປີໃໝ່ ດ້ວຍ
ການຂາຍປາໃນລາຄາແພງເປັນປະວັດການໂດຍໄດ້ທຳການ
ປະມູນປາທູນາ Bluefin ໂຕນຶ່ງໃນລາຄາເກືອບ 400,000
ໂດລາ.

ໄດ້​ມີ​ການ​ຈ່າຍລາຄາທີ່ສູງເປັນປະວັດການດັ່ງກ່າວໃນການ
ປະມູນຊື້ປາທູນາໂຕນຶ່ງ ໜັກ 342 ກິໂລ ໃນວັນພຸດມື້ນີ້ທີ່
ຕະຫຼາດປາ Tsukiji ໃນກຸງໂຕກຽວ ຊຶ່ງໝາຍຄວາມວ່າຜູ້
ຊື້ໄດ້ຈ່າຍເງິນຫຼາຍກວ່າ 1,000 ໂດລາ ຕໍ່ປານຶ່ງກິໂລ.

ການຊື້ປາໃນລາສູງເປັນປະວັດການກ່ອນໜ້ານີ້ໄດ້ມີຂຶ້ນໃນ
ປີ 2001 ສໍາລັບປາທູນາໂຕ​ນຶ່ງໜັກ 202 ກິໂລທີ່ໄດ້ຂາຍກັນໃນລາຄາ 250,000 ໂດລາ.

ປາທູນາ Bluefin ເປັນປາທີ່ມີລາຄາແພງ​ເປັນພິເສດ​ເພາະ​ເປັນ​ປາ​ໂອຊາ​ລົດໃຊ້ໃນການເຮັດ
Sushi ຫລືປາດິບຍີ່ປຸ່ນ ທີ່ໄດ້ຮັບຄວາມນິຍົມເພີ່ມຂຶ້ນຢ່າງວ່ອງໄວ ຢູ່ໃນທົ່ວໂລກ.

XS
SM
MD
LG