ລິ້ງ ສຳຫລັບເຂົ້າຫາ

site logo
ວັນອັງຄານ, 17 ພຶດສະພາ 2022

ຍີ່ປຸ່ນ ຮຽກທູດຈີນ ເຂົ້າພົບ ກ່ຽວກັບ ເລື້ອງເຮືອບິນ ເກືອບຕຳກັນ (ວີດີໂອ)


ເອກອັກຄະລັດຖະທູດຈີນ ປະຈຳຍີ່ປຸ່ນ Cheng Yonghua (ຊ້າຍ) ພາຍຫຼັງຈາກພົບປະກັບ ຮອງລັດຖະມົນຕີ ກະຊວງການຕ່າງປະເທດຍີ່ປຸ່ນ ຮັບຜິດຊອບ ເລື່ອງຕ່າງປະເທດ ທ່ານ Akitaka Saiki ຢູ່ທີ່ ກະຊວງການຕ່າງປະເທດ ໃນ ນະຄອນຫຼວງໂຕກຽວ.
ປະ​ເທດ​ຍີ່ປຸ່ນ ​ໄດ້​ຮຽກໂຕ​ເອກ​ອັກຄະ​ລັດຖະທູດ​ຈີນປະຈຳ​ຍີ່ປຸ່ນ
ເຂົ້າພົບ ​ເພື່ອ​ປະ​ທ້ວງ​ຕໍ່​ເຫດການ​ ທີ່​ເຮືອບິນລົບ​ອາຍ​ພົ່ນຈີນ
2 ລຳ ​ໄດ້​ບິນ​ເຂົ້າ​ໄປ “ໃກ້​ໆ ຢ່າງເປັນ​ອັນຕະລາຍ” ຕໍ່ເຮືອ
ບິນສັງເກດການຂອງຍີ່ປຸ່ນ​ 2 ລຳ ​ໃນ​ເຂດນ່ານຟ້າທະ​ເລ​ຈີນ
​ຕາ​ເວັນ​ອອກ.

​ກະຊວງ​ປ້ອງ​ກັນ​ປະ​ເທດ​ຂອງ​ຍີ່​ປຸ່ນ ກ່າວ​ວ່າ ເຮືອບິນລົບ​
ອາຍ​ພົ່ນຈີນ ດັ່ງກ່າວ ​ໄດ້ບິນເຂົ້າ​ໄປໃກ້ໆ ເຮືອບິນຍີ່ປຸ່ນ
ປະມານ 30 ​ແມັດ​ ເມື່ອ​ວັນ​ພຸດ​ວານ​ນີ້ ຢູ່​ໃນ​ເຂດນ່ານຟ້າ​
ທີ່​ທັງ​ສອງປະ​ເທດ​ຕ່າງກໍອ້າງ​ເອົາກຳ ມະສິດນັ້ນ. ​ເຫດການ
​ດັ່ງກ່າວ​ນີ້​ເປັນຄັ້ງທີ 2 ພາຍ​ໃນເວລາບໍ່ຮອດ 3 ອາທິດ​ຜ່ານ​ມາ.

ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ​ຍີ່​ປຸ່ນ Akitaka Saiki ກ່າວ​ວ່າ ​ໂຕກຽວ
“​ຂໍປະນາມເຫດການ​ດັ່ງກ່າວ” ​ ແລະ ຮຽກຮ້ອງ​ເຖິງ​ປັກ​ກິ່ງ ​ເອົາ​ບາດກ້າວ​ຕ່າງໆ​ທີ່​
ຮັບປະກັນ​ວ່າ ຄວາມ​ເຄັ່ງ​ຕຶງ​ທາງ​ທະ​ເລ​ທັງຫຼາຍຈະ​ບໍ່ເພີ້​ມຂຶ້ນຕື່ມ.

