ຍີ່ປຸ່ນ ໄດ້ຮຽກໂຕ ເອກອັກຄະລັດຖະທູດຈີນ ທີ່ກຸງໂຕກຽວເຂົ້າ
ພົບ ຫລັງຈາກປັກກິ່ງ ໄດ້ສົ່ງເຮືອກຸ່ມນຶ່ງ ເຂົ້າໄປໃກ້ໆ ກັບໝູ່
ເກາະທີ່ເປັນບັນຫາໂຕ້ແຍ້ງກັນ ໃນທະເລຈີນຕາເວັນອອກ.
ໜ່ວຍຍາມຝັ່ງຂອງຍີ່ປຸ່ນ ກ່າວວ່າ ເຮືອຈາກໜ່ວຍປ້ອງກັນຊາຍ
ແດນທາງທະເລຂອງຈີນ 8 ລໍາ ໄດ້ແລ່ນເຂົ້າໄປໃນເຂດທີ່ເປັນ
ບັນຫາຖົກ ຖຽງໂຕ້ແຍ້ງ ໃກ້ກັບໝູ່ເກາະທີ່ບໍ່ມີຄົນຢູ່ດັ່ງກ່າວ ໃນ
ຕອນເຊົ້າຂອງວັນອັງຄານມື້ນີ້.
ໜ່ວຍຍາມຝັ່ງຍີ່ປຸ່ນກ່າວວ່າ ນີ້ແມ່ນການບຸກລຸກທີ່ໃຫຍ່ທີ່ສຸດ
ຈາກເຮືອລົບຈີນ ນັບຕັ້ງແຕ່ຄວາມເຄັ່ງຕຶງ ໄດ້ເພີ້ມທະວີຂື້ນ ໃນ
ເດືອນກັນຍາປີ ກາຍ ເວລາຍີ່ປຸ່ນ ໄດ້ຊື້ເກາະດອນຈໍານວນນຶ່ງ ຈາກບັນດາຜູ້ເປັນເຈົ້າຂອງເອກກະຊົນ.
ນັບແຕ່ນັ້ນມາ ປັກກິ່ງໄດ້ສົ່ງເຮືອແລະບາງຄັ້ງກໍແມ່ນເຮືອບິນ ໄປ ລາດຕະເວນເປັນປະຈຳ ໃນຄວາມພະຍາຍາມເພື່ອທ້າທາຍຍີ່ປຸ່ນທີ່ຄວບຄຸມ ບັນດາໝູ່ເກາະຍຸດທະສາດດັ່ງກ່າວນີ້.
ສະຖານນະການ ໃນວັນອັງຄານມື້ນີ້ ແມ່ນຍັງເປັນທີ່ສັບສົນ ໂດຍການປະກົດໂຕຂອງບັນດາເຮືອນ້ອຍ ຂອງພວກນັກເຄື່ອນໄຫວຍີ່ປຸ່ນ ທີ່ໄດ້ຮັບການຄຸ້ມກັນຈາກບັນດາເຮືອຂອງລັດຖະບານຍີ່ປຸ່ນ ຊຶ່ງເຂົາເຈົ້າກ່າວວ່າ ຈະພາກັນສໍາຫລວດໝູ່ເກາະດັ່ງກ່າວນີ້.
ຫ້ອງການຄຸ້ມຄອງມະຫາສະມຸດຂອງລັດຖະບານຈີນກ່າວວ່າ ເຮືອສາມລໍາຂອງຕົນໄດ້ “ອອກປະຕິບັດງານລາດຕະເວນຕາມປົກກະຕິ” ຢູ່ໃນບໍລິເວນດັ່ງກ່າວ ໃນວັນອັງຄານນມື້ນີ້ ໃນເວລາທີ່ພວກເຂົາເຈົ້າໄດ້ປະເຊີນໜ້າກັບເຮືອຍີ່ປຸ່ນຫລາຍລໍາ. ລາຍງານກ່າວອີກວ່າ ເຮືອຈີນອີກ 5 ລໍາໄດ້ຖືກສົ່ງໄປຍັງບໍລິເວນນັ້ນ ເພື່ອຮັບມືກັບສະຖານະການ.
