ອົງການ UNESCO ໄດ້ອອກມາຮັບຮອງໃນວັນພຸດວານນີ້ ໃຫ້ຂະບວນການ ຜະລິດເຫຼົ້າ ຊາເກະ ບູຮານຂອງຍີ່ປຸ່ນ ກາຍມາເປັນ “ມໍລະດົກໂລກທາງວັດ ທະນະທໍາທີ່ບໍ່ສາມາດຈັບບາຍໄດ້,” ເຊິ່ງຜູ້ຜະລິດຫວັງວ່າ ຂັ້ນຕອນດັ່ງກ່າວ ຈະເພີ່ມຄວາມສົນໃຈຂອງຄົນຢູ່ທົ່ວໂລກຕໍ່ເຫຼົ້າ ຊາເກະ ພື້ນເມືອງທີ່ມີອາຍຸ ແລະປະຫວັດຍາວນານຫຼາຍສະຕະວັດ, ແຕ່ຄວາມນິຍົມຊໍ້າພັດຫຼຸດລົງພາຍ ໃນປະເທດ.
ຕາມທໍາມະດາແລ້ວ, ຜູ້ຕາງໜ້າຂອງ ຍີ່ປຸ່ນ ຢູ່ກອງປະຊຸມ UNESCO ໃນປະເທດ ປາຣາໄກວ ໄດ້ທໍາການລະເຫຼີມສະຫຼອງໂອກາດດັ່ງກ່າວ ໂດຍການຊີມຕົວຢ່າງຂອງເຫຼົ້າ ຊາເກະ.
ເຄື່ອງດື່ມດັ່ງກ່າວນີ້ ຜ່ານຂັ້ນຕອນການຜະລິດເປັນໄລຍະເວລາຫຼາຍອາທິດ ດ້ວຍການໝັກເຂົ້າ, ນ້ໍາ, ແປ້ງເຂົ້າ ແລະເຊື້ອລາສີທີ່ເອີ້ນວ່າ ໂຄຈິ (koji), ເຊິ່ງເປັນວິທີການຜະລິດທີ່ຄ້າຍຄືກັບເບຍຫຼາຍກວ່າເຫຼົ້າວາຍ. ຜົນໄດ້ຮັບ ສາມາດດື່ມໃນຂະນະທີ່ຍັງຮ້ອນ, ເຢັນ ຫຼື ໃນອຸນຫະພູມທໍາມະດາ.
ໃນຂະນະທີ່ເຫຼົ້າ ຊາເກະ ມີບົດບາດສໍາຄັນໃນສັງຄົມ ແລະປະເພນີຂອງຊາວ ຍີ່ປຸ່ນ ຈຶ່ງມັກຈະຖືກເສິບໃນພິທີແຫ່ງການສະເຫຼີມສະຫຼອງ ແລະໃນຊ່ວງອາ ຫານຄາບພິເສດ, ແຕ່ຄວາມຕ້ອງການເຄື່ອງດື່ມພາຍໃນປະເທດຊະນິດນີ້ ຊໍ້າພັດຫຼຸດລົງມາ ເຖິງແມ່ນຄວາມຕ້ອງການຂອງສາກົນຈະເພີ່ມຂຶ້ນກໍຕາມ.
ຜູ້ຜະລິດເຫຼົ້າ ຊາເກະ ຫວັງວ່າ ການຮັບຮອງຂອງອົງການ UNESCO ຈະເປັນແຮງຜັກດັນຕໍ່ການສົ່ງອອກຂອງພວກເຂົາເຈົ້າ ແລະຟື້ນຟູຄວາມກະຕື ລືລົ້ນສໍາລັບເຄື່ອງດື່ມຊະນິດນີ້ຢູ່ພາຍໃນປະເທດ.
ທ່ານ ທາເກຮິໂຣະ ຄາໂນະ (Takehiro Kano) ຜູ້ຕາງໜ້າຖາວອນຂອງຍີ່ປຸ່ນ ປະຈຳອົງການ UNESCO ກ່າວວ່າ “ພວກເຮົາດີໃຈຫຼາຍໆ.”
