ລິ້ງ ສຳຫລັບເຂົ້າຫາ

ລມຕ ຕ່າງປະເທດຍີ່ປຸ່ນ ລາອອກ

  • ສິງ ບູຣົມມະວົງ

ທົວໜ້າຫ້ອງການລັດຖະບານຍິ່ປຸ່ນ ທ່ານ Yukio Edano ທີ່ຈະເຂົ້າຮັບຕໍາແໜ່ງລັດຖະມົນຕີຕ່າງປະເທດຊົ່ວຄາວນໍາ.

ສື່​ມວນ​ຊົນ​ຍີ່ປຸ່ນ​ກ່າວ​ວ່າ ທ່ານ Yukio Edano ຫົວໜ້າຫ້ອງການຄະນະລັດຖະບານ ​ຈະ
ດໍາລົງຕໍາ​ແໜ່​ງລັດຖະມຸນຕີ​ການ​ຕ່າງປະ​ເທດຊົ່ວຄາວຕື່ມ​ອີກຕໍາ​ແໜ່​ງນຶ່ງ​ ແທນ​ທ່ານ
Seiji Maehara ທີ່​ໄດ້​ລາ​ອອກ​ໄປ​ຢ່າງ​ກະທັນຫັນ​ໃນ​ວັນ​ອາທິດ ວານ​ນີ້.

ທ່ານ Maehara ​ໄດ້​ຍອມຮັບ​ວ່າ ​ໄດ້​ຮັບເອົາ​ບໍລິຈາກ​ເງິນຊ່ອຍ​ເຫລືອ​ໃນ​ການ​ໂຄສະນາ​ຫາ
ສຽງ​ເລືອກ​ຕັ້ງ ຢ່າງ​ຜິດກົດໝາຍ​ໃນ​ປີ 2008 ຈາກຄົນ​ເກົາຫລີ​ໃຕ້​ຄົນ​ນຶ່ງ. ການ​ລາອອກ​ຂອງ
ທ່ານ​ມີ​ຂຶ້ນ ຫລັງ​ຈາກດໍາລົງ​ຕໍາ​ແໜ່​ງລັດຖະມຸນຕີຕ່າງປະ​ເທດ​ ມາໄດ້​ພຽງ 6 ​ເດືອນ​ເທົ່າ​ນັ້ນ.

ໃນ​ການ​ຂໍ​ຂະ​ມາ​ໂທດ​ຕໍ່​ປະຊາຊົນ​ຍີ່ປຸ່ນ​ໃນ​ວັນ​ອາທິດ​ວານ​ນີ້ ທ່ານ Maehara ​ໄວ 48 ປີ​
ກ່າວ​ວ່າ ທ່ານ​ມີ​ຄວາມ​ເສຍ​ໃຈ​ທີ່​ສຸດ​ທີ່​ໄດ້​ກໍ່ໃຫ້​ເກີດຄວາມ​ບໍ່​ໄວ້​ວາງ​ໃຈຂຶ້ນ​ມາ ​ເຖິງ​ແມ່ນທ່ານ
ໄດ້​ໃຫ້​ອັນ​ທີ່​ທ່ານເອີ້ນ​ວ່າ ຄໍາ​ໝັ້ນ​ສັນຍາ​ວ່າ​ຈະພະຍາຍາມ​ເຮັດ​ໃຫ້ການ​ເມືອງ​ຂາວ​ສະອາດ​ ນັ້ນ​ກໍ​ຕາມ.

ກ່ອນ​ນີ້ ໄດ້​ມີ​ການ​ມອງ​ເຫັນ​ກັນ​ວ່າ ທ່ານ​ Maehara ເປັນບຸກຄົນຊັ້ນ​ນໍາ​ທີ່​ຈະ​ໄດ້​ຂຶ້ນ​ດໍາລົງ​
ຕໍາ​ແໜ່​ງ​ແທນນາຍົກລັດຖະມຸນຕີ Naoto Kan ທີ່​ໄດ້​ປະ​ເຊີນ​ກັບ​ບັນຫານັ້ນ.

ການ​ຍອມຮັບ​ຂອງ​ທ່ານ​ໄດ້​ຖືກ​ມອງ​ເຫັນ​ກັນ​ຢ່າງ​ກວ້າງຂວາງ​ວ່າ ເປັນ​ການ​ບ່ອນທໍາລາຍ​ຄໍາ
ໝັ້ນ​ສັນຍາ​ຂອງ​ນາຍົກລັດຖະມຸນຕີ Kan ທີ່ຈະ​ກໍາຈັດຫລື​ຖອນ​ຮາກ​ການ​ເມືອງ​ເງິນໃຫ້​ໜົດ​
ໄປ ຫລັງ​ຈາກ​ມີ​ຂ່າວ​ນອງ​ນັນກ່ຽວ​ກັບ​ການ​ຫາ​ເງິນທາງ​ການ​ເມືອງ​ໂດຍ​ທ່ານ​ Ichiro Ozawa ສະມາຊິກພັກ​ປະຊາທິປັດ​ຂອງ​ລັດຖະບານ ທີ່​ປົກຄອງ​ປະ​ເທດ​ໃນ​ປັດຈຸບັນ​ນີ້.

XS
SM
MD
LG