ທ່ານ Saiki ກ່າວວ່າ “ຈີນ ຕ້ອງ​ສະໜອງຕອບຢ່າງ​ຈິງຈັງ ​ຕໍ່ໍຂໍ້​ຮຽກ ຮ້ອງ​ ​ຊ້ຳ​ແລ້ວ​
ຊ້ຳອີກ ຂອງ​ຍີ່​ປຸ່ນ ​ເພື່ອ​ເຮັດ​ໃຫ້​ມີ​ການ​ປະຕິບັດ ​ໂດຍ ໄວເທົ່າທີ່ຈະໄວໄດ້ ​ກົນ​ໄກ​
ຢ່າງໃດຢ່າງນຶ່ງ​ໃນ​ການຕິດ​ຕໍ່ສື່ສານກັນ ທີ່​ອາດ​ຈະ​ປ້ອງ​ກັນ​ບໍ່​ໃຫ້​ເກີດການ​ຕຳ​ກັນ​
ລະຫວ່າງ ​ເຮືອບິນ​ຂອງ​ຍີ່ປຸ່ນ​ແລະ​ຈີນ ພ້ອມ​ກັນນັ້ນ ກໍປ້ອງ​ກັນ​ບໍ່​ໃຫ້​ມີ​ເຫດການ
​ຕ່າງໆທີ່​ຄາດ​ບໍ່​ເຖິງ​ເກີດ​ຂຶ້ນ.”


ຫລັງ​ຈາກ​ການ​ພົບ​ປະ​ກັບທ່ານ Saiki ​ໃນ​ວັນພະຫັດ​ມື້​ນີ້ແລ້ວ ເອກ​ອັກ ຄະ​ລັດຖະທູດ​ຈີນ
ປະຈຳ​ຍີ່ປຸ່ນ Cheng Yonghua ກ່າວ​ວ່າ ຈີນ​ບໍ່​ເຫັນພ້ອມ​ກັບ​ຍີ່​ປຸນ ທີ່ວ່າແມ່ນຫຍັງພາ
ໃຫ້ເກີດ​ເຫດການ​ດັ່ງກ່າວ.

​ເຫດການ​ບິນ​ໃກ້ກັນ​ໃນ​ຄວາມ​ໄວ​ສູງອີກ​ຄັ້ງ​ໜຶ່ງ ​ໄດ້​ເກີດ​ຂຶ້ນ​ໃນ​ບໍລິ​ເວນ​ດຽວ​ກັນນີ້ ​ເມື່ອວັນ
​ທີ 24 ພຶດສະພາ ຜ່ານ​ມາ ​ຕອນ​ທີ່​ຍີ່ປຸ່ນ​ກ່າວ​ວ່າ ເຮືອບິນ​ອາຍ​ພົ່ນຈີນ​ 2 ລຳ ໄດ້​ບິນ​ເຂົ້າ​
ໄປໃກ້ໆເຮືອບິນຍີ່​ປຸ່ນ.

ໂດຍ​ປົກກະຕິ​ແລ້ວ ທັງ​ສອງ​ປະ​ເທດ ​ໄດ້​ສົ່ງ​ບັນດາເຮືອບິນ​ ​ແລະ​ ເຮືອ​ຂອງ​ຕົນ​ເຂົ້າ​ໄປ
ໃກ້​ບໍລິ​ເວນ​ໝູ່​ເກາະ​ ທີ່​ມີ​ການ​ຂັດ​ແຍ້​ງກັນ​ ຢູ່​ໃນ​ທະ​ເລ​ຈີນ​ຕາ​ເວັນ​ອອກ ຊຶ່ງ​ສ້າງ​ຄວາມ​
ຢ້ານ​ວ່າ ​ຈະ​ເກີດການປະ​ທະ​ກັນ ຢ່າງບໍ່ຄາດຄິດ​ຂຶ້ນ.
JAPAN CHINA SOTVO
please wait
Embed

No media source currently available

0:00 0:01:05 0:00

ທ່ານອາດຈະມັກເລື້ອງນີ້ຄືກັນ

XS
SM
MD
LG