ລິ້ງ ສຳຫລັບເຂົ້າຫາ

ຍີ່ປຸ່ນວ່າ ການເຈລະຈາ ກ່ຽວກັບ ໂຕປະກັນ ຢູ່ໃນສະພາບ ບໍ່ໄປບໍ່ມາ


ການເຈລະຈາ ກັບພວກຫົວຮຸນແຮງ ຈາກກຸ່ມລັດອິສລາມ ໃນ
ຄວາມພະຍາຍາມເພື່ອຊ່ອຍຊີວິດນັກຂ່າວຊາວຍີ່ປຸ່ນແລະນັກ
ບິນກອງທັບອາກາດຈໍແດັນ ໄດ້ຕົກຢູ່ໃນສະພາບທີ່ປາກົດວ່າ
ບໍ່ໄປບໍ່ມາ ໃນວັນເສົາມື້ນີ້ ສອງມື້ ຫລັງຈາກພວກຫົວຮຸນແຮງ
ໄດ້ກຳນົດເສັ້ນຕາຍ ຫລ້າສຸດ ທີີ່ທວງໃຫ້ປ່ອຍ ນັກໂທດອີຣັກ
ຄົນນຶ່ງ.

ລັດຖະມົນຕີການຕ່າງປະເທດຍີ່ປຸ່ນ ທ່ານ Yasuhide Naka-
yama ກ່າວໃນຕອນແລງວັນສຸກທີ່ນະຄອນຫຼວງອຳມານ ປະ
ເທດຈໍແດັນວ່າ ຄວາມຄືບໜ້າໃນການປ່ອຍ ນັກບິນ Mu’ath
al-Sasaesbeh ແລະນັກຂ່າວ Kenji Goto ໄດ້ຕົກຢູ່ໃນສະ
ພາບບໍ່ໄປບໍ່ມາ.

ກຸ່ມຫົວຮຸນແຮງອິສລາມໄດ້ຂົ່ມຂູ່ວ່າ ຈະສັງຫານນັກບິນ Sasaesbeh ຖ້າຈໍແດັນບໍ່ຍອມ ປ່ອຍໂຕນັກໂທດອີຣັກ ນາງ Sajida al-Rishawi ກ່ອນຕາເວັນຕົກດິນ ໃນມື້ວັນພະຫັດ ຜ່ານມາ. ນາງ Rishawi ແມ່ນພວມລໍຖ້າການປະຫານຊີວິດຢູ່ທີ່ປະເທດຈໍແດັນຍ້ອນບົດ ບາດໃນການວາງລະເບີດຮ້າຍແຮງຂອງນາງ ທີ່ນະຄອນຫຼວງອຳມານໃນປີ 2005.

ຈໍແດັນກ່າວວ່າ ຕົນຈະປ່ອຍນາງ Rishawi ກໍຕໍ່ເມື່ອໄດ້ຮັບຫລັກຖານທີ່ພິສູດໃຫ້ເຫັນວ່າ ນັກບິນຂອງຕົນທີ່ເຮືອບິນລົບຂອງລາວໄດ້ປະສົບອຸບັດຕິເຫດຕົກຢູ່ໃນຊີເຣຍນັ້ນ ຍັງມີຊີ ວິດຢູ່. ຈໍແດັນກ່າວວ່າ ຕົນຍັງບໍ່ທັນໄດ້ຮັບຫລັກຖານຈາກພວກຈັບໂຕປະກັນເທື່ອ.

ສຽງບັນທຶກທີ່ເຕືອນກ່ຽວກັບການຂົ່ມຂູ່ເລື້ອງນັກບິນຈໍແດັນນັ້ນແມ່ນອ້າງວ່າເປັນສຽງໂຕ ປະກັນນັກຂ່າວຍີ່ປຸ່ນ ທ້າວ Goto.

ພັນລະຍາຂອງທ້າວ Goto ນາງ Rinko ໄດ້ອອກຄຳຮ້ອງຮຽນດ້ວຍຄວາມເສົ້າໂສກເສຍ ໃຈໃນຕອນແລງຂອງວັນພະຫັດຜ່ານມາຕໍ່ທັງໂຕກຽວແລະອຳມານເພື່ອໃຫ້ຊ່ອຍຊີວິດສາ ມີຂອງນາງ. ແຕ່ສຽງບັນທຶກ ທີ່ປາກົດວ່າ ໄດ້ນຳອອກເຜີຍແຜ່ໂດຍກຸ່ມລັດອິສລາມນັ້ນ ບໍ່ ໄດ້ໃຫ້ຄຳໝັ້ນສັນຍາເລີຍວ່າ ໂຕປະກັນທັງສອງຈະຖືກປ່ອຍເພື່ອແລກປ່ຽນກັບນາງ Ri-
shawi ຫລືບໍ່.

ໃນວັນສຸກວານນີ້ ປະຊາຊົນທັງຢູ່ໃນຈໍແດັນແລະຍີ່ປຸ່ນໄດ້ພາກັນໂຮມຊຸມນຸມປະທ້ວງຮຽກ ຮ້ອງໃຫ້ມີການປ່ອຍໂຕປະກັນທັງສອງ ດ້ວຍຄວາມປອດໄພ.

XS
SM
MD
LG