ແຜ່ນດິນໄຫວຂະໜາດແຮງແທກໄດ້ 8.9 ຊຶ່ງແຮງສຸດ
ໃນຮອບຢ່າງນ້ອຍ 100 ປີໄດ້ເກີດຂຶ້ນໃນບໍລິເວນນອກ
ແຄມຝັ່ງທະເລ ທາງພາກຕາເວັນອອກສຽງເໜືອຂອງຍີ່
ປຸ່ນທີ່ພາໃຫ້ເກີດຟອງຍັກສຸນາມິສູງເຖິງ 10 ແມັດພັດ
ເຂົ້າຖະຫຼົ່ມເຮືອ ເຮືອນຊານບ້ານຊ່ອງ ແລະລົດຢູ່ຕາມ
ເຂດແຄມຝັ່ງທະເລ. ມີລາຍງານວ່າ ມີຜູ້ເສຍຊີວິດຢ່າງ
ນ້ອຍ 40 ຄົນ(ໃນຂະນະນີ້ ຊື່ງເປັນເວລາປະມານ 7:30
ແລງວັນສຸກທີ່ປະເທດລາວ) ແຕ່ພວກເຈົ້າໜ້າທີ່ເຕືອນວ່າ
ໂຕເລກພວກເສຍຊີວິດຄາດວ່າຈະເພີ່ມຂຶ້ນຕື່ມ.
ຮູບຂ່າວໂທລະພາບສະແດງໃຫ້ເຫັນວ່າໄດ້ເກີດນໍ້າຖ້ວມ
ໃນຂອບເຂດທີ່ກວ້າງຂວາງແລະຟອງຕົມທີ່ພັດເອົາຊາກ
ຫັກພັງຫຼາຍໂຕນເຂົ້າໄປຖົມທີ່ດິນປູກຝັງທີ່ເມືອງ Sendai
ເມືອງເອກຂອງເຂດປົກຄອງ Miyagi. ຄວາມເສຍຫາຍ
ຂະໜາດໃຫຍ່ແມ່ນສັງເກດເຫັນໄດ້ຢູ່ໃນຫຼາຍໆເຂດເລາະ
ລຽບຕາມແຄມຝັ່ງທະເລ. ໃນເຂດປົກຄອງ Chiba ໄດ້ເກີດອັກຄີໄພຂະໜາດໃຫຍ່ຢູ່ທີ່ໂຮງກັ່ນນໍ້າມັນ.
ຄລິກຢູ່ບ່ອນຈໍ ເພື່ອເບິ່ງວີດິໂອ
ໃນການຖະແຫຼງຕໍ່ປະເທດຊາດນັ້ນ ນາຍົກລັດຖະມົນຕີຍີ່ປຸ່ນ ທ່ານ Naoto Kan ກ່າວວ່າ ລັດຖະບານຈະດຳເນີນການທຸກສິ່ງຢ່າງເທົ່າທີ່ຕົນສາມາດກະທຳໄດ້ ເພື່ອເຮັດໃຫ້ຜົນກະທົບ ຂອງໄພພິບັດທາງທຳມະຊາດດັ່ງກ່າວນີ້ ມີໜ້ອຍທີ່ສຸດ.
ທີ່ກຸງວໍຊິງຕັນ ປະທານາທິບໍດີສະຫະລັດ ທ່ານບາຣັກໂອບາມາກໍໄດ້ສະແດງຄວາມເສົ້າເສຍ
ໃຈຕໍ່ປະຊາຊົນຊາວຍີ່ປຸ່ນ.
ແຜ່ນດິນໄຫວຂະໜາດແຮງດັ່ງກ່າວ ໄດ້ເກີດຂຶ້ນໃນວັນສຸກມື້ນີ້ປະມານ 125 ຫຼັກກິໂລແມັດ ຢູ່ນອກແຄມຝັ່ງທະເລຂອງຍີ່ປຸ່ນ ທີ່ເລິກລົງໄປໃຕ້ພື້ນດິນ 10 ກິໂລແມັດ.
ຄລິກຢູ່ບ່ອນຈໍ ເພື່ອເບິ່ງວີດິໂອ
ສູນກາງເຕືອນໄພສຸນາມ ີໃນເຂດມະຫາສະມຸດປາຊີຟິກ ທີ່ລັດຮາວາຍກ່າວວ່າ ການເຕືອນ ກ່ຽວກັບຟອງຍັກສຸນາມີໄດ້ມີຜົນບັງຄັບ ສຳລັບປະເທດຣັດເຊຍ ຟີລິບປິນ ໄຕ້ຫວັນແລະ
ອິນໂດເນເຊຍ. ນອກນັ້ນການເຕືອນໄພສຸນາມິຍັງໄດ້ກວມໄປທົ່ວເຂດມະຫາສະມຸດປາຊີຟິກ
ຫາ ລັດຮາວາຍຂອງສະຫະລັດ ແລະຮວມທັງບັນດາປະເທດໃນເຂດອາເມຣິກາກາງແລະອາ
ເມຣິກາໃຕ້ທີ່ຕິດກັບມະຫາສະມຸດປາຊີຟິກນັ້ນ.
ພວກເຈົ້າໜ້າທີ່ໃນຫຼາຍໆຂົງເຂດ ທີ່ພວມກຽມຮັບມືກັບຟອງຍັກສຸນາມິ ໄດ້ມີຄຳສັ່ງໃຫ້ຍົກ ຍ້າຍປະຊາຊົນອອກຈາກບໍລິເວນແຄມຝັ່ງທະເລ.
ແຜ່ນດິນໄຫວຂະໜາດແຮງດັ່ງກ່າວ ແມ່ນໄດ້ຮູ້ສຶກໄປເຖິງນະຄອນຫຼວງໂຕກຽວບ່ອນທີ່ຕຶກ ອາຄານຈຳນວນນຶ່ງໄດ້ເກີດສັ່ນສະເທືອນແລະເກີດອັກຄີໄພໃນຫຼາຍໆບ່ອນ. ລະບົບລົດໄຟ ໃຕ້ດິນໃນກຸງໂຕກຽວກ່າວວ່າ ການສັນສອນໄປມາຂອງລົດໄຟແລະລົດໄຟໃຕ້ດິນທັງໝົດໃນ ເຂດນະຄອນຫຼວງຂອງຍີ່ປຸ່ນໄດ້ຢຸດລົງ. ສ່ວນສະໜາມບິນ Heneda ໃນກຸງໂຕກຽວໄດ້ເປີດ
ຄືນທາງແລ່ນ 4 ສາຍເພື່ອຊ່ອຍຮອງຮັບເອົາການສັນຈອນຂອງສະໜາມບິນຕ່າງໆຮວມທັງ
ສະໜາມບິນ Narita. ມີ ລາຍງານວ່າໄດ້ເກີດແຜ່ນດິນໄຫວຂະໜາດນ້ອຍຕິດຕາມມາທີ່ກຸງ
ໂຕກຽວ.
ຂ່າວຫລ້າສຸດແຈ້ງວ່າ ມີຄົນຕາຍຢ່າງນ້ອຍ 200 ຄົນແລ້ວ ມາຕອນເດິກຂອງຄືນວັນສຸກ.
