ລິ້ງ ສຳຫລັບເຂົ້າຫາ

ເກືອບ 70 ປະເທດ ໄດ້ສະເໜີ ໃຫ້ການ ຊ່ວຍເຫລືອແກ່ຍີ່ປຸ່ນ

  • ທອງປານ ເທບວົງສາ

ສົບຄົນຕາຍສົບນຶ່ງ ທີ່ພວກກູ້ໄພຄົ້ນພົບ ຢູ່ໃຕ້ຊາກຫັກພັງ ໃນເຂດເມືອງ Sendai.

ພວກທີມຊ່ວຍ​ເຫລືອກູ້ໄຟ​ແລະການຊ່ວຍເຫລືອຈາກ​ນາໆ
ຊາດ ກໍາລັງຫລັ່ງ​ໄຫລໄປຍັງຍີ່ປຸ່ນ ໃນຂະນະທີ່ຍີ່ປຸ່ນພະຍາ
ຍາມຮັບ​ມືກັບສະພາບ​ການ​ລຸນຫລັງແຜ່ນດິນ​ໄຫວຂະໜາດ
ໃຫຍ່ ແລະຄື້ນຟອງຍັກຊຶນາມິ ແລະວິກິດການນີວເຄລຍທີ່
ກໍາລັງມີ​ຂຶ້ນຢູ່ໃນຂະນະນີ້.

ພວກຊ່ຽວຊານຂອງອົງການສະຫະປະຊາຊາດກໍາລັງຢູ່ໃນ
ທີ່ເກີດເຫດ ເພື່ອຊ່ວຍປະສານງານຄວາມພະຍາຍາມກູ້ໄພ
ແລະໃຫ້ການຊ່ວຍເຫລືອ ​ແກ່ພວກທີມງານທ້ອງຖິ່ນ.

ເທົ່າເຖິງປັດຈຸບັນນີ້ມີ ເກືອບ 70 ປະເທດແລ້ວທີ່ໄດ້ສະເໜີ
ໃຫ້ການຊ່ວຍເຫລືອແກ່ຍີ່ປຸ່ນ. ທີມງານຈາກເກົາຫລີໄຕ້
ແລະຈີນທີ່ມີຄວາມຊໍານານພິເສດໃນການຄົ້ນຫາ ແລະກູ້ໄພ
ກໍ​ໄປ​ຮອດຍີ່ປຸ່ນແລ້ວ.

ກໍາປັ່ນບັນທຸກເຮືອບິນ USS Ronald Reagan ຂອງ
ສະຫະລັດ ໄດ້ເດີນທາງ​ໄປຮອດນອກຝັ່ງທະເລຂອງຍີ່ປຸ່ນ​ໃນວັນອາທິດມື້ນີ້ ລ່ວງ​ໜ້າ
ກໍາປັ່ນລໍາອື່ນໆຂອງສະຫະລັດທີ່ກໍາລັງມຸ້ງໜ້າ​ໄປຍັງເຂດດັ່ງກ່າວ ເຊັ່ນກັນ. ທ່ານ ຈອນ
ຣູສ ເອກອັກຄະລັດຖະທູດສະຫະລັດປະຈໍາຍີ່ປຸ່ນກ່າວວ່າ ສະຫະລັດພ້ອມແລ້ວທີ່ຈະໃຫ້
ການຊ່ວຍເຫລືອແກ່ຍີ່ປຸ່ນ​ໃນ​ທຸກໆ​ທາງ​ທີ່​ສາມາດ​ເຮັດ​ໄດ້.

ນອກນັ້ນ ຄະນະກໍາມາທິການຄວບຄຸມນີວເຄລຍຂອງສະຫະລັດ ກໍໄດ້ສົ່ງຜູ້ຊ່ຽວຊານ
ສອງຄົນໄປໃຫ້ການຊ່ວຍເຫລືອຍີ່ປຸ່ນ ​ໃນ​ການ​ຮັບ​ມືກັບພາວະສຸກ ເສີນທີ່ເຕົາແຍກປະ
ລະມະນູສອງແຫ່ງ.

ສ່ວນອັງກິດ ກໍກໍາລັງກຽມຈະສົ່ງພວກທີມງານຄົ້ນຫາແລະກູ້ໄພ​ໄປທາງອາກາດ ພ້ອມດ້ວຍ
ອຸບປະກອນສໍາລັບຍົກ​ຂອງໜັກແລະຕັດຈໍານວນຫລາຍຕັນ. ອອສເຕຣເລຍ ຝຣັ່ງ ສວິທ
ເຊີແລນດ໌ ແລະສິງຄະໂປ ກໍກໍາລັງຈັດ ສົ່ງພວກທີມງານຄົ້ນຫາແລະກູ້ໄພ ແລະພວກຊ່ຽວ
ຊານອື່ນໆໄປຍັງຍີ່ປຸ່ນ ເຊັ່ນກັນ.

XS
SM
MD
LG