ຍີ່ປຸ່ນ ໄດ້ຮຽກໂຕເອກອັກຄະລັດຖະທູດຂອງຕົນຄືນມາຈາກເກົາຫລີໃຕ້ ເພື່ອປະທ້ວງ ຕໍ່
ການທີ່ປະທານາທິບໍດີເກົາຫລີໃຕ້ ທ່ານ Lee Muang-Bak ໄປຢ້ຽມ ຢາມໝູ່ເກາະ ຊຶ່ງທັງ
ສອງປະເທດຕ່າງກໍພາກັນທວງເອົາກຳມະສິດນັ້ນ.
ລັດຖະມົນຕີການຕ່າງປະເທດຍີ່ປຸ່ນ ທ່ານ Kochiro Gemba ກ່າວໃນວັນສຸກນີ້ວ່າ ການ
ຢ້ຽມຢາມຂອງທ່ານ Lee ນັ້ນ “ເປັນທີ່ຮັບເອົາບໍ່ໄດ້ເດັດຂາດ” ແລະຈະໄດ້ຮັບ “ຜົນສະທ້ອນ
ຢ່າງໜັກ” ຕໍ່ຄວາມສຳພັນລະຫວ່າງ ເກົາຫລີໃຕ້ ແລະຍີ່ປຸ່ນ.
ໃນມື້ວັນສຸກມື້ນີ້ ທ່ານ Lee ເປັນປະທານາທິບໍດີເກົາຫລີໃຕ້ຄົນທໍາອິດ ທີ່ໄດ້ໄປຢ້ຽມຢາມໝູ່່
ເກາະດັ່ງກ່າວ ຊຶ່ງເປັນແຫຼ່ງທີ່ມາຂອງຄວາມຕຶງຄຽດ ລະຫວ່າງປະ ເທດທັງສອງ ມາເປັນເວ
ລາຫລາຍທົດສະວັດ. ເຈົ້າໜ້າທີ່ຂອງກຸງໂຊລບໍ່ໄດ້ໃຫ້ ຄວາມສຳຄັນໃດໆໃນການໄປຢ້ຽມ
ຢາມທີ່ວ່ານີ້ ແລະກ່າວວ່າ ຕົນບໍ່ໄດ້ໝາຍວ່າຈະສ້າງໃຫ້ເກີດເປັນບັນຫາຂື້ນມາ.
ໝູ່ເກາະດັ່ງກ່າວ ເປັນທີ່ຮູ້ກັນໃນໝູ່ຊາວຍີ່ປຸ່ນ ວ່າ Takeshima ແລະເກົາຫຼີໃຕ້ ເອີ້ນວ່າ
Dokdo ນັ້ນ ໄດ້ຢູ່ພາຍໃຕ້ການຄວບຄຸມຂອງເກົາຫລີໃຕ້ ນັບຕັ້ງແຕ່ ການປົກຄອງສະໄໝ
ຫົວເມືອງຂື້ນຂອງຍີ່ປຸ່ນສິ້ນສຸດລົງ ຫລັງຈາກສົງຄາມໂລກຄັ້ງທີ່ສອງ.
ໃນອາທິດແລ້ວນີ້ ຍີ່ປຸ່ນ ໄດ້ອ້າງກຳມະສິດຄືນໃໝ່ເອົາໝູ່ເກາະນີ້ ຢູ່ໃນລາຍງານປ້ອງກັນປະ
ເທດປະຈໍາປີ ທີ່ເຮັດໃຫ້ເກົາຫລີໃຕ້ ຮຽກໂຕນັກການທູດຍີ່ປຸ່ນເຂົ້າ ພົບ ເພື່ອທໍາການປະທ້ວງ.
ປະເທດທັງສອງ ມີຄວາມສຳພັນດ້ານການຄ້າ ແລະການທ່ອງທ່ຽວຮ່ວມກັນຢ່າງເຂັ້ມແຂງ
ພ້ອມທັງປະຕິບັດງານຮ່ວມກັນຫລາຍໆຢ່າງກ່ຽວກັບນະໂຍບາຍການຕ່າງປະເທດທີ່ມີຄວາມ
ກັງວົນນຳກັນ. ແຕ່ວ່າບັນຫາຕິດຕໍ່ໜໍ່ເນື່ອງກ່ຽວກັບເລື່ອງ ຊາຍແດນ ແລະປະຫວັດສາດ
ໄດ້ເປັນບັນຫາລົບກວນສາຍສໍາພັນ.