ຍັງບໍ່ມີລາຍງານການປະທະກັນເທື່ອ. ອົງການຂ່າວຣອຍເຕີ້ ກ່າວວ່າ ໜ່ວຍຍາມຝັ່ງຍີ່ປຸ່ນ ໄດ້ບອກໃຫ້ພວກນັກເຄື່ອນໄຫວຖອນອອກຈາກບໍ ລິເວນດັ່ງກ່າວ ໃນເວລາທີ່ເຮືອຈີນເຂົ້າໄປໃກ້ໆ. ໂຕກຽວ ໄດ້ຮຽກໂຕ ເອກອັກຄະລັດຖະທູດຈີນປະຈໍາຍີ່ປຸ່ນເຂົ້າພົບຫຼັງຈາກເຫດການດັ່ງກ່າວ ໄດ້ເກີດຂຶ້ນ.
ໃນຂະນະດຽວກັນ ໃນວັນອັງຄານມື້ນີ້ ນາຍົກລັດຖະມົນຕີຍີ່ປຸ່ນ ທ່ານ Shinto Abe ໄດ້ກ່າວຢືນຢັດວ່າ ບັນດາໝູ່ເກາະດັ່ງກ່າວນີ້ຍັງຢູ່ພາຍໃຕ້ “ການຄວບຄຸມ” ຂອງຍີ່ປຸ່ນ. ໃນຄໍາປາໄສ ຕໍ່ບັນດາຜູ້ແທນສະພາ ແຫ່ງຊາດນັ້ນ ທ່ານໄດ້ປະກາດທີ່ຈະ “ຂັບໄລ່ ດ້ວຍກໍາລັງ” ຕໍ່ການຍົກ ພົນຂຶ້ນບົກໃດໆກໍຕາມຂອງຈີນ ຢູ່ທີ່ໝູ່ເກາະນີ້.
ພົບ ຫລັງຈາກປັກກິ່ງ ໄດ້ສົ່ງເຮືອກຸ່ມນຶ່ງ ເຂົ້າໄປໃກ້ໆ ກັບໝູ່
ເກາະທີ່ເປັນບັນຫາໂຕ້ແຍ້ງກັນ ໃນທະເລຈີນຕາເວັນອອກ.
ໜ່ວຍຍາມຝັ່ງຂອງຍີ່ປຸ່ນ ກ່າວວ່າ ເຮືອຈາກໜ່ວຍປ້ອງກັນຊາຍ
ແດນທາງທະເລຂອງຈີນ 8 ລໍາ ໄດ້ແລ່ນເຂົ້າໄປໃນເຂດທີ່ເປັນ
ບັນຫາຖົກ ຖຽງໂຕ້ແຍ້ງ ໃກ້ກັບໝູ່ເກາະທີ່ບໍ່ມີຄົນຢູ່ດັ່ງກ່າວ ໃນ
ຕອນເຊົ້າຂອງວັນອັງຄານມື້ນີ້.
ໜ່ວຍຍາມຝັ່ງຍີ່ປຸ່ນກ່າວວ່າ ນີ້ແມ່ນການບຸກລຸກທີ່ໃຫຍ່ທີ່ສຸດ
ຈາກເຮືອລົບຈີນ ນັບຕັ້ງແຕ່ຄວາມເຄັ່ງຕຶງ ໄດ້ເພີ້ມທະວີຂື້ນ ໃນ
ເດືອນກັນຍາປີ ກາຍ ເວລາຍີ່ປຸ່ນ ໄດ້ຊື້ເກາະດອນຈໍານວນນຶ່ງ ຈາກບັນດາຜູ້ເປັນເຈົ້າຂອງເອກກະຊົນ.