“ການໄດ້ຮັບການຮັບຮອງຈາກສາກົນໂດຍກົນໄກນີ້ ຈະປ່ຽນຄວາມສົນໃຈຂອງຊາວຍີ່ປຸ່ນຢູ່ໃນຂົງເຂດຄືນໃໝ່, ແລະນັ້ນ ສາມາດນຳໄປສູ່ແຮງຜັກດັນເພື່ອສົ່ງເສີມຄວາມສາມາດ ແລະຄວາມຮູ້ ຕໍ່ວິທີການປະລິດທີ່ມີເຫຼົ່ານີ້ໃຫ້ແກ່ຄົນລຸ້ນຕໍ່ໆໄປ.”
ອົງການ UNESCO, ເຊິ່ງເປັນໜ່ວຍງານດ້ານການສຶກສາ, ວິທະຍາສາດ ແລະ ວັດທະນະທຳຂອງອົງການສະຫະປະຊາຊາດ, ອອກມາຮັບຮອງເອົາ ຂັ້ນຕອນການຜະລິດ, ງານສິລະປະ ຫຼື ທັກສະຕ່າງໆ ເຂົ້າໃນບັນຊີລາຍຊື່ ມໍລະດົກວັດທະນະທຳທີ່ສາມາດຈັບລາຍໄດ້ຂອງຕົນ ເພື່ອສົ່ງເສີມ ແລະ ອະນຸລັກຮັກສາໃຫ້ແກ່ຄົນລຸ້ນຫຼັງ.
ບັນດາຜູ້ແທນຂອງອົງການ UNESCO ຍັງໄດ້ອະນຸມັດວັດທະນະທໍາ ເຫຼົ້າໝາກແອບເປີ້ນ ອາສຕູຣຽນ (cider Asturian) ໃນປະເທດສະເປນ ແລະການສ້າງຖັງນ້ໍາຂະໜາດໃຫຍ່ໃນປະເທດ ກົວເຕມາລາ ອີກດ້ວຍ, ພ້ອມທັງສິ່ງຂອງຕ່າງໆ ແລະການປະຕິບັດອື່ນໆ ທີ່ຖືກຍອມຮັບເຂົ້າໃນບັນຊີ ລາຍຊື່, ໂດຍເປີດແຖບໃໝ່ໃນວັນພຸດວານນີ້.
ອ່ານຂ່າວດ້ານລຸ່ມນີ້ເປັນພາສາອັງກິດ
UNESCO recognized Japan's ancient process of sake brewing as an "intangible cultural heritage" on Wednesday, which producers hope will boost global interest in the traditional rice wine that dates back centuries but has waned in popularity at home.
Naturally, Japanese representatives at a UNESCO meeting in Paraguay marked the occasion by sampling some sake.
The beverage is made over several weeks by fermenting a mixture of rice, water, yeast and a colorful mold known as koji, in a process more akin to making beer than wine. The end results can be served hot, cold or at room temperature.
While sake plays a significant role in Japanese society and tradition, often served during ceremonies and special meals, demand has ebbed for the drink domestically even as international demand grows.
Sake producers hope UNESCO's recognition accelerates their exports and reinvigorates enthusiasm for the beverage at home.
"We are very happy," said Japan's permanent representative to UNESCO, Takehiro Kano.
"Being recognized internationally by this mechanism will renew the interest of Japanese people in this area, and that could lead to more momentum for transmitting these skills and know-how to the next generation."
UNESCO, the United Nations' education, scientific and cultural agency, admits practices, pieces of art or skills to its intangible cultural heritage list to foster their preservation for future generations.
UNESCO delegates also approved Asturian cider culture in Spain and the making of giant barrels in Guatemala, among other items and practices admitted to the list, opens new tab on Wednesday.
ຟໍຣັມສະແດງຄວາມຄິດເຫັນ