ເສດຖະກິດຂອງຍີ່ປຸ່ນ ຂະຫຍາຍໂຕໃນອັດຕາຕໍ່ປີຢູ່ທີ່ 2.9 ເປີເຊັນ, ເຊິ່ງຊ້າ ກວ່າບົດລາຍງານກ່ອນຫນ້ານີ້ທີ່ລະບຸການຂະຫຍາຍໂຕ ຢູ່ທີ່ 3.1 ເປີເຊັນ, ໃນຊ່ວງລະຫວ່າງເດືອນເມສາຫາເດືອນມິຖຸນາ, ເຊິ່ງໄດ້ຮັບແຮງຊຸກຍູ້ຈາກ ຄ່າຈ້າງ ແລະການໃຊ້ຈ່າຍທີ່ດີຂຶ້ນ, ໂດຍຂໍ້ມູນຂອງລັດຖະບານສະບັບປັບ ປຸງຫຼ້າສຸດ ໄດ້ສະແດງໃຫ້ເຫັນໃນວັນຈັນມື້ນີ້, ອີງຕາມອົງການຂ່າວ AP.
ຂໍ້ມູນດັ່ງກ່າວ ສະແດງໃຫ້ເຫັນວ່າຍັງມີຄວາມສ່ຽງທີ່ຈະແຈ້ງຢູ່, ລວມທັງການ ຂະຫຍາຍໂຕທາງເສດຖະກິດຂອງສະຫະລັດ, ເຊິ່ງມີຜົນກະທົບຢ່າງຫຼວງ ຫຼາຍຕໍ່ ຍີ່ປຸ່ນ ທີ່ເພິ່ງພາການສົ່ງອອກ. ຄວາມບໍ່ແນ່ນອນດ້ານການເມືອງໃນຍີ່ປຸ່ນ ແມ່ນເປັນຄວາມສ່ຽງອີກອັນໜຶ່ງ ເນື່ອງຈາກພັກການເມືອງທີ່ກຳອຳນາດຢູ່ ກຳລັງຄັດເລືອກເອົາຜູ້ນຳຄົນໃໝ່.
ຜູ້ສະໝັກຮັບເລືອກຕັ້ງປະມານ 12 ຄົນ ກຳລັງພະຍາຍາມຫາສຽງເພື່ອໃຫ້ ໄດ້ເປັນຜູ້ຮັບຕໍາແໜ່ງຫົວໜ້າພັກເສລີປະຊາທິປະໄຕ ຕໍ່ຈາກນາຍົກລັດຖະມົນຕີ ຟູມິໂອະ ຄິຊິດະ (Fumio Kishida). ໂດຍຜູ້ຊະນະການລົງຄະແນນ ສຽງໃນວັນທີ 27 ກັນຍານີ້ ມີແນວໂນ້ມເກືອບຈະແນ່ນອນວ່າ ຈະໄດ້ເປັນ ນາຍົກລັດຖະມົນຕີຄົນຕໍ່ໄປ ເນື່ອງຈາກພັກດັ່ງກ່າວຄວບຄຸມລັດຖະສະພາ.
ຫ້ອງການລັດຖະບານເປີດເຜີຍວ່າ ປະເທດທີ່ມີເສດຖະກິດໃຫຍ່ເປັນອັນດັບ 4 ຂອງໂລກແຫ່ງນີ້ ຂະຫຍາຍໂຕ້ 0.7 ເປີເຊັນ ໃນໄຕມາດທີ 1 ຂອງປີງົບ ປະມານ, ເຊິ່ງຟື້ນຕົວຈາກການຫົດຕົວໃນໄຕມາດກ່ອນ.
ລວມຍອດຜະລິດຕະພັນພາຍໃນຕົວຈິງທີ່ຖືກດັດແກ້ຕາມລະດູການ ຫຼື GDP, ຈະວັດແທກມູນຄ່າຂອງຜະລິດຕະພັນ ແລະການບໍລິການຂອງປະເທດ. ອັດຕາປະຈໍາປີຈະສະແດງໃຫ້ເຫັນວ່າເສດຖະກິດຈະຂະຫຍາຍໂຕ ຫຼື ຫົດຕົວຫຼາຍເທົ່າໃດ, ຖ້າອັດຕາປະຈໍາໄຕມາດຍັງສືບຕໍ່ໄປອີກນຶ່ງປີ.
ຂໍ້ມູນ GDP ຂອງວັນຈັນມື້ນີ້ ສະແດງໃຫ້ເຫັນວ່າຄວາມຕ້ອງການພາຍໃນ ປະເທດໄດ້ເພີ່ມຂຶ້ນ 3.0 ເປີເຊັນ ຈາກໄຕມາດກ່ອນ ໂດຍໄດ້ຮັບແຮງໜູນ ການບໍລິໂພກໃນຄົວເຮືອນທີ່ແຂງແກ່ນ ແລະການລົງທຶນຂອງພາກເອກະຊົນ, ລວມທັງການລົງທຶນຂອງລັດຖະບານ. ການສົ່ງອອກໄດ້ເພີ່ມຂຶ້ນ 6.1 ເປີເຊັນ, ເຊິ່ງດີກວ່າຕົວເລກຄາດຄະເນກ່ອນໜ້ານີ້ ທີ່ກະໄວ້ວ່າ ຈະຢູ່ທີ່ 5.9 ເປີເຊັນ.
ອ່ານຂ່າວເປັນພາສາອັງກິດລຸ່ມນີ້:
TOKYO (AP) — Japan's economy grew at an annual rate of 2.9%, slower than the earlier report for 3.1% growth, in the April-June period, boosted by better wages and spending, revised government data showed Monday.
That shows clear risks remain, including U.S. economic growth, which greatly affects export-reliant Japan. Political uncertainty in Japan is another risk as the ruling party picks a new leader.
About a dozen candidates are seeking to succeed Prime Minister Fumio Kishida as head of the Liberal Democratic Party. The winner of its Sept. 27 vote is a near-certainty to be the next prime minister since the party controls parliament.
The world's fourth-largest economy grew 0.7% in the fiscal first quarter, according to the Cabinet Office, rebounding from the contraction in the previous quarter.
Seasonally adjusted real gross domestic product, or GDP, measures the value of a nation's products and services. The annual rate shows how much the economy would have grown or contracted, if the quarterly rate continued for a year.
Monday's GDP data showed domestic demand grew a robust 3.0% from the previous quarter on the back of healthy household consumption and private sector investments, as well as government investments. Exports grew a booming 6.1%, even better than the earlier reading for 5.9% growth.
ຟໍຣັມສະແດງຄວາມຄິດເຫັນ