ລິ້ງ ສຳຫລັບເຂົ້າຫາ

ບໍລິສັດໄຟຟ້າຍີ່ປຸ່ນ ປະກາດແຜນການ ຍຸດຕິວິກິດການນີວເຄລຍ

  • ສິງ ບູຣົມມະວົງ

ໂຮງໄຟຟ້ານີວເຄລຍ Fukushima Daiichi ທີ່ຍີ່ປຸ່ນ.

ບໍລິສັດ​ຄວບ​ຄຸມ​ການ​ຮົ່ວ​ໄຫ​ລຂອງ​ກໍາ​ມັນ​ຕະພາບ​ລັງສີອອກ​
ຈາກ​ໂຮງ​ໄຟຟ້າ​ນີວ​ເຄລຍທີ່​ໄດ້​ຮັບ​ຄວາມ​ເສຍ​ຫາຍ​ໃນ​ພາກ
ຕາ​ເວັນ​ອອກສຽງ​ເໜືອ​ຂອງ​ຍີ່ປຸ່ນ​ກ່າວໃນ​ວັນ​ອາທິດ​ມື້ນີ້​ວ່າ
ທາງ​ບໍລິສັດ​ຫວັງ​ວ່າຈະ​ຄວບ​ຄຸມ​ວິ​ກິດ​ການໃຫ້​ເສັດ​ສິ້ນ​ລົງ​ໄດ້
ພາຍ​ໃນ 6 ຫາ 9 ​ເດືອນ​ໜ້າ.

ທ່ານ Tsunehisa Katsumata ປະທານ​ບໍລິສັດ​ໄຟຟ້າ​ຍີ່
ປຸ່ນຫລື TEPCO ກ່າວ​ຕໍ່​ກອງ​ປະຊຸມ​ຖະ​ແຫລ​ງຂ່າວ​ວ່າ ບໍ
ລິສັດ TEPCO ວາງ​ແຜນ​ຈະ​ເຮັດ​ໃຫ້​ພວກ​ເຕົາ​ແຍກ​ນີວ​
ເຄລຍທັງ​ໝົດ​ທີ່​ໄດ້​ຮັບ​ຄວາມ​ເສຍ​ຫາຍ​ທີ່​ໂຮງ​ໄຟຟ້າ​ນີວ​
ເຄລຍFukushima Daiichi ກັບ​ຄືນ​ມາສູ່ສະພາບ​ທຸ່ນ​ທ່ຽງ
ອັນ​ທີເອີ້ນ​ກັນ​ວ່າ Cold Shutdown ນັ້ນ.

ການ​ເອົາ​ບາດກ້າວ​ບັ້ນ​ຫລ້າ​ສຸດ​ໃນ​ແຜນການ​ດັ່ງກ່າວ​ກໍ​ຈະ
ແມ່ນ​ຄຸ້ມ​ກັນ​ພວກເຕົາ​ແຍກນີວ​ເຄລຍທັງ​ໝົ​ດ​ກີດ​ກັນ​ບໍ່ໃຫ້
ກໍາ​ມັນ​ຕະພາບ​ລັງ​ສີ​ຮົ່ວ​ໄຫລອອກ​ອີກ ​ແລະ​ອະນຸມັດ​ໃຫ້​
ພວກຊາວບ້າ​ນຊາວ​ເມືອງ​ຕ່າງໆ​ທັງ​ໝົດກັບ​ຄືນ​ສູ່​ບ້ານ​ເກີດ
ເມືອງ​ນອນຂອງ​ເຂົາ​ເຈົ້າ​ໄດ້.

ນອກ​ນັ້ນ​ທ່ານ Katsumata ຍັງໄດ້ຂໍ​ຂະ​ມາ​ໂທດ​ຕື່ມ​ອີກ​ຄັ້ງ​ນຶ່ງ​ກ່ຽວ​ກັບ​ໄພພິບັດ​ນີວ​ເຄລຍທີ່​ກໍາລັງດໍາ​ເນີນ​ໄປ​ຢູ່​ນີ້.

ໂຮງ​ໄຟຟ້າ​ນີວ​ເຄລຍດັ່ງກ່າວ​ໄດ້​ຮັບ​ຄວາມ​ເສຍ​ຫາຍ​ຈາກ​ໄພ​ແຜ່ນດິນໄຫວ​ແລະ​ຄື້ນຟອງ​ຍັກ​ຊຸ​ນາ​ມິທີ່​ຮ້າຍ​ແຮງ​ໃນ​ວັນ​ທີ 11 ມີນາ​ເດືອນ​ແລ້ວ​ນີ້ ຊຶ່ງ​ໄດ້​ສ້າງ​ຄວາມ​ເສຍ​ຫາຍ​ເຮັດ​ໃຫ້​ກໍາ​ມັນ​ຕະພາບ​ລັງສີ​ຮົ່ວ​ໄຫລ​ສູ່​ສິ່ງແວດ​ລ້ອມ​ແລະ​ບັງຄັບ​ໃຫ້​ພວກ​ຊາວບ້ານ​ຊາວ​ເມືອງ​ທັງຫລາຍ​ຕ້ອງ​ປະ​ບ້ານ​ປະ​ເຮືອນ​ຂອງ​ເຂົາ​ເຈົ້າ​ໄປ.

XS
SM
MD
LG