ທາຍາດຂອງມື້ລາງນາຍົກລັດຖະມົນຕີຄົນທໍາອິດຂອງຍີ່ປຸ່ນ ໄດ້ຖືກແຕ່ງຕັ້ງໃຫ້ເປັນລັດຖະ
ມົນຕີການຕ່າງປະເທດຄົນໃໝ່ຂອງຍີ່ປຸ່ນ.
ທ່ານ Yuko Edano ຫົວໜ້າຫ້ອງການຄນະນະລັດຖະບານຍີ່ປຸ່ນກ່າວຕໍ່ບັນດານັກຂ່າວ
ໃນວັນພຸດມື້ນີ້ວ່າ ນາຍົກລັດຖະມົນຕີ Naoto Kan ໄດ້ເລື່ອນຊັ້ນທ່ານ Takeaki Mat-
sumoto ຈາກຕໍາແໜ່ງຮອງລັດຖະມົນຕີຕ່າງປະເທດ ຂຶ້ນມາແທນທ່ານ Seiji Maehara
ທີ່ໄດ້ລາອອກໃນວັນອາທິດແລ້ວນີ້ ຫລັງຈາກຍອມຮັບວ່າ ທ່ານໄດ້ຮັບເງິນບໍລິຈາກດ້ານ
ການເມືອງທີ່ຜິດກົດໝາຍຈໍານວນ 3 ພັນໂດລາ ຈາກຊາວຕ່າງປະເທດຄົນນຶ່ງ ບໍ່ແມ່ນ
610 ໂດລາ ຕາມທີ່ມີໃນລາຍງານຂ່າວກ່ອນໜ້ານີ້.
ທ່ານ Matsumoto ຊຶ່ງເປັນເຫລນຂອງມື້ລາງທ່ານ Hirofumi Ito ທີ່ໄດ້ເປັນນາຍົກລັດ
ຖະມຸນຕີຄົນທໍາອິດຂອງຍີ່ປຸ່ນໃນປີ 1885 ເປັນອະດີດນາຍທະນາຄານ ແລະເວລານີ້ກໍາ
ລັງເປັນຜູ້ແທນລາດສະດອນ ເຂົ້າຮັບຕຳແໜ່ງເປັນສະໄໝທີ 4 ໃນສະພາຕໍ່າຂອງຍີ່ປຸ່ນ.
ທ່ານເປັນຜູ້ຮັບຊ່ວງຕໍ່ ບັນຫາທ້າທາຍຕ່າງໆທາງການທູດມາຈຳນວນນຶ່ງ ຮວມທັງບັນ
ຫາຂັດແຍ້ງດ້ານເຂດນໍ້າແດນດິນ ທີ່ຂົມຂື່ນກັບຈີນແລະຣັດເຊຍ.
