ຕະຫລາດຮຸ້ນຂອງຍີ່ປຸ່ນໄດ້ຟື້ນຕົວຄືນສູ່ສະພາບທີ່ດີຂື້ນຫລັງຈາກໄດ້ປະສົບກັບຄວາມເສຍ
ຫາຍຢ່າງໃຫຍ່ເປັນເວລາສອງມື້ ທ່າມກາງຄວາມຢ້ານກົວໃນການທີ່ອາດຈະເກີດຄວາມຫາ
ຍະນະທາງດ້ານນີວເຄລຍນັ້ນ.
ພວກນັກລົງທຶນໄດ້ພາກັນຊື້ດັດຊະນີຮຸ້ນນິກເກະ ເຮັດໃຫ້ຮຸ້ນດັ່ງກ່າວມີລາຄາສູງຂຶ້ນຫລາຍ
ກວ່າ 5 ເປີເຊັນໃນວັນພຸດມື້ນີ້ ຫລັງຈາກໄດ້ຕົກລາຄາ 16 ເປີເຊັນພາຍໃນເວລາສອງມື້
ໃນຕົ້ນອາທິດນີ້.
ເວລານີ້ ລັດຖະບານຍີ່ປຸ່ນກໍາລັງສືບຕໍ່ທຸ້ມເງິນໃນຈໍານວນເພີ່ມຂຶ້ນເຂົ້າໃສ່ລະບົບການເງິນ
ຂອງຕົນຄືຕື່ມອີກ 43 ພັນລ້ານໂດລາໃນວັນພຸດມື້ນີ້ລັດຖະບານໄດ້ທຸ້ມເງິນຈໍານວນ 244
ພັນລ້ານໂດລາແລ້ວເຂົ້າໃສ່ລະບົບການເງິນໃນອາທິດນີ້ໃນຄວາມພະຍາຍາມເພື່ອຄໍ້າປະກັນ
ຄວາມທຸ່ນທ່ຽງຂອງຕະຫລາດແລະວົງການທຸລະກິດ.
ສ່ວນຕະຫລາດອື່ນໆໃນຂົງເຂດເອເຊຍ ກໍຟື້ນຕົວຄືນເຊັ່ນກັນ ໃນວັນພຸດມື້ນີ້ ຫລັງຈາກ
ໄດ້ມີການຂາຍຮຸ້ນອອກຢູ່ໃນທົ່ວໂລກ ນຶ່ງມື້ກ່ອນໜ້ານີ້.
