ເສດຖະກິດຂອງຍີ່ປຸ່ນ ໄດ້ຕົກລົງຢູ່ໃນສະພາບຖອຍຫຼັງ ທີ່ບໍ່ຄາດ
ຝັນ ໃນໄຕມາດທີ 3 ຊຶ່ງໄດ້ເຮັດໃຫ້ມັນ ບໍ່ມີຄວາມແນ່ນອນວ່າ
ນາຍົກລັດຖະມົນຕີ Shinzo Abe ຈະຖ່ວງເວລາ ການຂຶ້ນພາສີ
ຂາຍ ທີ່ບໍ່ເປັນທີ່ນິຍົມນັ້ນ ແລະ ຈະປະກາດການເລືອກຕັ້ງດ່ວນ
ສອງປີກ່ອນກຳນົດການລົງຄະແນນສຽງ.
ຂ່າວບໍ່ດີໃນວັນຈັນມື້ນີ້ ແມ່ນມີຂຶ້ນ ຫຼັງຈາກທີ່ທ່ານ Abe ດຳລົງ
ຕຳແໜ່ງໄດ້ 2 ປີມາແລ້ວ ທີ່ທ່ານໄດ້ສັນຍາວ່າ ຈະປັບປຸງ
ເສດຖະກິດທີ່ຕົກຕ່ຳ ຜ່ານການໃຊ້ຈ່າຍໃນສາທາລະນະ ເປັນ
ຈຳນວນໃຫຍ່ ແລະ ການປະຕິຮູບທາງດ້ານສາທາລະນະຕ່າງໆ
ອັນເປັນແຜນການທີ່ທ່ານເອີ້ນວ່າ “ເສດຖະກິດອາເບ ຫຼື Abenomics.”
ບັນດານັກເສດຖະສາດ ໄດ້ປະເມີນວ່າ ເສດຖະກິດໃຫຍ່ທີ່ສຸດ ອັນດັບ 3 ຂອງໂລກນັ້ນ ຈະຂະຫຍາຍຕົວຂຶ້ນ. ແຕ່ແລ້ວ ຜົນຜະລິດພາຍໃນ ຫຼື GDP ໄດ້ລົດຕົວລົງ 1.6 ເປີເຊັນຕໍ່ປີ ໃນໄຕມາດທີ 3 ຫຼັງຈາກທີ່ໄດ້ຕົກປິ້ນລົງ 7.3 ເປີເຊັນ ໃນໄຕມາດທີ 2 ຫຼັງຈາກມີການຂຶ້ນພາສີຂາຍ.
ຂ່າວຂອງການຖອຍຕົວດັ່ງກ່າວ ສົ່ງຜົນ ໃຫ້ຮຸ້ນໃນໂຕກຽວ ຕົກລົງເກືອບ 3 ເປີເຊັນໃນວັນຈັນມື້ນີ້ ແລະ ຍັງຈະສົ່ງຜົນໃນທາງລົບ ຕໍ່ຕະຫລາດຮຸ້ນອືນໆ ເມື່ອຕອນເປີດຕະຫລາດນັ້ນ.