ນັບແຕ່ນັ້ນມາ ປັກກິ່ງໄດ້ສົ່ງເຮືອແລະບາງຄັ້ງກໍແມ່ນເຮືອບິນ ໄປ ລາດຕະເວນເປັນປະຈຳ ໃນຄວາມພະຍາຍາມເພື່ອທ້າທາຍຍີ່ປຸ່ນທີ່ຄວບຄຸມ ບັນດາໝູ່ເກາະຍຸດທະສາດດັ່ງກ່າວນີ້.
ສະຖານນະການ ໃນວັນອັງຄານມື້ນີ້ ແມ່ນຍັງເປັນທີ່ສັບສົນ ໂດຍການປະກົດໂຕຂອງບັນດາເຮືອນ້ອຍ ຂອງພວກນັກເຄື່ອນໄຫວຍີ່ປຸ່ນ ທີ່ໄດ້ຮັບການຄຸ້ມກັນຈາກບັນດາເຮືອຂອງລັດຖະບານຍີ່ປຸ່ນ ຊຶ່ງເຂົາເຈົ້າກ່າວວ່າ ຈະພາກັນສໍາຫລວດໝູ່ເກາະດັ່ງກ່າວນີ້.
ຫ້ອງການຄຸ້ມຄອງມະຫາສະມຸດຂອງລັດຖະບານຈີນກ່າວວ່າ ເຮືອສາມລໍາຂອງຕົນໄດ້ “ອອກປະຕິບັດງານລາດຕະເວນຕາມປົກກະຕິ” ຢູ່ໃນບໍລິເວນດັ່ງກ່າວ ໃນວັນອັງຄານນມື້ນີ້ ໃນເວລາທີ່ພວກເຂົາເຈົ້າໄດ້ປະເຊີນໜ້າກັບເຮືອຍີ່ປຸ່ນຫລາຍລໍາ. ລາຍງານກ່າວອີກວ່າ ເຮືອຈີນອີກ 5 ລໍາໄດ້ຖືກສົ່ງໄປຍັງບໍລິເວນນັ້ນ ເພື່ອຮັບມືກັບສະຖານະການ.
ຍັງບໍ່ມີລາຍງານການປະທະກັນເທື່ອ. ອົງການຂ່າວຣອຍເຕີ້ ກ່າວວ່າ ໜ່ວຍຍາມຝັ່ງຍີ່ປຸ່ນ ໄດ້ບອກໃຫ້ພວກນັກເຄື່ອນໄຫວຖອນອອກຈາກບໍ ລິເວນດັ່ງກ່າວ ໃນເວລາທີ່ເຮືອຈີນເຂົ້າໄປໃກ້ໆ. ໂຕກຽວ ໄດ້ຮຽກໂຕ ເອກອັກຄະລັດຖະທູດຈີນປະຈໍາຍີ່ປຸ່ນເຂົ້າພົບຫຼັງຈາກເຫດການດັ່ງກ່າວ ໄດ້ເກີດຂຶ້ນ.
ໃນຂະນະດຽວກັນ ໃນວັນອັງຄານມື້ນີ້ ນາຍົກລັດຖະມົນຕີຍີ່ປຸ່ນ ທ່ານ Shinto Abe ໄດ້ກ່າວຢືນຢັດວ່າ ບັນດາໝູ່ເກາະດັ່ງກ່າວນີ້ຍັງຢູ່ພາຍໃຕ້ “ການຄວບຄຸມ” ຂອງຍີ່ປຸ່ນ. ໃນຄໍາປາໄສ ຕໍ່ບັນດາຜູ້ແທນສະພາ ແຫ່ງຊາດນັ້ນ ທ່ານໄດ້ປະກາດທີ່ຈະ “ຂັບໄລ່ ດ້ວຍກໍາລັງ” ຕໍ່ການຍົກ ພົນຂຶ້ນບົກໃດໆກໍຕາມຂອງຈີນ ຢູ່ທີ່ໝູ່ເກາະນີ້.
