ໂທລະພາບແຫ່ງຊາດຂອງຍີ່ປຸ່ນລາຍງານວ່າຮ່າງຖະແຫຼງ
ການສະບັບນຶ່ງ ຂອງອົງການນິວເຄລຍສະຫະປະຊາຊາດ
ຮຽກຮ້ອງໃຫ້ຍີ່ປຸ່ນເຮັດລາຍງານທີ່ມີຄວາມໂປ່ງໃສຫຼາຍຂຶ້ນ
ກ່ຽວກັບວິກິດການ ທີ່ໂຮງໄຟຟ້ານິວເຄລຍ Fukushima
ໃຫ້ແກ່ທາງອົງການດັ່ງກ່າວ.
ໂທລະພາບ NHK ລາຍງານໃນວັນພະຫັດມື້ນີ້ວ່າຖະແຫຼງ
ການທີ່ວ່ານີ້ແມ່ນໄດ້ຖືກກະກຽມໄວ້ເພື່ອນໍາສະເໜີຕໍ່ກອງປະ
ຊຸມຂອງອົງການພະລັງງານປະຣະມະນູສາກົນ ຊຶ່ງຈະມີຂຶ້ນ
ທີ່ນະຄອນເຈນີວາໃນວັນທີ 20 ມິຖຸນານີ້.
ເມື່ອໄວໆມານີ້ ພວກນັກຊ່ຽວຊານຈຸນຶ່ງ ຂອງອົງການພະລັງງານປະລະມະນູສາກົນໄດ້ເດີນ
ທາງໄປຢ້ຽມຢາມປະເທດຍີ່ປຸ່ນ ເພື່ອສຶກສາເບິ່ງອຸບັດຕິເຫດທາງດ້ານນິວເຄລຍແລະຄາດວ່າ ຈະລາຍງານການພົບເຫັນຂອງຕົນຕໍ່ກອງປະຊຸມດຽວກັນນີ້.
ຕາໜ່າງໂທລະພາບແຫ່ງຊາດຂອງຍີ່ປຸ່ນຍັງແຈ້ງວ່າ ຮ່າງລາຍງານສະບັບດັ່ງກ່າວນີ້ຍັງຮຽກ
ຮ້ອງໃຫ້ຍີ່ປຸ່ນ ລາຍງານຕາມຄວາມເປັນຈິງກ່ຽວກັບວິກິດການນິວເຄລຍທີ່ເກີດຂຶ້ນ ແລະເປີດເຜີຍການຊັ່ງຊາຕີລາຄາຂອງຕົນ ເພື່ອວ່າປະເທດຕ່າງໆ ຈະສາມາດຖອດຖອນບົດຮຽນຈາກ
ອຸບັດຕິເຫດທີ່ວ່ານີ້.
ລັດຖະບານຍີ່ປຸ່ນ ແລະຜູ້ບໍລິຫານງານໂຮງໄຟຟ້ານິວເຄລຍ Fukushima ໄດ້ຖືກຕຳໜິຕິ
ຕຽນຢ່າງໜັກຢູ່ໃນຍີ່ປຸ່ນ ຍ້ອນໄດ້ຊັກຊ້າໃນການຮັບຮູ້ເຖິງຄວາມຮ້າຍແຮງ ຂອງອຸບັດຕິເຫດ ທີ່ເກີດຂຶ້ນເວລາຟອງຍັກສຸນາມິປະທະຍີ່ປຸ່ນໃນວັນທີ 11 ມີນາເຮັດໃຫ້ລະບົບທຳຄວາມເຢັນ
ຂອງໂຮງໄຟຟ້າດັ່ງກ່າວໄດ້ຮັບເສຍຫາຍນັ້ນ.
