ໄຕ້ຝຸ່ນໃຫຍ່ແລະພະລັງແຮງຫົວນຶ່ງ ກຳລັງພັດຢ່າງຊ້າໆເຂົ້າ
ສູ່ໝູ່ເກາະພາກໃຕ້ຂອງປະເທດຍີ່ປຸ່ນ.
ໄຕ້ຝຸ່ນ Vongfong ໄດ້ນຳຝົນຕົກໜັກແລະລົມພັດແຮງ ມາສູ່
ເກາະໂອກີນາວາແລ້ວ ເຮັດໃຫ້ຫລາຍພັນຄົນບໍ່ມີໄຟຟ້າໃຊ້
ລົບກວນຖ້ຽວບິນ ແລະເຮັດໃຫ້ 12 ຄົນໄດ້ຮັບບາດເຈັບ.
ບັນດານັກພະຍາກອນອາກາດ ຄາດວ່າ ພາຍຸຫົວນີ້ຈະພັດເຂົ້າ
ໄປໃກ້ ເກາະໂອກີນາວາ ຫລາຍທີ່ສຸດ ໃນຕອນແລງວັນເສົາມື້ນີ້
ກ່ອນມຸ້ງໜ້າໄປສູ່ພາກເໜືອເຂົ້າຫາ ບັນດາເກາະໃຫຍ່ Kyushu ກັບ Honshu ໃນຕົ້ນອາທິດໜ້າ.
ໄຕ້ຝຸ່ນລູກນີ້ໄດ້ອ່ອນຄວາມແຮງລົງ ບໍ່ເທົ່າໃດມື້ທີ່ຜ່ານມາ ແຕ່ກໍຍັງມີລົມແຮງ ເຖິງ 234
ກິໂລແມັດ ຕໍ່ຊົ່ວໂມງ.
ພາຍຸ Vongfong ທີ່ມີຄວາມໝາຍວ່າ ໂຕຕໍ່ ໃນພາສາກວາງຕຸ້ງ ຂົ່ມຂູ່ທີ່ຈະກໍ່ໃຫ້ເກີດໄພ
ນໍ້າຖ້ວມຢ່າງຮ້າຍແຮງ ຍ້ອນການພັດເຄື່ອນໄປຢ່າງຊ້າໆຂອງມັນ ຄືໃນອັດຕາ ປະມານ
10 ກິໂລແມດຕໍ່ຊົ່ວໂມງ.
ຍີ່ປຸນ ຍັງກຳລັງຟື້ນໂຕຄືນຈາກ ໄຕ້ຝຸ່ນ Phanfone ທີ່ໄດ້ຖະຫລົ່ມປະເທດອາທິດແລ້ວນີ້
ເຮັດໃຫ້ມີຜູ້ເສຍຊີວິດເຈັດຄົນ ຮວມທັງທະຫານສະຫະລັດ ສາມຄົນ.
Source: Japan Meteorological Agency
