ນາຍົກລັດຖະມົນຕີຍີ່ປຸ່ນທ່ານ Naoto Kan ໄດ້ລອດພົ້ນ
ຈາກການທ້າທາຍຕໍ່ການນຳພາຂອງທ່ານ ແລະໄດ້ຖືກ
ເລືອກອີກຄັ້ງນຶ່ງໃນວັນອັງຄານມື້ນີ້ ໃຫ້ເປັນປະທານຂອງ
ພັກປະຊາທິປະໄຕ ອັນເປັນພັກລັດຖະບານທີ່ປົກຄອງປະ
ເທດຢູ່ໃນເວລານີ້.
ທ່ານ Kan ໄດ້ຊະນະຜູ້ທ້າທາຍທ່ານ ຄືທ່ານ Ichiro
Ozawa ນັກໄກ່ເກ່ຍ ອຳນາດ ທີ່ມີອາຊີບທາງການເມືອງ
ມາໄດ້ 40 ປີແລ້ວນັ້ນ. ທ່ານ Kan ໄດ້ຮັບຄະແນນສຽງ
ສະໜັບສະໜູນ 721 ສຽງ ຕໍ່ 491 ສຽງຂອງທ່ານ
Ozawa ຊຶ່ງແມ່ນລື່ນກັນຫລາຍກ່ວາທີ່ໄດ້ມີການຄາດຄະເນກັນໄວ້.
ໃນການກ່າວທັນທີ ຫລັງຈາກໄດ້ຖືກເລືອກຄືນໃໝ່ນັ້ນ ທ່ານ Kan ໄດ້ຮຽກຮ້ອງໃຫ້ມີຄວາມສາມັກຄີກັນ ແລະເວົ້າວ່າ ທ່ານຈະຮັກສາຄໍາໝັ້ນສັນຍາຂອງທ່ານ ທີ່ວ່າຈະຊ່ວຍ
ເຫລືອປະຊາຊົນຍີ່ປຸ່ນນັ້ນ.
ການໄດ້ຮັບໄຊຊະນະຂອງທ່ານ Kan ແມ່ນໝາຍຄວາມວ່າ ຍີ່ປຸ່ນໄດ້ລອດພົ້ນຈາກ
ການປ່ຽນຜູ້ນຳອີກຄັ້ງນຶ່ງ ຂະນະທີ່ປະເທດຊາດພວມຮັບມືກັບຄ່າເງິນເຢັນທີ່ຖີບໂຕສູງ
ຂຶ້ນ ແລະເສດຖະກິດເສື່ອມຖອຍ.
ຜູ້ນຳຂອງຍີ່ປຸ່ນຫາກໍເຂົ້າຮັບຕຳແໜ່ງໄດ້ 3 ເດືອນທໍ່ນັ້ນ. ທ່ານ Ozawa ໄດ້ຕຳໜິຕິ
ຕຽນທ່ານວ່າ ບໍ່ສາມາດເຮັດໃຫ້ເສດຖະກິດທີ່ພວມຫຼຸດຖອຍຂອງຍີ່ປຸ່ນຂະຫຍາຍໂຕໄດ້.
