ນາຍົກລັດຖະມົນຕີຍີ່ປຸ່ນ ໄດ້ໃຫ້ການອະນຸມັດ ກ່ຽວກັບການເລີ້ມປະຕິບັດງານ
ຜະລິດພະລັງງານນິວເຄລຍຄືນໃໝ່ ໂດຍຈັກໄຟຟ້ານິວເຄລຍສອງໜ່ວຍ ຊຶ່ງເປັນ
ຈັກໄຟຟ້ານິວເຄລຍຈຸທຳອິດ ທີ່ໄດ້ຮັບອະນຸຍາດໃຫ້ເປີດໃຊ້ຄືນນັບຕັ້ງແຕ່ໄດ້ຖືກ
ສັ່ງໃຫ້ປິດລົງຫລັງຈາກໄດ້ເກີດວິກິດການທີ່ໂຮງໄຟຟ້ານິວເຄລຍ Fuku-shima
ເມື່ອປີແລ້ວນີ້.
ນາຍົກລັດຖະມົນຕີ Yoshihiko Noda ໄດ້ປະກາດກ່ຽວກັບການຕັດສີນໃຈທີ່ຈະ
ເລີ້ມການປະຕິບັດງານ ຢູ່ທີ່ໂຮງໄຟຟ້ານິວເຄລຍ Ohi ທາງພາກຕາເວນຕົກຂອງ
ຍີ່ປຸ່ນ ໃນກອງປະຊຸມກັບບັນດາລັດຖະມົນຕີຄົນສໍາຄັນໃນວັນເສົານີ້.
ການຕັດສີນໃຈ ທີ່ຈະເລີ້ມແລ່ນຈັກໄຟຟ້ານິວເຄລຍຄືນໃໝ່ ໄດ້ມີຂຶ້ນເພື່ອຫລີກລ້ຽງ
ການຂາດແຄນພະລັງໄຟຟ້າໃນລະດູຮ້ອນ. ປັດຈຸບັນນີ້ໂຮງໄຟຟ້ານີວເຄລຍ ທີ່ມີທັງ
ໝົດ 50 ແຫ່ງຢູ່ໃນປະເທດຍີ່ປຸ່ນ ໄດ້ຖືກປ່ອຍໄວ້ຊື່ ບໍ່ໄດ້ແລ່ນ.
ທ່ານ Junichi Sato ຜູ້ອໍານວຍການຂອງກຸ່ມ Green Peace ໃນຍີ່ປຸ່ນກ່າວໃນ
ຖະແຫລງຂ່າວສະບັບນຶ່ງ ເມື່ອອາທິດແລ້ວນີ້ວ່າ ບັນດາຜູ້ຊ່ຽວຊານ ບໍ່ແມ່ນພວກນັກ
ການເມືອງ ຄວນຈະເປັນຜູ້ຕັດສິນໃຈ ກ່ຽວກັບເລື້ອງຄວາມປອດໄພ. ທ່ານກ່າວວ່າ
ໂຮງໄຟຟ້ານິວເຄລຍ Ohi ຍັງບໍ່ປອດໄພ ເພາະວ່າ ການປັບປຸງດ້ານເທັກນິກທີ່ຈໍາເປັນ
ຫລາຍໆຢ່າງ ຍັງບໍ່ທັນໄດ້ປະຕິບັດໃຫ້ເປັນທີ່ຮຽບຮ້ອຍເທື່ອ.