ບັນດາພັກການເມືອງຝ່າຍຄ້ານໃນຍີ່ປຸ່ນພາກັນຮຽກຮ້ອງໃນວັນອາທິດມື້ນີ້ ໃຫ້ລັດຖະມຸນຕີ
ການຕ່າງປະເທດ Seiji Maehara ລາອອກຈາກຕໍາແໜ່ງໃນຂໍ້ຫາຮັບເອົາເງິນບໍລິຈາກການ
ໂຄສະນາຫາສຽງເລືອກຕັ້ງຈາກຄົນຕ່າງປະເທດ.
ກົດໝາຍຍີ່ປຸ່ນຫ້າມຊາວຕ່າງປະເທດບໍລິຈາກເງິນ ໃຫ້ແກ່ການໂຄສະນາຫາສຽງເລືອກຕັ້ງ
ຂອງຜູ້ສະໝັກຮັບເລືອກຕັ້ງຍີ່ປຸຸ່ນຄົນໃດກໍຕາມ. ທ່ານ Maehara ໄດ້ເປີດເຜີຍໃນວັນສຸກ
ຜ່ານມານີ້ວ່າ ໜ່ວຍໂຄສະນາຫາສຽງເລືອກຕັ້ງຂອງທ່ານໄດ້ຮັບເງິນບໍລິຈາກຈໍານວນ 610
ໂດລາໃນປີ 2008 ຈາກແມ່ຍິງເກົາຫລີຄົນນຶ່ງ ຊຶ່ງທ່ານໄດ້ຮູ້ຈັກມາເປັນເວລາຫລາຍປີ ຊຶ່ງ
ແມ່ຍິງຄົນນີ້ມີຮ້ານອາຫານຂາຍຊີ້ນປີ້ງ ຫລື barbecue ໃນເມືອງ Kyoto.
ທ່ານ Maehara ກ່າວໃນວັນເສົາວານນີ້ວ່າ ຊະຕາກໍາຂອງທ່ານຈະແມ່ນນາຍົກລັດຖະມົນ
ຕີ Naoto Kan ຈະເປັນຜູ້ຕັດສິນ ແລະວ່າທ່ານຍັງດໍາລົງຕໍາແໜ່ງຢູ່ຕໍ່ໄປ.
ທ່ານ Maehara ກ່າວອີກວ່າ ທ່ານບໍ່ໄດ້ຮູ້ເລື້ອງຫຍັງກ່ຽວກັບເງິນບໍລິຈາກນີ້ ແຕ່ທ່ານກໍຂໍຮັບຜິດຊອບ ແລະໄດ້ຂໍຂະມາໂທດໃນການຮັບເອົາເງິນນີ້ ແລະກ່າວຕື່ມວ່າ ທ່ານຈະສົ່ງເງິນນີ້ຄືນໃຫ້ເຈົ້າຂອງ.