ຄະນະນໍາພາຂອງເກົາຫລີໃຕ້ແລະຍີ່ປຸ່ນໄດ້ຕົກລົງປັບປຸງສາຍພົວພັນທາງການທູດແລະເສດ
ຖະກິດລະຫວ່າງສອງປະເທດໃຫ້ດີຂຶ້ນ ເຖິງແມ່ນມີຄວາມຮູ້ສຶກທີ່ເຈັບແສບຈາກການຄອບ
ຄອງຂອງຍີ່ປຸ່ນໃນແຫລມເກົາຫລີແລະມີບັນຫາຂັດແຍ້ງກັນເລື້ອງເຂດນໍ້າແດນດິນທີ່ຍັງແກ່
ຍາວມາກໍຕາມ.
ປະທານາທິບໍດີ Lee Myung-bak ແຫ່ງເກົາຫລີໃຕ້ໄດ້ທໍາການໂອ້ລົມສົນທະນາກັນກັບ
ນາຍົກລັດຖະມົນຕີ Yoshihiko Noda ແຫ່ງຍີ່ປຸ່ນທີ່ກຸງໂຊນໃນວັນພຸດມື້ນີ້ ຊຶ່ງເປັນການ
ພົບປະຄັ້ງທີສອງລະຫວ່າງຜູ້ນໍາທັງສອງນັບແຕ່ທ່ານໂນດະໄດ້ຂຶ້ນດໍາລົງຕໍາແໜ່ງນາຍົກລັດ
ຖະມົນຕີໃນທ້າຍເດືອນສິງຫາຜ່ານມາ. ຜູ້ນໍາທັງສອງໄດ້ພົບປະກັນຢູ່ນອກກອງປະຊຸມສະ
ມັດຊາໃຫຍ່ສະຫະປະຊາຊາດໃນເດືອນແລ້ວນີ້.
ພວກຜູ້ນໍາທັງສອງໄດ້ຕົກລົງຟື້ນການພົບປະລະດັບເຮັດວຽກເຮັດການກັນຄືນບົນພື້ນຖານ
ຂອງຂໍ້ຕົກລົງການຄ້າສອງຝ່າຍທີ່ຕົກຢູ່ໃນສະພາບໍ່ໄປບໍ່ມາເປັນເວລາດົນນານແລະເພີ່ມທະ
ວີຂໍ້ຕົກລົງເລື້ອງການແລກປ່ຽນ ເງິນຕາກັນທີ່ມີວັດຖຸປະສົງເພື່ອເຮັດໃຫ້ຕະຫລາດການເງິນ
ຂອງພວກຕົນມີຄວາມທຸ່ນທ່ຽງຂຶ້ນ.
ນອກນັ້ນພວກຜູ້ນໍາທັງສອງຍັງໄດ້ໃຫ້ຄໍາໝັ້ນສັນຍາເຊ່ນກັນສືບຕໍ່ການ ຮ່ວມໄມ້ຮ່ວມມືກັນ
ໃນການແກ້ໄຂບັນຫາ ການຜະລິດອາວຸດນີວເຄລຍ ຂອງເກົາຫລີເໜືອນັ້ນ.
