ທະຫານຂອງຍີ່ປຸ່ນແລະສະຫະລັດ ຈຳນວນຫຼາຍພັນຄົນ
ໄດ້ສົມທົບກຳລັງກັນໃນວັນສຸກມື້ນີ້ ໃນການປະຕິບັດງານ
ຂັ້ນສຸດທ້າຍເປັນເວລາ 3 ມື້ເພື່ອຊອກຄົ້ນຫາພວກທີ່ຍັງ
ຫາຍສາບສູນ ຫຼັງຈາກໄດ້ເກີດແຜ່ນດິນໄຫວ ທີ່ມີຄວາມ
ແຮງ 9.0 ແລະຟອງຍັກສຸນາມິທີ່ຕິດຕາມມາໃນພາກຕາ
ເວັນອອກສຽງເໜືອຂອງຍີ່ປຸ່ນເມື່ອ 3 ອາ ທິດກ່ອນ.
ການປະຕິບັດງານທີ່ວ່ານີ້ ຈະມີເຮືອບິນ 120 ລຳແລະກຳ
ປັ່ນ 65 ລຳເຂົ້າຮ່ວມແລະຈະກວມເອົາ 3 ແຂວງທີ່ໄດ້ຮັບ
ຜົນກະທົບຮ້າຍແຮງສຸດ ຈາກໄພທຳມະຊາດທັງສອງທີ່
ເຮັດໃຫ້ມີຜູ້ເສຍຊີວິດແລ້ວ 11,400 ຄົນ ແລະຍັງຫາຍ
ສາບສູນຫຼາຍ ກວ່າ 16,500 ຄົນ.
ໄພແຜ່ນດິນໄຫວແລະຟອງຍັກສຸນາມິທີ່ວ່ານີ້ຍັງໄດ້ສ້າງ
ຄວາມເສຍຫາຍໃຫ້ແກ່ລະບົບເຮັດຄວາມເຢັນຂອງໂຮງ
ໄຟຟ້ານິວເຄລຍ Fukushima ທີ່ພາໃຫ້ມີກຳມັນຕະ
ພາບລັງສີຮົ່ວໄຫຼ ອອກມາໃນຫຼາຍໆຮູບແບບນັ້ນ.
ໃນການຖະແຫຼງຕໍ່ສະພາແຫ່ງຊາດໃນວັນສຸກມື້ນີ້ ນາຍົກລັດຖະມົນຕີຍີ່ປຸ່ນທ່ານ Naoto
Kan ໄດ້ຕຳໜິຕິຕຽນພວກບໍລິຫານງານຂອງໂຮງໄຟຟ້າດັ່ງກ່າວ ຄືບໍລິສັດພະລັງານໄຟ
ຟ້າໂຕກຽວ ຫຼື TEPCO ທີ່ໄດ້ທຳການກະກຽມບໍ່ພຽງພໍ ເພື່ອປ້ອງກັນຟອງຍັກສຸນາມິ ແຕ່ແນວໃດກໍຕາມຜູ້ນຳຍີ່ປຸ່ນໄດ້ໃຫ້ການຄໍ້າປະກັນຕໍ່ປະຊາຊົນວ່າຍັງບໍ່ມີກຳມັນຕະພາບ
ລັງສີທີ່ເປັນອັນຕະລາຍ ຢູ່ນອກບໍລິເວນລັດສະໝີ 20 ຫຼັກກິໂລແມັດຫ່າງຈາກໂຮງໄຟຟ້າ
ທີ່ໄດ້ປະກາດໄປແລ້ວນັ້ນ.
ພວກນັກຊ່ຽວຊານດ້ານອຸດສາະຫະກຳນິວເຄລຍຈາກສະຫະລັດ ຝຣັ່ງ ແລະບ່ອນອື່ນໆ
ໄດ້ໄປ ເຖິງຍີ່ປຸ່ນແລ້ວຫຼືບໍ່ກໍພວມຢູ່ໃນລະຫວ່າງການເດີນທາງເພື່ອໃຫ້ການຊ່ອຍເຫຼືອແກ່
ບໍລິສັດໄຟຟ້າ TEPCO ແລະຫຸ່ນຍົນພິເສດກໍໄດ້ມີການຈັດສົ່ງໄປແລ້ວເພື່ອຊ່ອຍໃນການ ປະຕິບັດງານຢູ່ໃນບ່ອນທີ່ບໍ່ປອດໄພສຳລັບມະນຸດ.
