ລັດຖະບານຍີ່ປຸ່ນກ່າວວ່າ ຕົນຈະດໍາເນີນການທົດສອບເບິ່ງຄວາມທົນທານຂອງເຄື່ອງປະ
ຕິກອນຫຼືເຕົາແຍກນີວເຄລຍຂອງຕົນທັງໝົດໃນທົ່ວປະເທດເພື່ອຊັ່ງຊາເບິ່ງວ່າ ເຄື່ອງປະ
ຕິກອນນີວເຄລຍເຫລົ່ານີ້ຕ້ານທານກັບໄພພິບັດທໍາມະຊາດໄດ້ຫລືບໍ.
ທ່ານ Banri Kaieda ລັດຖະມົນຕີການຄ້າຍີ່ປຸ່ນກ່າວຕໍ່ບັນດານັກຂ່າວໃນວັນພຸດມື້ນີ້ວ່າ
ການທົດສອບດັ່ງກ່າວຈະດຳເນີນໄປກັບເຕົາແຍກທຸກໆໜ່ວຍທັງໝົດ 54 ໜ່ວຍທີ່ກໍາລັງ
ໃຊ້ການຢູ່ໃນເວລານີ້ ເພື່ອຮັບປະກັນວ່າ ຈະບໍ່ມີບັນຫາໃດໆກັບສະໜອງໄຟຟ້ານັ້ນ.
ການຕັດສິນໃຈດັ່ງກ່າວນີ້ມີຂຶ້ນຫລັງຈາກເກີດໄພພິບັດທໍາມະຊາດທີ່ໂຮງໄຟຟ້ານີວເຄລຍ
Fukushima Daiichi ຊຶ່ງໄດ້ເຮັດກໍາມັນຕະພາບລັງສີນີວເຄລຍຮົ່ວໄຫລອອກມາສູ່ອາ
ກາດຕະຫລອດທັງພາກພື້ນດິນແລະທະເລນັບແຕ່ເກີດໄພແຜ່ນດິນໄຫວ ແລະຄື້ນຟອງ
ຍັກຊຸນະມິ ໃນວັນທີ 11 ມີນາແລ້ວນີ້. ໄພຫາຍຍະນະດັ່ງກ່າວໄດ້ທໍາລາຍລະບົບທໍາຄວາມ
ເຢັນທີ່ໂຮງໄຟຟ້ານີວເຄລຍ Fukushima ຊຶ່ງໄດ້ເຮັດໃຫ້ເຄື່ອງປະຕິ ກອນນີວເຄລຍ 3
ໜ່ວຍໃນໂຮງໄຟຟ້ານີວເຄລຍດັ່ງກ່າວລະລາຍນັ້ນ.
ອຸບັດເຫດຄັ້ງນີ້ ນັບວ່າເປັນວິກິດການນີວເຄລຍຄັ້ງຮ້າຍແຮງທີ່ສຸດຂອງໂລກນັບແຕ່ເກີດ
ໄພພິບັດທີ່ໂຮງໄຟຟ້ານີວເຄລຍ Chernobyl ໃນປີ 1986 ເປັນຕົ້ນມາ.
