ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ຍິ່ປຸ່ນ ຈະຈັດຕັ້ງ ລະບົບ ປ້ອງກັນນ່ານຟ້າ ເພື່ອຕອບໂຕ້ຈີນ


ນາຍົກລັດຖະມົນຕີຍີ່ປຸ່ນ ທ່ານ Shinzo Abe ກໍາລັງເດີນກວດ ແຖວທະ ຫານ ກ່ອນການປະຊຸມ ກັບລັດຖະມົນຕີປ້ອງກັນ ປະເທດ
ນາຍົກລັດຖະມົນຕີຍີ່ປຸ່ນ ທ່ານ Shinzo Abe ກໍາລັງເດີນກວດ ແຖວທະ ຫານ ກ່ອນການປະຊຸມ ກັບລັດຖະມົນຕີປ້ອງກັນ ປະເທດ
ຍີ່ປຸ່ນ ຈະ​ຕັ້ງ​ໜ່ວຍ​ທະຫານ ສ​ະ​ເທຶອ​ນນໍ້າ ສະ​ເທຶອນບົກ ​ແລະ​
ສົ່ງ​ເຮືອບບິນ​ທີ່​ບໍ່​ມີ​ຄົນ​ຂັບ ຂຶ້ນ​ບິນສັງ​ເກດ​ການ ​ໃນ​ຖານະ​ເປັນ
​ພາກສ່ວນ​ນຶ່ງ ​ຂອງແຜນການ​ປ້ອງ​ກັນ ຕອບ​ໂຕ້​ຕໍ່​ ອໍານາດທາງ
​ທະຫານທີ່​ນັບ​ມື້​ນັບ​ຂະຫຍາຍ​ໃຫຍ່​ຂຶ້ນ​ຂອງ​ຈີນ.

ຂໍ້ສະ​ເໜີ​ດັ່ງກ່າວ​ແມ່ນຮວມຢູ່​ໃນ​ຮ່າງ​ແຜນຍຸດ​ທະ​ສາດ​ດ້ານ​
ຄວາມ​ໝັ້ນ ຄົງ ​ແລະ​ຫລັກ​ຊີ້​ນໍາ​ດ້ານປ້ອງກັນ ສະບັບ​ໃໝ່ ທີ່ຖືກ
​ນໍາ​ອອກເຜີ​ຍແຜ່​ໃນ​ວັນ​ພຸດ​ມື້​ນີ້ ຊຶ່ງຄະນະ​ລັດຖະບານມີ​ກໍານົດ
​ຈະ​ຮັບຮອງ​ເອົາ ​ໃນ​ອາທິດ​ໜ້າ​ນີ້.

ນາຍົກລັດຖະມົນຕີ ຍີ່ປຸ່ນ ທ່ານ Shinzo Abe ກ່າວ​ວ່າ ​ແຜນການ
​ໃໝ່​ຈະ​ເປັນ “ຄັ້ງປະຫວັດສາດ” ​ໃນ​ການ​ຊ່ວຍ​ວາງ​ທິດທາງດ້ານ
ຄວາມ​ໝັ້ນຄົງແຫ່ງ​ຊາດ.

ຮ່າງ​ແຜນການດັ່ງກ່າວເຕືອນກ່ຽວ​ກັບ ອັນ​ທີ່​ຮ້ອງ​ວ່າ ​ເປັນຄວາມ
ພະຍາຍາມ​ຂອງຈີນ ​ເພື່ອປ່ຽນແປງສະຖານະ​ພາບ​ປັດຈຸບັນ ​ຢູ່​ໃນ
​ຂົງ​ເຂ​ດ​ໂດຍ​ການ​ໃຊ້​ກໍາລັງ. ເອກະສານ​ດັ່ງກ່າວ​ໄດ້​ເອີ່ຍຢ່າງ​ເຈາະ
​ຈົງ​ ​ເຖິງເຂດ​ປ້ອງ​ກັນ​ທາງ​ອາກາດ​ໃໝ່ຂອງ​ຈີນ ຢູ່​ທະ​ເລ​ຈີນ​ຕາ​ເວັນ
​ອອກ ທີ່ຮວມ​ທັງ​ໝູ່​ເກາະ ທີ່ຍີ່ປຸ່ນທວງ​ເອົາກໍາມະສິດ.

​ເພື່ອ​ຊ່ວຍ​ປ້ອງ​ກັນ​ຂົງ​ເຂດດັ່ງ​ກ່າວ ​ແຜນການ​ຕອບ​ໂຕ້​ຂອງ​ຍິ່ປຸ່ນ​ກໍານົດ ໃຫ້​ກໍ່​ຕັ້ງ ກໍາລັງ​
ສະ​ເທຶອນນໍ້າສະ​ເທຶອນບົກ ຂຶ້ນ​ຢູ່ຖານ​ທັບອາກາດ Naha ​ເທິງ​ເກາະ Okinawa ທາງ​
ພາກ​ໃຕ້. ແຜ​ນການ​ນີ້ຍັງ​ສະ​ເໜີ​ ​ໃຫ້ເອົາເຮືອບິນ​ທີ່​ບໍ່​ມີ​ຄົນ​ຂັບ​ເພື່ອ​ສັງ​ເກດ​ການ ​ແລະ
ເຮືອບິນ​ເຕືອນ​ໄພ​ລ່ວງ​ໜ້າ ​ໄປ​ປະ​ຈໍາ​ການຢູ່​ທີ່ຖານ​ທັບດັ່ງກ່າວ.
XS
SM
MD
LG